Потребни состојки:

250 гр мелени плазма кекси

100 гр шеќер во прав

100 гр мелени ореви

100 мл вода

1 супена лажица нескафе

100 гр путер (за филот)

100 гр шеќер во прав (за филот)

6 гр какао (за филот)

Начин на подготовка:

Измешајте ги кексите, оревите и шеќерот во прав во подлабок сад. Нескафето растворете го во водата и додадете го во смесата. Мешајте убаво (со рака) се додека не се добие убава компактна маса.

Во друг сад со миксер изматете го путерот со шеќерот во прав и со какаото.

На рамна површина поставете парче пластична или алуминиумска фолија, а потоа врз неа распоредете ја масата за тестото во рамномерен слој дебел околу 0,5-1 см (по желба).

Врз тестото рамномерно распоредете го филот и со помош на фолијата завиткајте го ролатот. Ставете го во фрижидер да се олади барем 2-3 часа пред да го послужите.

Потребни состојки:

– 150 грама путер од кикирики
– 1 чоколадо за готвење (или млечно чоколадо)
– 6 лажици шеќер во прав

Подготовка:

1. Најпрвин растопувате нешто помалку од половина од чоколадото, и додека е во течна состојба го распоредувате во долниот дел од калапите за колачиња.

2. Додека малку се зацврсти чоколадото, во блендер ставете го путерот од кикирики, и додадете го шеќерот во прав. Промешајте неколку пати додека да се соедини.

3. Смесата од блендерот извадете ја на тава и од неа формирајте неколку помали топчиња кои подоцна ќе ги сплескате. Добиените форми распределете ги во калапите врз првиот дел од чоколадото.

4. Растопете го и остатокот од чоколадото, и прелијте го во калапите врз путерот од кикирики.

5. Оставете ги неколку часа во фрижидер да се зацврстат.

Совет:

Доколку сте љубител на цимет, можете во путерот од кикирики да го додадете и овој зачин кој ќе даде дополнителен шмек на и онака превкусните колачиња.

Состојки

• 300 гр. плазма
• 1 големо и едно мало пакување 7 Days кроасан со чоколадо
• 1 големо и едно мало пакување 7 Days кроасан со ванила
• 1.500 мл. млеко
• 2 пудинга од чоколадо
• 2 пудинг од ванила
• 240 гр. шеќер
• 300 гр. еурокрем
• 400 гр. маргарин
• 100 гр. чоколада за готвење
• шлаг за украсување

Упатство

Во 500 мл. млеко се става 120 гр. шеќер и се вари пудингот од ванила. На истиот начин се вари и пудингот од чоколадо. Се растопува чоколадото и се додава во чоколадниот пудинг. Двата пудинга се оставаат да се оладат. Маргаринот се мати и едната половина се додава во оладениот пудинг од чоколадо. Плазма бисквитите се потопуваат во топло млеко да омекнат па се редат на подлога за торта. Врз плазма бисквитите се става чоколадниот крем па наизменично се редат кроасаните со чоколадо и ванила. Врз кроасаните се става кремот од ванила. Се премачкува со еурокрем растопен на пареа. Toртата се украсува со шлаг.

Потребни состојки:

• 2 лажици мед – да се загрее
• 100 гр мелени лешници
• 100 гр мелени посни бисквити
• 80 гр шеќер во прав
• 1 лажичка рум
• 1 ванила
• 1 лажица путер
• 1 кора од портокал
• Сок од еден портокал
• 200 гр рендано чоколадо

Подготовка:

Наведените состојки се мешаат и се формираат топчиња.
По желба може да се чоколадираат, да се посипат со чоколадни мрвици, или со мелени лешници.

За денешниот лесен и летен рецепт со кој ќе го разубавите денот на блиските не Ви треба многу.Малку време, кутија кекси, хопла, јајца, млеко и чоколада за готвење – каде што сметаме дека не Ви треба постапка на приготвување бидејќи едноставоста на истата е достапна на фотографијата подолу. Отако ќе завршите со подготовката, оставете да се излади и сместете ја тортата во фрижидер. Послужете ја студена, во комбинација со студено кафе.

Состојки:

Пакетче “petit beurre” бисквити

25 чоколадни крем банани

200 мл кисела павлака

200 мл слатка павлака

200 гр шеќер во прав

Шлаг крем

Подготовка:

Во поголем сад со миксер изматете ги киселата и слатката павлака со шеќер во прав. Во смесата додадете бисквите искршени на поголеми парчиња, потоа и крем бананите искршени на помали парчиња па рачно измешајте. Смесата исипете ја во соодветен сад. Украсете ја тортата со шлаг крем. Ако е потребно може веднаш да се сервира, но би било најдобро пред сервирање да се олади во фрижидер.

Состојки
• 300 г мелени плазма кекси
• 100 г маргарин
• 100 г шеќер во прав
• 2 банани
• 1 крушка
• 1 кесичка ванилин шеќер
• 120 г мелени ореви
• 4 банани
• 1 кесичка шлаг пена (за шлагот)
• 200 мл млеко (за шлагот)
Подготовка
1. Изматете го маргариннот со шеќерот во прав, потоа додадете во таа смеса изрендана крушка и испасирани две банани.
2. Смесата полека измешајте ја со лажица. Потоа додадете ги мелените плазма кекси, ванилиниот шеќер и мелените ореви.
3. Убаво измешајте и на фолија расукајте смеса, наредете ги 4 банани по должина, завиткајте во ролат и оставете на ладно да се стегне.
4. Оладениот ролат декорирајте го со претходно изматениот шлаг крем со млеко.