Состојки:
● едно пакување шпагети
● 3-4 колбаси
● 100 грама печурки
● главица кромид
● ¼ лажичка лут црвен пипер
● 3 шољи пире од домати
● половина шоља вода
● 1 лажица маслиново масло
● шоља пармезан
● 2 јајца
● шоља рикота
● 2-3 шољи моцарела

Подготовка:

1. Во тенџере на оган загрејте вода во која ќе ги варите шпагетите. Колбасите насечете ги на кругчиња и пржете ги во тава на средно силен оган. Кога ќе бидат готови извадете ги на салфета. Во друга тава ставете малку масло па додајте го исецканиот кромид и печурките. Динстајте повремено мешајќи. Кога кромидот ќе омекне додајте го црвениот пипер, пирето од домати, водата и колбасите. Намалете го огнот и гответе 10-15 минути.

2. Шпагетите сварете ги ал денте ( да бидат малку тврди) бидејќи со печењето подоцна уште повеќе ќе омекнат. Сварените шпагети процедете ги и измијте ги со ладна вода. Во сад измешајте го маслиновото масло, пармезанот и јајцата.

3. Рерната загрејте ја на 180 степени. Во огноотпорен сад нанесете малку масло на дното, потоа ставете малку од подготвениот сос. Врз сосот ставете половина од шпагетите, па пак ставете сос. Така додека не ги потрошите сосот и шпагетите. На крај одозгора ставете ја рикотата и моцарелата.

4. Садот покријте го со фолија и печете 40 минути, а потоа тргнете ја фолијата и печете уште 20 минути. На здравје!

Потребни состојки:

• 500 гр. млад спанаќ
• 4 артичоки
• 2 главици лук
• 1 главица кромид
• 1 лажица босилек
• 200 гр. сирење со зачини
• 200 гр. Кашкавал
• Коцка за супа од зеленчук
• 1 пакување лазањи
• 200 гр. доматно пире
• Масло за јадење
• Сол и црн пипер

Подготовка:

Во тенџере на оган сварете ја коцката за супа од зеленчук. Откако ќе се свари, оставете ја да се излади.

Во солена вода на оган ставете ги лазањите да се варат 8-10 минути. Откако ќе се сварат, измијте ги во студена вода и оставете ги да се исцедат.

Во две посебни тенџериња издинстајте ги артичоките и спанаќот. Спанаќот издинстајте го во солена вода, па процедете го. Артичоките динстајте ги во солена вода со малку зејтин. Откако ќе омекнат, тргнете го тенџерето од оган и артичоките исецкајте ги на ситни парчиња.

Кромидот и лукот ситно исецкајте ги и пржете ги во тава со масло на средна температура околу 3 минути. Откако ќе омекнат, додајте го доматното пире, претходно сварената коцка за супа, босилекот и наросете сол и црн пипер. Смесата динстајте ја околу 10 минути, се додека не се згусне. Потоа додајте го спанаќот и артичоките и гответе уште 5 минути.

Со четка за готвење намачкајте тава за печење со масло. На дното на тавата додајте од ¼ од подготвената смеса, па врз смесата наредете ¼ од лазањите. Врз лазањите рамномерно наредете рендан кашкавал. Постапката повторете ја 4 пати, а на крајот врз кашкавалот додадете го издробеното сирење со зачини.

Печете ги лазањите покриени со алуминиумска фолија околу 40 минути на температура од 200 степени целзиусови. Потоа отстранете ја фолијата и печете уште 15 минути, односно се додека не се потпече кашкавалот.

Вака приготвените лазањи оставете ги да се изладат 10тина минути пред да ги послужите. Послужете ги во чинија за сервирање, во која ќе наредите две парчиња лазања и две топки павлака. Добар апетит!

Подготовка:

Тиквиците измијте ги, исушете ги и исецкајте ги на тенки кругови. Неколку минути варете ги во солена вода претходно зовриена, а потоа веднаш измијте ги со ладна вода.

Отстранете ги рачките од цветовите и исечете ги на ленти.

Ставете во тавче ситно исецкан кромид на претходно загреано масло. Пред крај истурете 0,5дл вода и варете додека водата не испари. Додете ги цветовите од тиквицата и динстајте уште 2-3 минути. Посолете, додадете бибер и тргнете ги од рингла.

Во зовриена солена вода со малку масло, варете го тестото за лазањи, потоа исцедете го и раширете на хартија која ќе ја упие водата.

Младото сирење и павлаката добро измешајте ги, додадете сол и бибер.

Во ватростален сад, подмачкан со остатокот од путерот, ставете ред лазањи, ред крем од сирење, ред варени тиквици и цветови од тиквици и ред домати исецкани на кругови. Повторете ја постапката додека не ги потрошите намерниците, а на крајот посипете со пармезан.

Печете 35 минути во задреана рерна на 180 степени.

Состојки:

• 250гр готово тесто за лазањи
• 400гр свежо сирење
• 20гр путер
• 800гр тиквици
• 300гр домат од конзерва
• 50гр пармезан
• 12 цветови од тиквици
• Кромид
• 2дл слатка павлака
• Маслиново масло
• Сол и бибер