Вести

Роналдо се спаси во сообраќајка, но не и „Ферарито“

Најдобриот светски фудбалер Кристијано Роналдо доживеа сообраќајна несреќа, во која нема последици по него, но има по неговото „Ферари“.

Утринава, околу 9:20 часот, Португалецот изгубил контрола над својот автомобил и силно удрил во ѕидот од тунелот низ кој поминувал во Манчестер.

„Предниот дел на луксузниот автомобил е целосно уништен. Делови од возилото и од оградата имаше насекаде низ патот. Роналдо само стоеше крај патот зачуден. Вистинско чудо е што нему не му е ништо, а автомобилот така лошо изгледа“, изјавил еден очевидец на инцидентот.


Роналдо има среќа што е без последици по сообраќајката, во која неговото „Ферари“ е уништено

ФФМ ги избра најдобрите во 2008 година
Томе Пачовски - фудбалер на годината

Голманот на Вардар и член на македонската фудбалска репрезентација Томе Пачовски ја доби наградата за фудбалер на годината за 2008 година, според изборот на Фудбалската федерација на Македонија (ФФМ).
- Оваа награда многу ми значи. За неа се заслужни сите мои соиграчи од екипата, како и од репрезентацијата - рече Пачовски на свеченото доделување, кое се одржа во хотелот "Александар палас".
На церемонијата не беше присутен нашиот најдобар фудбалер Горан Пандев, кој требаше да ја понесе наградата за интернационалец на годината. Во последните десетина минути од доделувањето се појави премиерот Никола Груевски со сопругата, кој го доби специјалното признание од ФФМ за развојот на фудбалот во Македонија.
Од завчерашната свеченост за спомнување е моментот на предавањето на плакетата на најдобриот тренер во 2008 година, Драгољуб Беквалац, од Вујадин Станојковиќ, првиот човек на тренерскиот одбор, кој претходно беше против Србинот да биде номиниран за оваа награда.
По веќе виденото сценарио, по завршување на официјалниот дел од свеченоста, гостите ги "нападнаа" масите и за само десетина минути ги испразнија.

"Најк" ќе го брка Роналдо за во Интер
ImageПопуларниот светски бренд за спортска опрема "Најк" смисли нова тактика за привлекување на играчите.


     Овојпат станува збор за Кристијано Роналдо, кој според последните изјави на високи претставници на "Најк" шпекулираат за евентуален трансфер на португалецот во Интер.

     Освојувачот на "Златната топка е долго на мета" на Реал, но ниту понудите од бајките од Мадрид не можеа да го натераат да ги напушти редовите на Манчестер Јуанјтед. "Кориере дело Спорт" тврди дека притисокот на спортскиот гигант "Најк", со поддршка од Интер и главниот спонзор на тимот "Пирели" може да го стори она за што парите на "кралевите" не беа доволни - да го натераат Кристијано да го напушти "Олд Трафорд" и да реализираат еден од најголемите трансфери оваа сезона.

     "Најк" сака на "Џузепе Меаца" да создаде тандем од двајцата играчи кои ги спонзорира - Ибрахимович и Роналдо и така да направи одличен маркетингшки потег, а слична идеја, само од други причини има и сонародникот на Кристијано, Жозе Мурињо.

     Медиумите тврдат дека една од причините за неуспехот на Реал во преговорите со Роналдо е тоа што "кралевите" носат опрема која ја прозиведува "Адидас", додека Роналдо користи "Најк" копачки. Во Интер нема да има такви проблеми.

"Златната топка" за Кристијано Роналдо

Овогодинешната награда "Златна топка" му припадна на Кристијано Роналдо, играчот на Манчестер Јунајтед, кој според тоа го наследи Бразилецот Кака, кој минатата година ја доби престижната награда која ја доделува магазинот "Франс Фудбал".

Роналдо при гласањето на новинарите добил 446 бода, со што убедливо беше пред второпласираниот Меси (281 бод) и третопласираниот Фернандо Торес (179 бодови).

После Уезебио кој наградата ја доби 1965. година и Луис Фиго, кој со овој трофеј беше награден 2000. година, Роналдо е третиот Португалец кој ја освоил "Златната топка".

Тој исто така, е и четврти играч на Манчестер Јуанјтед со ова признание, после Денис Ло, Боби Чарлтон и Џорџ Бест.

Во секој клуб секогаш има падови и подеми....да не претеруваме со беспотребни провокации

Пелистер ја напушта лигата

Фудбалскиот клуб “Пелистер“ од Битола на итниот состанок на управата на клубот, решил да се обрати до светската и европската фудбалска куќа ФИФА И УЕФА со барање остро да се казни, како што велат, судиската мафија во македонскиот фудбал.

