Шпанска Примера

Ех, да не беше Барса... ќе имаше човекот помалку главоболки

И кога нема натпревари во Примера, секогаш е интересно бидејќи сезонава во Лигата работи Жозе Мурињо, кој никогаш не знае за доста и постојано коментира и го привлекува вниманието на јавноста.

Овој пат коментарите се за 2010 година и за она што го разочара, посебно откако се пресели во Шпанија и седна на клупата на Реал Мадрид.

"Ех, да не беше Барселона се ќе беше далеку поубаво. Ако не загубевме на средбата на Ноу Камп годината ќе беше навистина перфектна за мене. Едноставно се друго сработивме одлично. Тој пораз ни остави 'црна дамка' на целата година", вели Мурињо.

Сепак, ова не е единствениот момент бидејќи има уште еден кој го стави на истото место како и големиот пораз од Барселона.

"Второто разочарување се случи во моментот кога не добив шанса да бидам селектор на Португалија на двете средби од квалификациите за ЕП во септември. Имав голема желба да се најдам на клупата, но клубот не ми дозволи. Сепак, не жалам премногу поради тоа бидејќи во принцип ова беше добра година за мене со само два лоши моменти", заврши Мурињо.

Ла Лига: Барса потврди дека е машина за голови

Шпанскиот шампион Барселона потврди уште еднаш дека е машина за голови и тоа на најтешкото гостување во изминатите пет години, кај градскиот ривал Еспањол, кој го сомле со 5-1

Каталонското дерби имаше поинаква најава, поради традиционално незгодните гостувања за Барса во последен период, како и ефективните седум од седум дома на Еспањол. Но сето тоа падна во вода, а Барса со по два гола на Педро и Давид Виља и еден на Чави покажа кој е кој во Ла Лига. Барселона со победата, која беше обезбедена по само половина час игра, сега има пет бода повеќе од Реал Мадрид, чиј одговор се чека денеска од 21 часот на „Сантијаго Бернабе“ против Севиља. Синоќа Валенсија се избори за победа на гости кај Реал Сосиедад во Сан Себастијан со победата од 2-1 со пресврт во 90 минута, кога Адуриз погоди за радост на „љиљаците“. Атлетик Билбао беше третиот гостин што се радуваше вчера по победата кај Леванте со 2-1, додека Ла Коруња на минута пред крајот испушти победа против Спортинг Лисабон, играјќи 1-1. Честа на домаќините ја спаси Виљареал со победата над Мајорка на „Ел Мадригал“ со 3-1. Денеска покрај дербито во мадрид се играат и мечевите Алмерија - Гетафе, Осасуна - Сарагоса и Малага - Атлетико Мадрид, додека во понеделник играат Расинг Сантандер и Херкулес.

Победа на Мајорка во Примера Дивизија

Мадрид, 2 ноември 2010 (МИА) - Во последниот натпревар од деветтото коло во Шпанското фудбалско првенство, Мајорка синоќа пред своите навивачи ја совлада екипата на Леванте со 2:1 иако на полувремето губеше со 1:0.

Со новите три бодови Мајорка сега има вкупно 14 и се наоѓа на седмото место на табелата, а ист број имаат и шестиот Атлетико Мадрид и осмата Севиља.

Тимот на Леванте остана во долниот дел на табелата со 8 бодови на 17-тата позиција.

На чело на табелата се Реал Мадрид со 23 бодови, пред Барселона со 22, Виљареал 20, Валенсија 17,...

Копа Дел Ре

Двојки
Денес
Мурчиа - Реал Мадрид
Сеута - Барселона
Утре
Логронес - Валенсија
Реал Унион - Севиља
Кордоба - Расинг Сантандер
Херкулес - Малага
Мајорка - Спортинг Хихон
Поли Ехидо - Виљареал
Португалете - Гетафе
Ваљадолид - Еспањол
Ксерез - Леванте
Бетис - Сарагоса
Универсидад - Атлетико Мадрид
Четврток
Алкоркон - Атлетик Билбао
Осасуна - Депортиво Ла Коруња
Сосиедад - Алмериа

Реал го декласира Расинг

Барселона има шест проблеми

Многу работи не одат - Пеп Гвардиола...

