Бои на ѕидовите

Боите во домот



Се смета дека боите на просторијата во која секојдневно, најмногу или повремено престојувате им даваат исто колку и распоредот на мебелот или самите ѕидови. Се подразбира дека изборот бара вкус и искуство, па и желба за експериментирање. Сепак, мора да се имаат предвид и поставките на теоријата на боите, особено кога ќе посакате да излезете од конвенционалноста, од вообичаените бои и комбинации.

При уредувањето на станот прво треба да решите која боја или елемент на ентериерот ќе биде носителот на системот на бои. Тоа може да биде парче мебел, поглед од прозорец, ќилим, но притоа е најаважно да решите дали тој ќе биде хармоничен или контрастен.

Треба да се знае дека хармоничниот систем предизвикува смирувачко расположение, а тоа значи дека сите бои се во согласност и не си конк*рираат една на друга. Со други зборови, ниедна боја не предизвикува посебно внимание. Постојат два основни типа: еднобоен, кој вклучува една боја со слаб интензитет, како што е светло сива или бела (каков било детал со поинтензивна боја ќе се истакне во ваков ентериер) и монохроматски- целиот простор го прави посебен (на пример жолтата боја вклучува повеќе нијанси на жолта во комбинација или поединечно).

Контрастниот систем предизвикува возбудување и привлекува внимание, при што бојата претставува доминанта. Постојат исто така два вида: аналоген (се ограничува на различни сродни бои, на пример зелена комбинирана со зеленосини и зеленожолти бои) и комплементарен (се состои од контрастни, т.е. комплементарни бои, на пример црвена и зелена, сина и портокалова, жолта и виолетова; резултатот е интересен и разигран, а сепак не е нападен).

Атмосферата во секоја просторија е условена од автоматската реакција на боите кои се користени во неа, зашто ништо не го одредува расположението така брзо како бојата, на кои нашите реакции се инстинктивни и моментни.

Пастелните бои се најлесни и најблаги нијанси со кои може да се експериментира. Со нежните тонови и благиот карактер, овие разблажени верзии на појаки бои лесно се комбинираат, секогаш создавајќи чувство на хармонија. Вообичаени се за ѕидовите на детските соби. Пастелните бои можат да бидат и студени, во минималистички ентериери со мебел од едноставен дизајн.

Јаките чисти бои создаваат модерен изглед кој повеќе соодветствува на современ, отколку на традиционален мебел. Тие се одлични како ефект на засилување и истакнување на особен стил и виталност.

Темните бои имаат стуштен, мрачен ефект во ентериерот, па не се препорачливи за декорација на поголеми целини во станот. Меѓутоа, во комбинација со пријатни кожни парчиња на мебел во боја на слонова коска можат да имаат силен, модерен ефект. Често се користат земјени тонови, како што се кафената и зелената, и елегантни нијанси на сива.

Неутралните бои се софистицирани и суптилни, природно елегантни, извонредно прилагодливи на секој ентериер. Предизвикуваат чувство на пријатност. Можат да бидат топли, како што се боја на слонова коска, на мед, на бело кафе, на чоколадо, и студени, како што се чисто белата, графитната, сивата. Со истакнување на текстурата на различни материјали на неутрална боја може да се постигне подинамична атмосфера, без додавање на појаки бои за контраст и акцентирање на деталите. Понекогаш е доволно да се истакнат самите елементи на архитектурата во просториите, а овие бои се како создадени за тоа.

Ѕидовите можат да бидат во една или повеќе бои, односно тонови. Големините, распоредот и формите на површините на различни бои мораат да бидат умешно осмислени. Бојосувањето на ѕидовите мора да биде технички коректно изведено. Влијанието на вештачкото и природното светло не смее да се занемари, како ниту структурата на ѕидот на кој се нанесува боја. Површините со мат сјај внесуваат мир во просторот, сјајните динамично ја рефлектираат светлината, а релјефните имат специфична чар.

Подовите прават повеќе од 30% од она што го гледате во собата, па, без оглед дали сакате да ги покриете или да ги оставите непокриени, морате да размислите за нивната боја кога ги избирате останатите бои за станот.

Таванот ја дефинира висината на просторијата. Неговата боја значително влијае дали просторот ќе изгледа повисок или понизок, односно поотворен или позатворен.