“Сведоци сме на класична хајка против нашиот клуб.Пелистер повеќе неможе да угостува судии пратени по нарачка и не им гарантира безбедност на стадионот “Под Тумбе Кафе“, соопштуваат од клубот

До добивањето на одговорот од ФИФА и УЕФА, ФК “Пелистер“ нема да настапува во првата Македонска фудбалска лига и сигурно е дека нема да патува на натпреварот од 17-то коло против ФК “Металург“ во Скопје.

И Катанец "распука" по ФФМ!

Македонскиот селектор Среќко Катанец на неформална, крајно динамична, занимлива, а во одредена мера искрена средба со медиумите се одлучи, како никогаш претходно, вчера во хотелот "Александар Палас" да го отвори своето срце за сите случувања во и околу нашиот национален тим, за сите успеси и неуспеси, за сите различни меѓусебни гледишта за значењето на позитивен резултат, за...

Посака Среќко на крајот од годината по двата неуспешни резултати против Исланд и Црна Гора да си каже се што му лежи на душа, притоа конечно по три години зачудувачки "осознавајќи" и дека ФФМ го држи мак-фудбалот во континуирано "мртвило", која е една од причините што сите ние залудно очекуваме некаков резултатски исчекор...

"Овде репрезентацијата нема никакви услови за работа. Сакате сите некои феноменални резултати, а притоа не се погледнуваат придружните фактори. Не знам друга репрезентација во светот која сака да оди на СП, а притоа фудбалерите да се облекуваат во хотел па потоа така со километри да одат на тренинг", го отвори срцето Катанец притоа продолжувајќи:

"Погледнете само каков комплекс Фудбалскиот сојуз на Црна Гора успеал да направи за само една година. Какви услови им се нудат на нивните фудбалери. А, што имаме тука? Ете читам и Милко Ѓуровски пред извесно време потенцираше дека и македонските клубови живеат и работат без минимум услови. Македонската лига е таква каква што е, лоша, а таа треба да биде базата од каде ќе произлегуваат репрезентативците", вели македонскиот селектор, притоа јасно можеби на индиректен начин сега и тој го потенцира целокупното нефункционирање на ФФМ од неколку аспекти.

Катанец си го кажа своето мислење кое, сепак, на вчерашната средба со новинарите не успеа да го слушне и претседателот на ФФМ, Харалампие Хаџи-Ристески, откако пристигна само неколку минути подоцна... На констатацијата, пак, дека токму поради сето тоа што тој сега го нагласува можеби бил и обидот за промена на раководството на ФФМ, кое, пак, претходно грчевито го бранеше, Катанец со краток одговор:

"Не, јас не знам околу тоа ништо. Јас не се мешам во тоа. Јас само си го кажувам своето мислење..."

А, зошто па дури сега го кажува мислењето за начинот на раководење на мак-фудбалот од страна на актуелното раководство на ФФМ, кое повеќе или помалку добро & е познато на целокупната домашна фудбалска јавност, селекторот со нагласок дека бил трпелив три години, но...

"Не може веднаш по пристигнувањето да кажувам дека нешто не е в ред. Ете чекав три години во од да се менуваат нештата, но ништо не се менува. Па јас три години се убедувам и околу специфичноста и неопходноста на храната која треба да им се овозможи на фудбалерите, за што може да ви потврди и докторот, но ништо од тоа. Навистина при одредени работи нема никаква професионалност, а се бараат резултати", констатира Катанец за нашата жалона фудбалска вистина која досега упорно ја сокриваше, а за која конечно се осмели и самиот да проговори.

Убаво го потенцираше Словенецот хаосот околу функционирањето на ФФМ, но може ли ова да се протолкува и како задоцнета реакција на селектор кој е повеќе од свесен дека многу брзо ќе го напушти столчето на клупата на нашиот национален тим, па откако минатата година силно се "жртвуваше" за Хаџи-Ристески сега се сети дека треба да се зборува вистината. А, од друга страна Среќко Катанец, како и на сите претходни прес-конференции, упорен е и со својата "вистина" дека "А" селекцијата демонстрира виден напредок по неговото доаѓање, а нашата јавност не треба да ги гледа резултатите, но пред се задоволството од прикажуваните игри.

"Ни останува овој квалификациски циклус, а потоа јас заминувам. Затоа со ваша помош посакувам конструктувност во овие квалификации за да се подигне атмосферата и да има подобри резултати. Ова е мое последно вакво обраќање", ја соопшти притоа Катанец и причината за ненадејниот собир со медиумите.