Иако пред почетокот на сезоната прв фаворит за титулите и во Примера и во Лигата на шампионите, Барселона на стартот од новата кампања се соочува со големи проблеми, многу поголеми отколку лани. Каталонскиот клуб е далеку од убедлив во домашното првенство иако сите познавачи на фудбалот беа сигурни дека ќе се прошета до 21. титула во Примера и четврта во елитното европско натпреварување. Еден месец по почетокот на сезоната Барселона веќе има два "кикса", двата на домашен терен и шпанските медиуми веќе најдоа шест проблеми кои го мачат тимот на Гвардиола во досегашниот дел од сезоната.

1. НОУ КАМП ПОВЕЌЕ НЕ Е ТВРДИНА

Минатата сезона Барселона имаше само едно реми на 19 натпревари на домашен терен и ги доби другите 18. Сега е далеку од тоа. По само три натпревари, Барса веќе загуби пет бода и тоа доживеа и еден пораз пред своите гледачи од новиот член на Примера, Херкулес.

2. ПОВРЕДИ НА МУСКУЛИТЕ

Дури шестмина повредени фудбалери имаше Гвардиола досега и сите со проблеми со мускулите. Карлес Пујол и Жефрен Суарез се повредија играјќи за репрезентацијата, додека Хозе Пинто, Адриано Кореја, Чави и Педро за време на натпреварите за својот тим.

Лео Меси исто така имаше потреба од пауза, но не поради замор, туку како последица на бруталниот старт на Томаш Ујфалуши во дербито против Атлетико во третото коло. На ниеден натпревар досега Пеп Гвардиола не можеше да смета на сите фудбалери и тоа се одрази на резултатите.

3. ЛОШ ТЕРЕН НА НОУ КАМП

И Давид Виља во својата вчерашна изјави го посочи теренот на Ноу Камп како најголем проблем. Барселона игра фудбал за око, а за да се исполнат условите за такво нешто потребно е теренот да биде како тепих. Тревата на Ноу Камп се оштети во текот на летото како последица на високите температури и се уште не може да се доведе во ред.

4. НАМАЛЕН РАСТ

Во летниот преоден рок од Барселона си заминаа "џинови" како: Дмитро Чигрински, Јаја Туре, Тиери Анри и Златан Ибрахимовиќ, сите играчи над 185 сантиметри. Сега просечната висина е намалена од 180 на 177 сантиметри и против Мајорка најдобро се забележа колкав проблем е тоа во воздушните дуели. Единствениот гол противникот го постигна со глава, а потоа имаше уште неколку шанси и за втор погодок на истиот начин.

5. ГОЛГЕТЕРСКА НЕМОЌ

Шпанскиот првак е екипата со најмал број постигнати голови на домашен терен во досегашниот дел од сезоната (со Ла Коруња, Сантандер и Леванте) - само два. "Каталонците" не успеаја да реализираат повеќе од еднаш и тоа во дуели со далеку послаби тимови како Херкулес, Хихон и Мајорка.

Колку и да звучи чудно, евидентен е недостатокот на Златан Ибрахимовиќ, кој во првите седум кола од првенството лани имаше шест погодоци. Беше донесен Виља за кого се претпоставуваше дека брзо ќе се снајде на играта на Барселона, но тој досега има само два гола. Мора да се потенцира и тоа дека од почетокот на сезоната во катастрофална форма се Кркиќ и Педро, двајцата млади фудбалери од школата на Барса кои лани со своите голови на почетокот и крајот на сезоната беа меѓу најзаслужните што титулата остана на Ноу Камп.

6. КРАТКА КЛУПА

За да се скратат трошоците за плати на фудбалерите и со тоа да се намалат долговите на клубот, Барселона пред почетокот на сезоната одлучи да продаде голем број фудбалери, а се засили само со Маскерано, Виља и Адриано. Сега, бројот на првотимци изнесува 19 место 21 колку што Гвардиола имаше на располагање минатата сезона.

Тоа значи дека нема доволен број играчи во ротацијата, а кај дел од главните фудбалери полека се јавува замор по напорното лето во кое настапуваа за шпанската репрезентација на Светското првенство. За мечот против Мајорка, Гвардиола мораше да ангажира и фудбалери од Б-екипата кои од "немајкаде" дури и заиграа во второто полувреме.

Schatzii напиша: Во шпанска Примера синоќа се одиграа три дуели  за комплетирање на 4.коло. Севиља одигра нерешено дома со Расинг 1:1, Виљареал минимално со 1:0 го победи Депортиво, додека Хетафе загуби од Малага со 0:2 Виљареал со трите бодови е на третата позиција со вкупно 9 колку што има и Барселона, а зад Реал Мадрид и Валенсија кои имаат по 10.