Тајните ракописи од Египет и Мртво море

НЕШЕНЛ ЏЕОГРАФИК На 6 април, на последната страница на Утрински весник, излезе следнава информација: "Телевизиската станица Нешенл џеографик, која ја пренесуваат некои македонски кабелски оператори, на католичкиот Велигден ќе прикаже документарец за загубеното евангелие, за кое се тврди дека му припаѓа на Јуда Искариотски". Во веста за прес-конференцијата на оваа популарна телевизија, одржана во Хамбург, беше наведено дека Јудиното евангелие "ќе ја промени историјата на светот"! Таа промена ќе настанела затоа што во филмот било докажано дека "Јуда не бил предавник на Исус и на неговите соученици". На крајот на веста пишуваше дека специјалното издание на Национална географија ќе го пренесувале 163 земји, а филмот ќе бил преведен на 23 јазици.

Претплатниците на кабелскиот оператор Зора кои посакаа да го видат овој атрактивен документарец останаа со празни очи бидејќи ниту на католичкиот, ниту на православниот Велигден не беше прикажана емисија под наслов Judas gosspel. Можеби затоа што тука се реемитува романскиот Нешенл џеографик. Меѓутоа, на сајтот на овој прославен медиум (www.nationalgeographic.com) веќе можете да го најдете соодветниот текст, а загрепската ТВ Нова најавува дека кавер-сторија во следното хрватско издание на магазинот ќе биде Јудиниот госпел, така што во најскоро време секој граѓанин ќе може да си го купи, ако му се трошат 250 денари.


Инаку, приказната за Евангелието по Џуда започнува онаму каде што се прекинува сторијата за документите од Наг Хамади. Во споменатата книга Евенгелие по Тома и останати гностички списи пронајдени кај Наг Хамади, издадена минатата година во Белград, најсвеж датум што се споменува е 1981 г., кога се правени испитувања на картонажата на кориците: "Потеклото на кодексот од Наг Хамади често се изедначувало со пахомијанскиот монашки ред, чија програма често - меѓу другото - вклучувала и опширни студии по книжевност. Меѓутоа, објавувањето на таа картонажа во 1981 г. поттикна преиспитување на доказите кои се покажале како помалку точни одошто претходно се мислело. И покрај тоа, за разлика од другите понудени теории, врската на кодексот од Наг Хамади со пахомијанското движење и натаму останува сериозна можност".

