Каков костим за капење да изберете

Секси, спортски или едноставен стил. За секого може да се најде костим за капење што ќе ја истакне фигурата без оглед на возраста.

20-ти години

Ако имате облини, изберете костим со едноставен облик и детали што ја истакнуваат фигурата.
Ако сте крупни во горниот дел од телото, тогаш облечете секси горен дел што се врзува околу вратот, со фишбан.
Костимот со супертенок длабок изрез и шари е идеален ако сте крупни во долниот дел од телото.
Ако вашата фигура е како момчешка, пробајте заводливи шорцови со сатенско ременче што ќе долови илузија на облини.


30-ти години

Ако имате облини, тогаш балансирајте ги со шари на едноделен костим со стратешки направен изрез.
Ако сте крупни во горниот дел од телото, изберете едноделен еднобоен костим со прерамки во контрастна боја. Ако, пак, сте крупни долу, за вас е идеален спортскиот стил, и тоа шорцови што покриваат сè. Малечките бикини во јака боја се идеални ако имате момчешка фигура.

40-ти години


Со облини - изберете длабок В-изрез, а добро осмислените шари ќе направат совршено да ви стои. Ако сте крупни, тогаш слободно изберете костим со женствени набори кај градите, кои ќе го пренесат вниманието од долниот на горниот дел од вашето тело. Ако сте со момчешка става, истакнете ја фигурата со помал долен дел.

50-ти години


Со облини - едноделниот костим што се обвиткува околу вас на суптилен начин ќе ве покрие. Ако сте крупни горе, тогаш вам ви треба обликуван горен дел и помал долен дел. Ако, пак, сте крупни долу, изберете костим со убави детали во горниот дел. Ако имате момчешка градба, шик костимот со животински шари и мал отвор во горниот дел е вистински погодок.

60-ти години

На телото со облини одлично ќе му стојат спортски вертикални линии од страните на костимот, кои ќе ја направат вита вашата линија на телото. Ако сте крупни горе, најдете костим со едноставен и префинет изрез. Ако сте крупни долу, изберете елегантен стил, односно тенко во долниот дел. Ако имате момчешка фигура, изберете модел со дезен преку целиот костим од богата ткаенина.

Костими за капење од H&M – лето 2011