УЕФА Лига на Шампиони

Ждребката е утре, а првите полуфинални натпревари ќе се играат на 22/23 април.

Челзи - ПСЖ 2:0  - Чудата сепак се можни и „аутсајдерот“ успеа да си овозможи пласман во полуфиналето иако ПСЖ беше во подобра позиција по првиот натпревар и резултатот 3:1. Сепак се работи за Специјалниот ... 

Борусија Дортмунд - Реал Мадрид 2:0 - Реал успеа за влакно да се извлече и да стане еден од полуфиналистите иако претрпе пораз. Убавиот резулатат од првиот натпревар (3:0) беше она што им го обезбеди пласманот. Секогаш ми било глупаво онаа радување на играчите во вакви ситуации, кога ќе изгубат а пак се радуваат затоа што одат понатаму ... 

Баерн Минхен - Манчестер Јунајтед 3:1 - Иако на првиот натпревар на Олд Трафорд Ман. Утд. успеа да го издржи притисокот, синоќа паднаа сосема очекувано. Нереално ќе беше да се очекува уште едно чудо по првото полувреме во кое всушност и ништо не случуваше. Иако голот на Евра беше фантастичен, не беше доволен. Морам да признаам дека последните два гола на Баерн беа “смешно лесни“ и нималку атрактивни ( и двата грешка на Немања Видиќ)но гол си е гол и победа си е победа. Мојс сепак останува The Wrong One ... 

Атлетико Мадрид - Барселона 1:0 - Иако некогаш ја сакав Барселона (скоро исто толку колку што го мразев Реал ) синоќа ми беше мило што падна. Атлетико иако има груба игра, играат со срце. Барселона беше непрепознатлива, а Атлетико иако беше без Диего Коста успеа да создаде неколку убави шанси и да имаа малку повеќе среќа ќе го наполнеа голот на Пинто. Од друга страна Барселона и реално немаше некоја поубава шанса. Секоја чест за Диего Симеоне посебно во делот кога по промашена убава шанса ја побара подршката на навивачите за своите играчи . 

Барселона и Атлетико Мадрид се некако најизедначена двојка. Си дишат во врат во  шпанската Примера со еден поен разлика. И иако Барселона е сеуште еден од најдобрите тимови на светот Атлетико има многу успешна сезона. 

Реал Мадрид и Борусија Дортмунд - ако добро се сеќавам ( а се сеќавам )  токму Борусија беше таа што ја запечати судбината на Реал минатата година. Иако имаа водство од 2 гола на реванш натпреварот Борусија го совлада Реал и си обезбеди место во минатогодишното финале. Оваа година Борусија игра за нијанса послабо од ланската па Реал може да ја добие својата одмазда. 

ПСЖ и Челзи - иако Мурињо изјавил дека Челзи и Ман.Утд се аутсајдери ( да се чуди човек на ваква изјава од Мурињо ) и иако ПСЖ го има Ибрахимовиќ ми текнува на Интер и Барселона во 2010 година кога Интер беше предводен од Мурињо и како „аутсајдер“ ја победи големата Барселона.

Манчестер Јунајтед и Баерн Минхен - Манчестер имаше СРЕЌА и дојде до четвртфиналето, не можам да кажам дека го заслужија местото таму со играта која ја покажаа. Од друга страна Баерн се сеуште на ниво на кое треба да биде минатогодишниот победник. Само се надевам дека Манчестер достоинствено ќе ја војува битката со големиот Баерн кој од друга страна може да биде првиот тим кој две години по ред ќе ја освои титулата во ЛШ. 

Ете затоа ќе биде интересно ... 

Ван Перси со хет трик успеа да направи пресврт и со тоа стана херој на тимот ( и иако беше изнесен на носилка и почна да се шпекулира дека повредата е до толку сериозна што нема да го гледаме на мундијалот, Мојс со изјава го демантираше тоа и рече дека повредата воопшто не е сериозна )

Зенит иако успеа да го победи тимот на Борусија Дортмунд со 2:1 не успеа да се пласира понатаму поради победата на Борусија на гостински терен со 4:2. 

Барселона (видно оштетена од судиите, и тоа на неколку пати) успеа да го совлада Ман. Сити со 2:1 иако голот на гостите беше од чиста офсајд позиција.

На вториот натпревар ПСЖ овој пат беше „нежен“ па натпреварот со Леверкузен заврши со 2:1 (како потсетување претходниот натпревар заврши со 4:0 за ПСЖ) 

На вториот меч Галатасарај го пречека тимот на Челзи. Но иако поведоа гостите со голот на Торес тимот на Папа Мурињо си оди дома со резултат 1:1 по голот на Шедју.

Головите ги постигнаа Крос во 54’ и Милер во 88’.

Арсенал како да ја изигра среќата со промашениот пенал на Месут Озил во 8’.

И како да не им беше доволно тоа во 37’ останаа и без голманот Шчесни кој доби црвен картон (престрого според мене). Пеналот за Баерн Минхен не беше реализиран (веројатно поради неочекуваниот избор на изведувачот Давид Алаба).

Утрово се рашири снимка „Робен го плукна Сања“ а дали е тоа така навистина погледнете сами ... 

На вториот натпревар синоќа Милан го пречека Атлетико Мадрид на „Сан Сиро“. По одличното прво полувреме на домаќините (ова непристрасно го пишувам ) и неколку убави шанси кои не успеаја да ги реализираат Диего Коста ги казни со гол за гостите  во 83’. 

Но надежта последна умира, еден гол предност не е ништо кога станува збор за вакви натпревари ...