Македонската репрезентација

емил напиша: Тошак: Можеме на СП во Бразил

Македонија ослабена, Пандев ќе паузира еден месец

На местото на репрезентативниот капитен, Тошак го повика Марио Ѓуровски

Македонската фудбалска репрезентација ќе биде ослабена на претстојните два квалификациски натпревари, на 7 октомври со Ерменија во Ереван и четири дена подоцна со Словачка во Скопје, поради неиграњето на нашиот најдобар фудбалер Горан Пандев. Тој кривејќи се појавил на првата прозивка во хотелот "Александар палас" и по направениот преглед од страна на репрезентативниот доктор Виктор Камиловски, беше ослободен од обврските и се враќа на медицински третман во Неапол.
- Извршениот ехо-преглед покажа дека се работи за обновување на старата повреда на задна бутна регија, која Пандев ја влошил на последниот натпревар со Интер. Сега му претстојат три до четири недели пауза, кога ќе треба да ја изврши потребната терапија - изјави докторот Камиловски

Пандев може да игра против Ерменија

Македонскиот репрезентативец Горан Пандев ќе му биде на располагање на селекторот Џон Тошак за квалификацискиот натпревар против Ерменија на 7 октомври, откако УЕФА реши да не го казни дополнително за црвениот картон од Москва.
Нашиот капитен по завршувањето на дуелот во Москва доби втор жолт картон од очајниот турски судија Јилдариј кој подоцна доби слаба оценка од контролорите на УЕФА. Затоа од Нион не делуваат жестоко и против Пандев, кој мина со суспензија од само еден меч. Турскиот арбитар во спорната 40 минута при 0:0 не досуди класичен пенал врз нашиот најдобар фудбалер.
Горан Пандев паузираше само на мечот со Андора во Скопје, кога едвај славевме со 1:0. Во тимот се враќа и дефанзивецот Николче Новески, кој беше суспендиран поради два жолти картони

Три бода со СВИРЕЖИ!!!

Нацијата може мирно да спие затоа што да не е Андора нашите "најдобри" фудбалери ќе заборавеа што беа тоа бодови

Со аматерска игра успеавме да ги победиме аматерите од Андора. Очајно и бедно издание на македонската фудбалска репрезентација која со многу потешкотии стигнаа до тенка победа од 1:0 над 202. селекција на ФИФА листата. Синоќешното издание беше и дефинитивна потврда дека овој наш национален тим е безнадежен и слаб. Иако славевме, иако освоивме 3 бода, сликата на теренот беше лоша. Настапот мизерен, а повеќето од играчите треба да се засрамат затоа што за националниот тим треба да се гине и да се игра, а не истиот да служи како модна писта и шанса да се направи трансфер.

Тошак не се радуваше...!!!
Велшанецот е свесен дека настапот на неговите избраници беше мизерен. Во таа пресудна 59. минута Џон Тошак остана закован за своето столче исто како и неговиот син Камерон. Не се радуваа на голот со кој поведовме и со кој Тошак стигна до првата победа како селектор на Македонија.

МАКЕДОНИЈА - АНДОРА 1:0 (0:0)
Национална арена "Филип Втори Македонски". Гледачи: 4.000. Главен судија: Марк Стивен Витби. Помошници: Томас Филип и Џон Свиндли (сите од Велс). Делегат: Стив Стрид (Англија)
Стрелци: Ивановски 59' (М); Ж. картони: Муарем, Усеини (М); А. Мартинез, Сонеје, Валес (А)
Играч на натпреварот: Иван Тричковски

Стартуваат подготовките за дуелот против Андора, Тасевски не се појави на собирот на репрезентативците

Македонската фудбалска репрезентација доцна ноќеска се врати од Москва и денеска ќе тренира на игралиштето во село Трубарево, каде селекторот Тошак планира во релаксирана атмосфера преку дополнително дружење со фановите на националниот тим да ја врати мотивацијата и расположението меѓу играчите пред дуелот со Андора кој се игра во Скопје во вторник.

