Вести

ПРИЛЕПЧАНИ НЕ ГО ПРИЗНАВААТ ПОРАЗОТ ОД РЕНОВА

Судиите прават рејтинг преку Победа

Триумфот на Ренова над Победа од 1:0, шансите и акциите, воопшто играта на двата ривала, се она што беше одлика на натпреварот во Прилеп буквално с$ паѓа во втор план по реакциите од домашниот табор. Она што најчесто е на последното место како тема за разговор, под Марковите кули е број еден.

Прилепчани се жалат од судењето на скопската тројка, Александар Ставрев - Џенан Хајдари - Игор Ширилов. Им се забележува што признаа гол од офсајд, во случајот победоносен за гостите. Акцијата одеше во контра, еден од фудбалерите на Ренова, Тодоровски, беше длабоко во пасивен офсајд, нему му беше упатена топката, но во празно се придодаде Исмаили по десната страна. Помошникот судија Хајдари не крена знаменце, нападот продолжи. Топката беше свртена пред петтерецот, а таму од прва биеше неодбранливо Алију. Домашните очекуваа офсајд, гостите дадоа гол и токму со него - победија.

Втора спорна ситуација е црвениот картон за стоперот на Победа, Дарко Крстески. Некаде при крајот, во 82. минута, од десната страна беше испратен остар центаршут кон домашниот гол. Крстески сакаше да изблокира, топката го удри во раката и доби втор жолт картон, односно црвен. Впечаток е дека немаше намерно играње со рака, топката не ја удри тој, туку таа удри во него. Оттука се чини престрого исклучувањето, доколку картонот не е доделен за некаков приговор на домашниот капитен.

Спорните ситуации не се многу на број, но сепак се клучни. Оттука и гневот на поразената екипа. Прилепчаните порачуваат судиите да не прават рејтинг преку Победа! Ја повикуваат судиската организација да ја прегледа снимката од натпреварот за да се увери во грешките на арбитрите.



Солидно деби на Кузмиќ

Голманот Жељко Кузмиќ во неделата првпат застана на голот на Победа и се чини мошне солидно си ја изврши задачата. Голот не можеше да го одбрани, но сите други интервенции му беа сигурни. Пред крајот го спаси својот тим од повисок пораз.

Петров јунак во поразот

Победа загуби поради бледа игра на целиот тим, со исклучок на поединци. Покрај голманот Кузмиќ во одлично издание беше и стоперот Мартин Петров. Тој со пожртвувана игра не им даде на противниците да шутираат кон прилепскиот гол. Доби громогласни аплаузи од публиката. Беше јунак кај поразениот тим.

Ето не мрда од Ноу Камп

Самуел Ето дефинитивно ќе остане во тимот на Барселона барем уште една сезона. Ваков договор паднал на состанокот меѓу претседателот на каталонскиот клуб, Жоан Лапорта, и тренерот Пеп Гвардиола во текот на викендот откако двајцата ја анализирале неговата работа од почетокот на подготовките.

Двајцата дошле до заклучок дека Ето се однесувал мошне коректно и покрај изјавата на Гвардиола од пред еден месец дека тој заедно со Деко и Роналдињо немаат место во неговиот состав. Другите двајца веќе го напуштија Ноу Камп, се преселија во Челзи и Милан, но Ето остана во тимот и за време на подготвителните натпревари беше еден од најдобрите фудбалери на Барселона постигнувајќи притоа пет гола. Освен тоа, иако се обиде Лапорта не успеа да најде соодветна замена за Ето во нападот, па на крајот беше принуден да го задржи фудбалерот кој е веќе проверен и е еден од омилените играчи на навивачите. Единствената работа што ја направи напаѓачот во последниот период е што побара нов договор од раководството на клубот со цел да ја обезбеди својата иднина во каталонскиот гигант.

За одлуката на челниците да го задржат Ето барем уште една сезона голема заслуга имаат и фудбалерите, кои во последните недели почнаа кампања за негова поддршка.

"Мислам дека Самуел е еден од најдобрите светски напаѓачи, но тоа не е нешто ново за него бидејќи таков епитет го следи долго време. Мислам дека Барселона нема да најде фудбалер како него, а уште поважно е што во минатите сезони покажа дека е незаменлив дел од екипата", рече Меси пред два дена.

Пред три сезони камерунскиот репрезентативец беше најдобар стрелец во Примера, но заедно со Роналдињо и најзаслужниот што Барселона освои две титули по ред во Примера и една во Лигата на шампионите. Неговитот договор со Барса истекува во јуни 2010 година, но во следните месеци ќе се знае дали и потоа ќе остане на Ноу Камп.

