Тројство или Четворство?

Симбол од Св Атанасие Александриски

1. Оној кој сака да се спаси, пред се треба да ја почитува соборната вера
Која ако во целост и непогрешно не ја сочува, без сомневање засекогаш ќе погине. Верата, соборна е оваа:

2. Ние го прославуваме Едниот Бог во Троица и Троица во Еден
Со три личности неслиени и една природа неразделна
Зашто една е личноста на Таткото, друга на Синот и друга на Светиот Дух
Но Божјата природа на Таткото, Синот и Светиот Дух е една, Славата е една, и Величието е едно
Каков е Таткото, таков е Синот, таков е и Св Дух
Несоздаден е Таткото, несоздаден е Синот, Несоздаден е Св Дух
Несфатлив е Таткото, несфатлив е Синот, несфатлив е Светиот Дух
Вечен е Таткото, вечен е Синот, вечен е Светиот Дух, меѓутоа не троица вечни, туку Еден Вечен.
Не се троица несоздадени ни троица несфатливи туку еден несоздаден и еден несфатлив
Како што Таткото е Семоќен, така и Синот е Семоќен и Светиот Дух е Семоќен (Седржител, Сеприсутен)
Не троица Семоќни туку Еден Семоќен.Таткото е Бог, Синот е Бог и Светиот Дух е Бог
Меѓутоа нема три Богови, но само Еден Бог
Слично Таткото е Господ, Синот е Господ и Светиот Дух е Господ
Но нема три господа но само Еден е Господ
Како што според Христијанската Вера секоја Личност ја нарекуваме Бог и Господ
Така според истата Соборна Вистина не смееме да кажеме дека има три богови или три господа
Таткото од никого не е создаден ни креиран ни роден.
Синот не е создаден од Таткото, ниту е креиран, туку е Роден
Светиот Дух не е создаден од Таткото ниту креиран ни роден. Светиот Дух од Таткото Произлегува
Има еден Татко, а не три Татковци. Еден Син а не три сина. Еден Свет Дух а не три Свети духови
Во лицата на Света Троица никој не е прв или последен, и никој не е поголем или помал
Сите три личности се вечни и еднакви.
Според она што до сега го кажавме, Троица во Еден, и Еден во Троица го Прославуваме
Затоа кој сака да се спаси треба вака да размислува за Пресвета Троица

3. Заради нашето спасение треба точно да веруваме и во Воплотувањето на нашиот Господ Исус Христос
Вистинска вера е кога веруваме и кажуваме дека нашиот Господ Исус Христос, Син Божји, е Бог и Човек
Бог по природата на Таткото пред времето роден, и човек по природата на мајката во времето роден
Совршен Бог и совршен Човек, со душа разумна и тело човечко
Еднаков на Таткото со неговата Божја Природа и помал од Таткото со неговата човечка природа
Иако Он е Бог и Човек, во него нема две личности но еден е Христос
Еден, не со претворање на Божјата природа во Тело, но со примање на човечката природа од Божјата
Еден во полнота, не со слевање на природата, но со единство во Личноста (Христос е само една Личност)
Како што еден човек има разумна душа и тело, слично Еден е Христос, Бог и Човек, Богочовек
Кој пострада заради наше спасение и слезе во адот и во третиот ден воскресна од мртвите
И се вознесе на небесата и седна од десно на Бог, Таткото Семоќен,
Од каде што ќе дојде да им суди на живите и мртвите
И со доаѓањето свое сите луѓе со телата свои ќе ги воскресне, за одговор да дадат за делата свои
И ако добро правеле во вечен живот ќе појдат ако зло правле во огин вечен
Ова е соборната вера. Во неа ако некој верно и вистинито не поверува неможе да се спаси 
(Тука завршува Симболот)

За Св Троица постои споредба. Таткото е Сонце, Синот е Светлина, Светиот Дух е Топлина
Синот се раѓа од Таткото и нас ни го дава Светиот Дух
Така Светлината се раѓа од Сонцето и ја осветлува целата Земја
А Топлината произлегува од Сонцето и преку Светлината не стоплува. Господ за себе сведочи:
** Јас сум Светлина на светот, кој врви по мене нема да оди во темнина а ќе има Светлина во животот
Затоа Бог ни го даде Сонцето, за да можеме симболично да го замислиме Несфатливиот

Елохим, Адонаи, Елшадаи, Кирие, Јахве, Јешуа, Месија, Ника, Теос, Елеос

Бог, еврејски * Елохим, грчки * Теос значи Цар. Господ, евр * Адонаи, грч * Кирие значи Владика или Господар

Божјото вистинско име на евр е ЈАХВЕХ или Јеховах.
Јехова значи ** Јас Сум Оној Кој Сум ** Јас сум Оној Кој Вечно Постојам

Саваот на еврејски значи Семоќен Бог. Ника на грчки значи победник и се однесува на Исус Христос

Исус е грчки и македонски збор, значи Јахве е Спасител. Еврејски Јехошуа *Оној кој вечно постои е Спасител

Христос е грчки и македонски збор и значи Помазан со Елеи (Масло). Еврејски Месија или Мешијах

Господ го земал името ** Помазаник, бидејќи тој е помазан да биде Вечен Цар, Свештеник и Пророк

Масло на грчки * Елеос. Елеј е симбол за Даровите на Светиот Дух