Состојки
За тестата
6 јајца
малку сол
130 мл јогурт
150 мл масло за јадење
12 лажици брашно
1.5 пакетчиња (15гр) прашок за печиво
500 гр спанаќ (за првото тесто)
малку жолта прехрамбена боја (за второто тесто)
2 лажици црвен пипер (за третото тесто)
За фил
250 гр путер
250 гр крем сирење
250 гр овчко сирење
250 гр павлака со 20% масленост
250 гр шунка
+ 250 гр павлака ( за декорирање)

Подготовка на корите
Од 6-те јајца се прават три кори(секоја од нив се прави на следниов начин...
- Со миксер се матат 2 јајца со малку сол.Се додава 50 мл масло за јадење и 130 мл јогурт. Се исклучува миксерот и се додава 4 лажици брашно и ½ прашок за печиво. Се прават вакви три кори и во нив се додава
1-ва кора-Се додава спанаќот кој е претходно обарен, исцеден и ситно исечкан
2-ра кора-Се додава малку прехрамбена жолта боја
3-та кора-Се додава 2 лажици црвен пипер
- Се печат корите во тавче бр. 26 обложено со хартија на 200 С од 5-10 мин.

Подготовка на филот
Маргаринот се мати со миксер. Се посолува и се додава сирењето,крем-сирењето и павлаката и се мати уште малку. На крајот се додава ситно дробената или рендана шункарица.

Декорирање и редење
Најпрво се става тестото со спанаќ па се премачкува со половина од филот. Врз него се става жолтото тесто и се премачкува со другата половина од филот, а најозгора се става црвеното тесто и се премачкува само со павлака, па се декорира со магдонос , кашкавал или кечап и моркови

П.С. Тортава ја направив за Нова година и во недостаток на време не успеав да ја сликам навреме па добро е и што ваква брзинска слика направив со мобилниот тел. пред да се изеде цела...Успеав барем моето парче да го сликам пред и јас да го изедам...хихи Ви се извинувам однапред за мојата немарливост овој пат...

Состојки
100 гр путер
2 јајца
220 гр шеќер
200 мл млеко или кисело млеко (јогурт)
1 лажиче сода бикарбона
1 до 2 лажочки цимет
1 лажичка мелен ѓумбир
1/2 лажичка кардемон
1 лажичка мелено каранфилче
210 гр брашно

Превкусно меко колаче.

1. Путерот се топи и се додават зачините.
2. Јајцата и шеќерот се бијат убава бела смеса. Се додава млекото и путерот со зачините.
3. Се додава брашното и бикарбоната. Се меша полека.
4. Се истура смесата во калап намрсен со путер.
5. Се пече на 180 степени од прилика 40 мин.

Состојки
Пандишпан
6 јајца
150 гр шеќер
120 мл вода
150 мл масло
1 паковка ванилин
200 гр брашно
1 паковка пециво
Крем
900 мл млеко
1 пудинг од чоколадо
4 лажици нишесте
80 гр Чоколадо
6 лажици шеќер
150 гр путер

1. Јајцата се матат со миксер заедно со шеќерот и ванилинот, се додаваат маслото, водата и се промешува. Полека се додаваат брашното и пецивото.
2. Смесата се излева во правоаголен плех и се пече на 180 степени 20-тина минути.
3. Во 800 мл млеко се става чокладото и се загрева до вријење, а во преостанатите 100 мл млеко се раствораат пудингот, шеќерот и нишестето. Се додава во зовриеното млеко и се вари како пудинг. Се трга од оган и се додава омекнатиоит путер.
4. Изладениот пандишпан се сече на 6 еднакви ленти и се мачка со крем. Првата лента се рола и се става во средина на чинијата. Околу неа се виткаат преостанатите ленти. Проестанатиот крем се нанесува околу тортата така што цела да биде покриена.

Спиралната новогидишната торта треба да се лади 2-3 часа во фрижидер.

Состојки
3 јајца
120 грама шеќер во прав
120 грама маргарин
14 супени лажици брашно
1 пециво
1 ванила
1 мал финџал суво овошје ( брусница, кајсија, суво грозје....)
2 реда чоколадо за готвење
1 рака ореви
кора од половина портокал
200 грама бело чоколадо за готвење
200 грама лупени семки од тиква
1 мало лажиче брашно

Конечно си ги подигнав калапите за мафини и одма да се искористат. Овој рецепт го имав запишано уште од лани и сега му дојде редот. Прв пат го правев и таман дојде како мала пракса пред празниците .