ПРВА МАКЕДОНСКА ЛИГА

РЕЗУЛТАТИ 2. КОЛО

ПЕЛИСТЕР - ХОРИЗОНТ ТУРНОВО 3:1

РАБОТНИЧКИ - МАКЕДОНИЈА 3:3

МЕТАЛУРГ - НАПРЕДОК 0:0

СИЛЕКС - МИЛАНО 0:0

ПОБЕДА - РЕНОВА 0:1

ВАРДАР (слободен)

ИДНО 3. КОЛО 24.08.2008 (НЕДЕЛА) 16 ч

ВАРДАР - ПЕЛИСТЕР

МИЛАНО - ПОБЕДА

НАПРЕДОК - СИЛЕКС

МАКЕДОНИЈА ЃП - МЕТАЛУРГ

ХОРИЗОНТ Т. - РАБОТНИЧКИ

РЕНОВА (слободна)

ТАБЕЛА

1. МАКЕДОНИЈА Ѓ.П 4 7:3 2 1 1 0 1 1 0 0 1 0 1 0

2. МИЛАНО 4 2:1 2 1 1 0 1 1 0 0 1 0 1 0

3. РЕНОВА 4 1:0 2 1 1 0 1 0 1 0 1 1 0 0

4. ВАРДАР 3 3:0 1 1 0 0 1 1 0 0 0 0 0 0

5. ПЕЛИСТЕР 3 3:1 1 1 0 0 1 1 0 0 0 0 0 0

6. РАБОТНИЧКИ 2 4:4 2 0 2 0 1 0 1 0 1 0 1 0

7. НАПРЕДОК 2 1:1 2 0 2 0 1 0 1 0 1 0 1 0

8. СИЛЕКС 2 0:0 2 0 2 0 1 0 1 0 1 0 1 0

9. МЕТАЛУРГ 1 1:2 2 0 1 1 1 0 1 0 1 0 0 1

10. ПОБЕДА 0 0:4 2 0 0 2 1 0 0 1 1 0 0 1

11. ХОРИЗОНТ Т. 0 1:7 2 0 0 2 0 0 0 0 2 0 0 2

ЛИСТА НА СТРЕЛЦИ

3 ДЕ Брито (Мак)

2 Милошевиќ (Раб)

Вашингтон (Мак)

1 Јанчевски (Вар)

Глигоров (Вар)

Нически (Нап)

Аксентиев (Раб)

Алими (Мил)

Сали (Мил)

Георгиевски (Мет)

Работнички - Македонија Ѓ.П. 3:3

Многу драма, шест гола, а сепак без победник, во воведниот натпревар од второто коло во новото домашно фудбалско првенство.

На градскиот стадион во Скопје, Македонија Ѓорче Петров со играч повеќе прокоцка предност од два гола против шампионот Работнички. На крајот, само 3:3.

Ѓорчепетровци го отворија резултатот преку Де Брито во 25-та минута со прекрасен погодок од слободен удар. Во 33-та минута Илијоски доби црвен картон и го стави на мака шампионот.

Пред крајот на првото полувреме Вашингтон зголеми на 2:0.

На стартот на второто полувреме, по 13 минути игра, резултатот беше 2:2, Кировски и Милошевиќ беа стрелци.

Во 60-та минута Илиевски повторно ги донесе Ѓорчепетровци во водство и кога веќе се чинеше дека Македонија ќе победи, Милошевиќ со својот втор погодок ги постави конечните 3:3.

Резултати од 2 коло во Првата лига:

Работнички - Македонија Ѓ.П. 3:3

Утре играат:

    * Металург - Напредок
    * Пелистер - Турново
    * Победа - Ренова
    * Силекс - Милано
    * Вардар: слободен

СРЕЌКО КАТАНЕЦ ВЧЕРА НА НЕФОРМАЛНА СРЕДБА СО МЕДИУМИТЕ ГИ НАЈАВИ ОЧЕКУВАЊАТА ЗА СЕПТЕМВРИСКИОТ НАШ СТАРТ ВО КВАЛИФИКАЦИИТЕ ЗА СП 2010

Три бода од Шкотска и Холандија

* "Ние мора да победиме барем на еден натпревар од оние со Шкотска и Холандија во септември пред нашата публика. Ако изгубиме на двата се знае што ќе значи тоа за натамошниот тек од квалификациите", вели Катанец

На Кејот на Вардар, комфорно расположен, како ретко кога барем кога се наоѓа пред блицевите и камерите, македонскиот селектор Среќко Катанец вчера во "Картел" низ неформалната средба со домашните медиуми го најави можеби и официјалниот почеток на комплетните наши поактивни подготовки за квалификациите за пласман на СП 2010 во Јужна Африка кои за нас почнуваат со дуелите на "Градски" со Шкотска на 6 септември, односно со Холандија на 10 септември.