На кампот му се приклучија и репрезентативците кои беа ослободени од обврските за средбата со Русија, Грозданоски, Усеини и Лазаревски. Од непознати причини, како што информираат од националната фудбалска куќа, во хотелот Стоун Бриџ, не се појави интернационалецот од Бугарија, Дарко Тасевски.

Дарко Тасевски не се најде на списокот на Џон Тошак за вчерашниот дуел со Русија во Москва, а тоа играчот на Левски многу го налути.

Според програмата националниот тим ќе тренира в недела и вторник во 10 часот на игралиштето на ФК Работнички, додека во понеделник ќе тренира на „Филип Втори" исто така во 10 часот.

Тошак изненаден што сите се на број

Задоволен од нивното залагање. - Тошак со репрезентативците на вчерашниот тренинг

Новиот селектор на македонската фудбалска репрезентација Џон Тошак е изненаден што сите повикани играчи се појавиле на подготовките пред петочниот квалификациски натпревар против Русија во Москва
- Она од што сум пријатно изненаден е што за првпат во селекторската кариера ми се случува сите повикани играчи да се јават на прозивка. Сигурно дека е тешко да се добие вистинска претстава по само три одржани тренинзи, но, сепак, сликата полека се формира. Најважно е што сум задоволен од нивното залагање. Според првиот впечаток, мислам дека ќе можеме да составиме добар тим за гостувањето во Москва. Се потпирам, пред се, на информации од касетите, бидејќи тренинзите се едно, а натпреварите сосема друго. Ќе разговарам по тренингот со играчите кои нема да патуваат за Москва и ќе најдеме начин како тие да ги минат деновите во Скопје, бидејќи имаме доста играчи со по еден картон (Попов, Демири, Новески, Шиков и Пандев), па можно е да се случи некој да го изгуби правото за настап против Андора - изјави Тошак
Вчера, македонската фудбалска репрезентација имаше два тренинга. По вториот, Тошак требаше да го одреди списокот од 19-мина репрезентативци, кои ќе заминат за Москва.
- Русија има силен тим. Натпреварот и е доста важен и ние сме свесни што не очекува на "Лужники". Имам доста информации за противникот, играв против Русија и како селектор на Велс и ќе се подготвиме максимално за овој предизвик.
Македонската фудбалска репрезентација рано изутринава требаше да отпатува за Москва, каде што денеска е планиран еден тренинг.

Русите без голманот Акинфеев

Селекторот на руската репрезентација Дик Адвокат остана без првиот голман Игор Акинфеев за претстојниот меч со Македонија. Рускиот интернационалец ги повреди лигаментите на коленото на градското дерби помеѓу Спартак и ЦСКА и ќе паузира шест месеци.
На местото на Акинфеев, селекторот Адвокат го повика голманот на Динамо Москва, Антон Шуњин.

Прв работен ден за Тошак во Македонија

Новоизбраниот селектор Џон Тошак денеска ќе го има првиот работен ден во Македонија, почнувајќи ги подготовките на нашата фудбалска репрезентација за претстојните квалификациски натпревари со Русија и со Андора. Откако го испушти дуелот од Лига Европа меѓу Работнички и Лацио, Велшанецот го имаше првото јавно појавување на еден стадион во Македонија на вчерашниот првенствен натпревар помеѓу Ренова и Шкендија во Тетово. Така на дело можеше да се увери во квалитетите на барем двајца од повиканите репрезентативци (Хасани и дебитантот Усеини од Шкендија).
Тошак го имаше првото запознавање со македонските репрезентативци синоќа, навистина, во некомплетен состав, бидејќи беше предвидено на прозивката да се појават само 14-мина од нив. Вистинската работа ја почнува денеска на игралиштето на Работнички, а во текот на денешниот ден требаше да се приклучат уште шестмина репрезентативци. Последен што ќе го направи тоа ќе биде Иван Тричковски кој, поради обврските кон АПОЕЛ, доаѓа дури утре.
До тргнувањето за Москва в среда, репрезентацијата ќе одработи вкупно четири тренинзи, а дуелот со Русија е в петок од 20 часот.