1. Најпрво јајцата и шеќерот во прав ги матиме со миксер. Потоа го додаваме маргаринот кој треба малку да е подстопен и продолжуваме да матиме со миксерот. Одкако смесата ќе се соедни го исклучуваме микерот и понатаму мешаме со лажица.
2. Ги додаваме брашното, пецивото, ванилата и кората од половина портокал и мешаме со лажица и на крај ги додаваме оревите, чоколадото исецкано на ситни парчиња ( не рендано за да се осети вкусот ) и сувото овошје. Јас користев брусница и кајсии меѓутоа може да се стави и друго по ваш избор.
3. Од хартија за печење правиме конуси и ги прицврстуваме со чепкалки кои претходно сме ги потопиле во вода. ( слика )
4. Калапите за мафини ги полниме со брашно и убаво го стегаме брашното. Прво на средина со нож правиме мал отвор ( бидејќи брашното треба да е збиено) и ги ставаме конусите со врвот надолу. (слика)
5. Смесата ја ставаме во готварски шприц и ги полниме конусите 3/4 да не се скроз догоре бидејќи ќе пораснат во печењето. Треба да работите многу внимателно. Доколку имате некои повисоки садови или чаши кои се огноотпорни можете конусите во такви да ги правите.
6. Јас направив 6 елки и 6 обични мафини.
7. Печеме во загреана рерна на 170-180 степени околу 10-12 минути зависно од рерната.
8. Кога се готови елките ги оставаме да се оладат.
9. Во меѓувреме семките од тиква со нож ги сецкаме на ситни парчиња. Оригиналниот рецепт беше со фстаци ама некако скапо ми се гледаше и одма друга алтернатива се најде.
10. Белото чоколадо го топиме на пареа. На елките им ја отстрануваме хартијата и ги ставаме на рамна површина со врвот нагоре. Доколку не можат да стојат пресечете малку од долниот дел.
11. Секоја елка со лажица ја премачкуваме со бело чоколадо ( не мора многу колку да подбели) и одма ги валаме во семките од тиква за да се залепат и ги оставаме да се стврдне чоколадото. Одгоре на секоја елка со лажица ставаме по малку од чоколадото за да изгледа како снег и оставаме слободно да се разлие.
12. За украсување може да користите разни бисерчиња како лампиони, а јас ги украсив вака. Во еден финџал ставив едно лажиче брашно, едно лажиче шеќер во прав, малку црвена прехрамбена боја и малце вода и мешаме колку да се добие погуста смеса. Од хартија правиме мал конус со мал отвор , ја ставаме смесата внатре и ги украсуваме елките со лампиони.
И ете готови се за послужување.
На здравје !

Состојки
200 гр путер (маргарин или маслац)
75 гр шеќер
1 пакетче рум шеќер
2 лажици мед
325 гр оштро брашно за колачи
2 лажици какао
1/2 лажиче цимет
различни бои стаклени бомбони без полнеж

Путерот на собна температура се мати со шеќерот и рум шеќерот додека не се растопат. Се додава медот додека убаво не се поврзи и на крајот брашното предходно измешано со останатите суви состојки. Се меси тесто, кое се става во фолија и потоа во фрижидер да одстои 30-45 минути.

Оладеното тесто се развлекува во кора со дебелина од половина см (јас малку ги приистанчив) и со ѕвездести модли се вадат форми. Во средината на секое колаче со помал калап се прави дупка. Ако немате помало калапче со ѕвездест облик, можи и некое кружно или некоја тапа од шише добро ќе заврши работа.
Тестото знае да е малку неблагодарно за работа, но откако ќе го совладате, се добива совршен резултат.

Бомбоните предходно се ставаат во цврста подебела кеса и со тврд предмет, како оклагија или толчник се кршат на поситни парчиња.
Во средината на секоја ѕвезда се става од кршените бомбони.

Ѕвездите ги печиме во загреана рерна на 180С 12-15 минути.
Печени, ги оставаме да подоладат и стакленоста од бомбоните да се стврдни, па ги вадиме внимателно и складираме на темно и суво место, т.е. во добро затворена кутија.

* На секоја ѕвезда пред да ја ставите за печење можи да и направите со стапче за ражнич дупка, така што потоа откако ќе се испечи да и врзите украсна лента и да ја наредите елката или пак да подарите некому лампион-колаче.

„„ Бирајте стаклени бомбони без полнеж и со сјај, ако сакате да добиете изглед на вистинско стакло на колачињата.
Уште една финта за добивање на добар стаклест изглед е кога ги ставате дробените бомбони да внимавате да го правите тоа да е во средината на отворота да избегнувате тие да ги допираат ѕидовите, бидејќи ако целосно рамномерно го исполните отворот, маста од колачето во текот на печењето ќе се измеша со бомбоната и наместо стаклест ќе се собие заматен прозор.
Внимавајте и колку ги полните, оти ако ставите одповеќе ќе се разнесат и врз делот на кексите, како што тоа мене ми се случи на неколку.