Националниот тим претходно на 20 август го очекува пријателскиот натпревар со Луксембург, меѓутоа Катанец веќе од сега насочен со мислите кон квалификацискиот циклус.

"Стартот на квалификациите е многу важен за нас, не велам пресуден, но и тоа како значаен", го започна разговорот македонскиот селектор, притоа веднаш и со очекувањата за првите дуели со Шкотска и со Холандија.

"Ние мора да победиме барем на еден натпревар и освојувајќи три бода од двете тешки први средби со дополнителен мотив да ги продолжиме квалификациите. А, ако се изгубат двата натпревари се знае што значи тоа за натамошникот тек од квалификациите".

Веројатно, трите бода ќе се бараат од натпреварот со Шкотска...

"Не би калкулирал, важно е да има минимум три бода... Секој кој малку го прати фудбалот добро знае за квалитетите и на двете селекции. Холандија, заедно со Шпанија, најмногу покажа на неодамнешното Европско првенство. Шкотска, пак, која е на 16. место во светот, низ претходните квалификации во последен момент отпадна по поразот од Италија. Но, ние играме дома, пред нашите навивачи мора да се даде максимумот, ги почитуваме двата тима, но ќе играме без пардон со секој противник, па без разлика кој бил тоа".

Катанец, без размислување очекува нов напредок, од секој аспект, на нашата селекција во однос на претходниот циклус.

"Ние сме незгоден противник, имаме квалитет меѓутоа на тоа треба да се надодаде уште и вербата во себе, цврст карактер, многу повеќе заеднички интернационални тешки дуели, повеќе 'тестови' како оној со Полска за да би се комплетирала и вистински победничка целина. Мора и оние кои се избрани во националниот тим да носат со себе победнички дух. Јас верувам дека сега голем напредок ќе има во овој состав кој повеќе од две години работи заедно", истакна на вчерашната средба со новинарите македонскиот селектор.

В. Булатовиќ

Катанец: "Ако некој ви вети пласман на СП, јас заминувам"

Долго време македонската фудбалска јавност очекува наше резултатско помрднување на репрезентативен план. Скалило погоре на табелата во однос на некој претходен циклус, или барем некаква конк*рентна надеж за пласман на завршниците до самиот крајот од квалификациите се очекувањата на домашната јавност.

"Јас резултати некакви спектакуларни не можам да ветам... Ако вие може да најдете селектор кој ќе ви вети пласман на СП 2010 јас веднаш ќе го напуштам селекторското столче", вели, пак, Катанец, притоа дополнувајќи:

"Јас само посакувам тимот да игра добро, да создава шанси и на секој натпревар да постигнува голови. Резултат ќе има кога ќе се даде гол. Не знам што вие разбирате под резултат? Па, Македонија сега е на 54. место на ФИФА листата, а каде беше пред да дојдам јас? Јас сум презадоволен од тоа што досега го сработив со македонската репрезентација. Јас сум таков човек и селектор, с$ додека нешто функционира, како треба и како замислувам, не се откажувам. Ќе се откажам тогаш кога ќе видам дека тимот навистина не функционира под мое водство, и веќе нема што да му понудам. А, македонската репрезентација во моментов функционира како треба".

Луксембург не е никаков "тест"

"Луксембург не е никаков 'тест' , од играчки или резултатски аспект, за тоа што н$ очекува со Шкотска и со Холандија. Лично сакав да имаме многу посилен пријателски натпревар во овој термин, но бидејќи сите се договориле претходно, а силните селекции од Македонија не може финансиски да профитираат, тоа е тоа што ни остана. Но, по неколку месеци добро е сега да се собереме, натпреварот со Луксембург да биде уште еден вид проверка на нашата игра и да им укажеме на фудбалерите во тие десет дена кои преостануваат до стартот на квалификациите индивидуално што да работат пред с$ на физички план", вели македонскиот селектор.

Терминот за Шкотска не е во ред, но...

И Среќко Катанец се согласува дека терминот на квалификацискиот натпревар со Шкотска е апсолутно неприфатлив, но...

