Бадниковата вечера е посна ама богата, а на масата треба да се постават и благи и солени јадења. Според верувањата, богатата трпеза значи дека и годината ќе биде богата.

Традиционално на бадниковата маса за вечера треба да има риба, грав, погача без квасец и суво овошје.

Лукот има посебна симболика, во минатото на него се придавало дури и магиско значење за подобро здравје, па затоа е неизоставен дел од бадниковата трпеза.

Според старите македонски верувања за богата и плодна година во куќата, на трпезата треба да има и ореви, јаболка, пченка и метални парички, а за годината да биде „слатка“ за декорација се ставаат и бонбони.

Според традицијата пак, обично на крајот на вечерата за десерт се јаде печена тиква.