Бојата на мебелот има значајна улога во визуелизацијата на просторот и создавањето на атмосфера на истиот. Внимателниот избор на текстурата и материјалот исто така е еднакво битен.

Бојата на декорот дава акцент, го надополнува ентериерот. Може да доминира со просторот.

Ако сакате студена, минималистичка атмосфера, во станот треба да преовладува белата боја или различни неутрални бои со иста заедничка вредност, на пример топлата или студената светлосива, т.е. беж. Искористете ги за ѕидовите, архитектонските детали, вградените елементи, подовите, мебелот и ткаенините. Просторијата така ќе изгледа како да лебдее во просторот. Ако сакате топла, пријатна атмосфера, употребете додатни нијанси на црвена, жолта и портокалова, што вклучува и нијанси на праска, роза, нијанси на боја на корал, златни и теракота. Варирајте ги нивните тонови и нијанси низ собата. Можете да користите омилена боја на ѕидовите, а нејзината посветла нијанса на украсите и дрвениот материјал. Ако сакате топлина без премногу боја, комбинирајте топли нијанси со неутрални бои или со бела.

На местата изложени на сончева светлина, светла боја и рефлектирачка бела боја со студена нота дејствуваат смирувачки и спречуваат горештина. Ако во собата допира многу сончева светлина, се избегнуваат темните бои. Тие ја задржуваат горештината и можат да предизвикаат чувство на задушливост. Во студени соби или во оние кои се свртени кон север се добри црвената, црвенопортокаловата или портокаловожолтата боја или боја на диња. Во претопли соби свртени кон југ се користат бои што се „студени": сина, синовиолетова или синозелена.

За да постигнете мала соба да изгледа поголема, бојосајте ги ѕидовите со студена, светла, сјајна боја. Студените бои, според својата природа, подобро ја доловуваат оддалеченоста отколку топлите бои. Посветлите, посјајните бои рефлектираат светлина и го зголемуваат просторот.

За да доловите голема соба да изгледа помала, бојосајте ги ѕидовите со топла, темна, мат боја. Топлите бои ги приближуваат предметите и визуелно го намалуваат просторот.

За просторот да дејствува повисок, бојосајте го таванот со посветла, постудена боја од онаа на ѕидовите. Ригестите ѕидни тапети исто так ќе ги прават ѕидовите повисоки.

За просторијата да дејствува пониска, бојосајте го таванот со потемна боја од онаа на ѕидовите. Со ова удобноста во просторијата станува и потопла. Оптичката илузија на пониски ѕидови се добива и ако на понизок дел од ѕидот се нанесе потемна боја или со лепење на ѕидни тапети со хоризонтални риги или со додавање на хонорарни елементи како што е, на пример, низа од слики.

За долга, тесна соба да се направи поширока и поквадратна, бојосајте ги подолгите ѕидови со светла, студена, сјајна боја. Покусите ѕидови бојосајте ги со потемни, потопли мат бои за ѕидовите да се „доближат".

Ако светлата се запалени, која било боја во собата е под влијание на доминантната боја на вештачко осветлување.

Обична сијалица дава топла, жолтеникава светлина и под нејзино влијание топлите бои изгледаат уште потопли. Ако тоа не е она што го сакате, изберете постудени бои- сини или виолетови- или додајте им ги на деталите во ентериерот. Можете да користите и студени флуоросцентни ламби или халогени сијалици.

Халогените сијалици даваат бела светлина и штедат енергија. Незначително го намалуваат сјајот на бојата, но не влијаат претерано и на нејзините нијанси.

Рефлекторите светат со концентрирана бела светлина. Бела светлина со полн спектар ја имитира дневната светлина и им дава на боите поверен изглед.

Флуоросцентните сијалици даваат студена синкаста светлина. Студените бои под ваква светлина дејствуваат уште постудено. Ако тоа никако не го сакате, акцентирајте го просторот со црвени, жолти или портокалови детали. На пазарот постојат и потопли флуоросцентни ламби.

de ma isto kako od Bandini......malku otvori so boite,sto e toa monotonija....

mimicria напиша: namestajot e pretezno bez (slonova koska, sampanj) so temno kafeavi "kasi", zavesata e nijansa potemna sampanj....koja boja da gi varosam zidovite????

tirkiz...........