"Да се игра од 15 часот навистина не е в ред. Не дај боже временските услови да се вакви како што е во моментов во Скопје, но како и да е ќе мора да се прилагодиме, сакале или не", вели нашиот селектор.

Подготовките за квалификациите во Скопје

Место досегашната база Охрид, македонската репрезентација од 1 септември за квалификациските дуели со Шкотска и со Холандија ќе се подготвува во Скопје.

"Во Скопје ќе се подготвуваме со цел фудбалерите подобро да се аклиматизираат на временските услови под кои и ќе се играат натпреварите. Сепак, Охрид е на околу 700 метри надморска височина, со сосема поразлична клима од Скопје", истакнува Катанец.

ДЕНЕСКА СОСТАВОТ ЗА ДУЕЛОТ СО ЛУКСЕМБУРГ

Со едно ново име

Во текот на денешниот ден Среќко Катанец ќе го соопшти и списокот на фудбалери кои ќе бидат повикани за пријателскиот натпревар со Луксембург на 20 август.

"Изненадувања нема да има никакви што се однесува до составот. Таа селекција која ја создаваме овие неколку години ќе биде и против Луксембург и во квалификациите за пласман на СП 2010", вели Катанец дополнувајќи дека е можно единствено едно ново име.

"Можно е да има само едно ново име, но ќе видиме. Јас тврдам дека овие кои се во репрезентацијата се најдоброто од Македонија. И јас би сакал да имавме оваа година многу повеќе пријателски средби па да повикавме повеќе кандидати на проверка, но при еден ваков случај кога имаме 'тестови' на секој трет месец не може многу да се експериментира".

Собирот на репрезентативците за натпреварот со Луксембург ќе биде на 18 август директно во Луксембург. Нема да биде повикан Стевица Ристиќ, како и повредениот Александар Васоски, додека останатите се очекува повторно да бидат во комбинација.

Вест Хем го ослободува Љунгберг

Поранешниот шведски репрезентативец Фреди Љунгберг ќе биде принуден да бара нов клуб за новата сезона бидејќи Вест Хем сака да се ослободи од него по секоја цена. Минатата сезона искусниот крилен играч одигра само 25 натпревари за "чеканите" и воопшто не импресионираше со својата форма, па раководството на клубот објави дека ќе му ги исплати шесте преостанати милиони фунти од договорот и ќе му дозволи да си оди од Аптон Парк. Целата штета што Вест Хем ќе ја претрпи од Швеѓанецот изнесува 13 милиони фунти земајќи ја предвид и отштетата што ја добил при евентуален трансфер, па излегува дека Љунгберг го чини својот клуб по 500 илјади фунти по натпревар.

Вест Хем официјално с$ уште не го објавил официјално својот план, но с$ е договорено со Љунгберг и тој најдоцна утре би требало да биде слободен играч. Иако досега имаше понуда за трансфер во Олимпијакос, Швеѓанецот не се согласи на трансфер бидејќи сака да ја продолжи лигата во Англија или евентуално во Шпанија.

Љунгберг дојде во Премиер-лигата во 1999 година од Халмштад и тоа директно во Арсенал каде настапуваше осум сезони и остави длабока трага во лондонскиот клуб.

Судбината на Ето ќе се знае до 12 август

Иако доби поддршка од речиси сите фудбалери и претседателот Лапорта, Самуел Ето, сепак, не е сигурен дека идната сезона ќе го носи дресот на Барселона. Спортскиот директор на клубот, Чики Бегиристаин, вчера го одреди 12 август како краен датум до кога треба да биде јасно дали Камерунецот ќе ја смени средината или ќе остане на Ноу Камп.

"Времето брзо лета и трансфер-пазарот наскоро се затвора. Одлуката мора да биде донесена пред натпреварите од третото претколо на Лигата на шампионите, што значи дека до 12 август с$ треба да биде јасно. Треба уште да разговарам со тренерот Гвардиола и тој да ми каже како го замислува тимот за идната сезона и дали смета на Ето", рече Бегиристаин.

Гвардиола неодамна ја демантираше својата претходна изјава дека не смета на Ето за претстојната сезона, но тоа беше предизвикано од одличните игри и залагањето на Камерунецот на подготовките на каталонскиот тим. И покрај тоа, за Ето с$ уште има интерес од неколку италијански и англиски клубови, а неговиот трансфер досега беше спречен поради високите барања од финансиски аспект што тој ги постави.

Во зависност од тоа дали Ето ќе остане на Ноу Камп или не, ќе се знае дали Барселона ќе тргне посериозно по Давид Силва од Валенсија.