Во текстот Џудас госпел на сајтот на Нешенл џеографик индиректно се тврди дека тоа загубено евангелие и припаѓа на колекцијата на Наг Хамади. "Папирусот бил закопан во тежок и висок ќуп, можеби од страна на калуѓерите од блискиот манастир на свети Пахомиј. Би бил потребен само еден човек да го скине Јудиното евангелие, кое било поврзано со другите гностички текстови". И годините на неговото појавување како да укажуваат дека можеби и тој анал е дел од египетската збирка. Ја спомнавме 1981 г., како последна година во која се случува нешто интересно околу коптските апокрифи во Наг Хамади. Веќе во 1983 г. започнува да се одмотува клопчето со таинственото Евангелие по Јуда. Во мај 1983 г., дипломираниот студент Стефан Емел добил повик од другари-соученици кои сакале заедно да појдат во Швајцарија и да проверат некои коптски документи што им биле понудени од мистериозен извор. Во Женева, Емел и неговите двајца колеги биле упатени во хотелска соба каде што биле пресретнати од двајца луѓе - Египќанец и Грк преведувач. "Ни беа дадени половина час да погледнеме во содржината на 3 кутии за чевли. Во нив имаше папируси завиткани во весници. Не ни беше дозволено да фотографираме или да правиме забелешки. Не смеевме да го допираме, оти папирусот веќе беше почнал да се распаѓа. Еден од колегите исчезна во бањата да преговара за цената. Бевме овластени да понудиме не повеќе од 50.000 долари; продавачите побараа 3 милиони долари, ни пени помалку. Немаше шанса да ги платиме тие пари", вели Емел во текстот на Нешенл џеографик, патем денес професор на Универзитетот во Минстер, Германија. Тоа беше прв и последен пат некој учен да ги види загадочните документи следните 17 години.
ГРЧКИ АНТИКВАРКИ Всушност, приказната не започнува 1983 г., туку десетина години порано, кога некој трговец со староегипетски старини од Каиро, во градот Ел Минја, во Египет, открил древна книга што наводно го содржела инкриминираното Јудино евангелие. Пред да умре, тој "проспектор" во 1978 г. му ја продал книгата на трговец со антиквитети именуван како "Хана". Дуќанот на Хана бил ограбен во 1980 г., а со целото азно исчезнува и книгата на Јуда. Со посредство на свои луѓе во Швајцарија, Хана си ја враќа ризницата и тој е човекот што во 1983 г. му го нуди сикретното Евангелие на Стефан Емел. Следната 1984 г., Хана им ги нуди манускриптите на лица од Њујорк. Бидејќи и таму не успева да се спогоди, ги става во сеф и ги остава во него полни 16 години. Конечно, извесна Гркинка по име Фрида Нусбергер - Тхакос го купува кодексот во април 2000 г., макар што поединости околу трансакцијата остануваат мистерија и за Нешенл џеографик. Фрида му ги покажува скриптите на експертот за папируси од Јеил, Роберт Бабкок, кој мигум сфаќа дека Гркинката во рацете држи документ од несогледлива вредност. Тој му предлага на матичниот Универзитет да ги откупи актите, но Ректоратот одбива, сомневајќи се дека се работи за фалсификат. Гркинката прави уште еден неуспешен обид за препродавање на папирусите на некојси Брус Ферини, за конечно да тропне на вратата Нешенл џеографик сосајати, основачот на магазинот Национална географија. Сумата која и била исплатена на Гркинката не е обелоденета..

Изменето од MAKEDON-FILIP - 29.Февруари.2008 во 04:14

Пахомиј, всушност, бил основач на монашки ред во раниот среден век. Тој изградил манастир во јужен (или горен) Египет каде што го оформил т.н. пахомијанско движење. Каква била улогата на тоа верско движење од средината на IV век, не е лесно да се утврди, бидејќи Пахомиј имал час добри, час лоши односи со - тогаш - се уште неофицијализираната Христијанска црква. На пример, во книгата Евангелие по Тома и останати гностички списи, во која се цитираат делови од Животот на св. Пахомиј, се кажува дека наследникот и личен помошник на Пахомиј, Теодор, го превел посланието на александрискиот надбискупот Атанасиј. Во него се осудуваат "еретиците и нивните апокрифни книги, за кои тврдат дека настанале во древно доба и ги нарекуваат според имињата на светците". Значи, Пахомиј и Теодор тука се на страната на официјалната црква. Но, во претходниот пасус е напишано дека верскиот поглавар на градот кој се наоѓал во близина на денешен Луксор, се обидел да го протера Пахомиј од својата диецеза поради расправиите што Пахомиј ги водел со коптските гностици..

Изменето од MAKEDON-FILIP - 29.Февруари.2008 во 04:04

Во 1945 год. седум бедуински полски работници копајки наишле на човечки скелет и запечатена урна. Мислејки дека содржи злато, ја разбиле урната и нашле тринаесет свитоци обвиени со кожа, не баш некоја книга ама нејзин предок. Свитоците содржеле 46 прастари христијански ракописи со содржина од 1-2век а самите свитоци биле направени во 4век. Подоцна некои биле несвесно изгубени, користени за потпалување или биле занемарени , а во 1947 остатокот бил собран во локалниот музеј. По откривањето на ракописите од Мртво море ова е второ откритие што може од корен да го промени општо прифатеното учење за почетокот и суштината на ХРИСТИЈАНСТВОТО.




Изменето од MAKEDON-FILIP - 29.Февруари.2008 во 04:06