Црвена спална соба...повеќе секс? 

Спалната соба е првото и последното место што го гледате секој ден. Тоа е ваш приватен храм во кој вие поминувате скоро една третина од животот, засолниште во кое бегате од вревата во светот. Кога ги избирате боите за вашата спална соба, направете топла комбинација која ќе ве релаксира и смирува.

Изберете боја која ќе Ве успие

Избирањето на вистинската боја за вашата спална соба може да биде многу стресно бидејќи огромниот избор на бои ја отежнува одлуката. Мало парче хартија во боја од продавница не е од голема помош кога сакате да направите проценка за тоа каков ефект избраната боја ќе има во вашата спална соба. Кога почнувате со бојадисување на ѕидовите, мора да имате јасна слика, со цел да го видите конечниот резултат.

Многу луѓе се разочарани по завршување на бојадисувањето, или нијансата е премногу светла, или е премногу темна, не одговара на мебелот...а бидејќи повеќето од луѓето не се одлучуваат за нова боја поради тоа што е скапо и одзема многу време, остануваат заглавени со несаканата боја во следните неколку години.

Следниве резултати ќе ви помогнат да изберете правилна нијанса, бидејќи бојата има важно влијание врз вашето расположение и перцепцијата на собата.

1. Проценете ја големината на собата

Мала соба бојадисана со темни нијанси ќе изгледа уште помала, па затоа одберете светли бои. Ова ќе направи собата да изгледа поголема.
Ако собата е голема, имате поголем избор на бои. Користете живи и светли бои, бидејќи ова ќе и даде на собата отворен и просторен изглед.

2. Одберете ја вашата боја од виножитото

Спалната соба е вашето совршено место за одмор и релаксација, поради што боите мора да бидат топли. И покрај тоа што темните и драматични бои можат да бидат многу убави, ви препорачуваме топли и релаксирачки бои.

Бледи нијанси

Бледите нијанси се релаксирачки, смирувачки и топли, што ги прави совршени за спиење и релаксација.

Ладни нијанси

Ладните нијанси, како на пример сината, зелената и сивата се одлични за мирен сон, бидејќи имаат релаксирачки ефект и даваат чувство на мир и тишина.

Топли нијанси

Иако најчесто се препорачуваат ладните нијанси, исто така можете да се одлучите за топли нијанси, само во случај ако знаете правилно да ги употребите. Употребете светло жолта, праска или нежно розева боја, со цел да создадете топла атмосфера во спалната соба.

Неутрални нијанси

Неутралните бои се многу добар избор за спална соба, бидејќи се многу релаксирачки и елегантни. Ако се одлучите за неутрални, имате многу повеќе избор за собна декорација со перници, слики, постелнина, итн.
Употребете темно црвена, виолетова или сина боја, бидејќи највеќе одговараат со неутралната. Ако ви здосади од бојата, едноставно променете ја декорацијата, а не бојата на ѕидовите.

3. Ограничете го бројот на бои

Ако сакате да имате пријатна спална соба, не користете повеќе од 4 различни бои. Најдобро е да преовладува една боја, а другите три да ја надополнуваат. Овие бои исто така ја вклучуваат бојата на мебелот, постелнината и другите декорации.

4. Изглед

Бојата на таванот е многу важна, затоа што може драстично да ја зголеми собата или да направи да изгледа помала. Ако го бојадисате таванот бел, собата ќе изгледа повисока, а ако го бојадисате со иста боја како во останатиот дел од собата, собата ќе изгледа поголема – направете го таванот небесно сина или светло жолта да создадете подраматичен изглед.

tiggy_sparrow напиша: Јас се двоумам дали да обојам некој ѕид црвено...?

 

Ѕидови со пруги

Пругите насликани на ѕидовите освен естетски ефект, со себе носат и ефект на визуелна трансформација на просторот. Хоризонталните пруги визуелно го прават поширок просторот, а вертикалните го издолжуваат, односно го прават повисок

 

 

 

Ecy0 не се двоуми...јас мислам виолетова(но сепак зависи која нијанса-нели?)...тоа ти е аристократска боја..и плус мн.убаво изгледа