Пештерата Мелисани се наоѓа на источниот брег на остовот Кефалонија во Грција. Лоцирана е на 2км од градот Сами и на 10км од градот Аргостоли.

Пештерите се чудесни бидејќи се опкружени со шуми, а и од западната страна има планински венец. Во неа има езеро кое ја надополнува нејзината убавина. Таа е долга околу 100 метри и првпат е откриена во 1951, а отворена за јавноста во 1963.

Езерската вода е мешавина од слатка и солена, морска вода. Пештерата е на околу 500м од морето и нивото на водата е еден метар повеќе од морското ниво. Мешаната вода извира од пештерски систем длабок 30м на едната страна и тече до другата страна на пештерата. Ова било откриено за време на нуркачки експерименти во 1959-тата.

Пештерата некогаш имала две големи комори, пред илјадници години. Денес, таа ја има формата на буквата В со два дела во кои има вода и остров на средината. Првиот дел е има голем овален отвор на горната површина низ која продира сонцето. Вториот дел е огромна затворена пештера со сводест покрив и бројни сталактити и сталагмити.

Најубаво време за посетување на пештерата е среде сончев ден. Се организираат тури и туристите се водат на патување низ двете комори со чамци.