ОПУС­ТО­ШЕ­НИ ЦРКВИТЕ ВО МАКЕДОНИЈА

Од "Пресвета Богородица" во Гари украдени вредни икони

Ми­на­та­та недела, вредни икони, како и мошти на двајца светци беа ук­ра­де­ни од црква во поречкото село Горни Манастирец, а претходно беа ог­ра­бе­ни и неколку цркви во селата кај Струга

Од црквата "Пресвета Богородица" во мијачкото село Гари украдени се ико­ни од неп­ро­цен­ли­ва вредност. Кражбата во полиција, по телефон ја при­ја­вил скопјанецот М.П..
Од увидот што полицијата го извршила по пријавувањето на кражбата, би­ло утврдено де­ка кражбата била во средата. Во моментот на кражбата, кли­са­рот со уште еден мештанин, кој е задолжен за одржување на црк­ва­та, биле во соседното село Лазарополе, за да го гледаат натпреварот Ма­ке­до­ни­ја - Литванија. Тогаш непознатиот крадец, искористувајќи го нивното от­су­ство, го скршил катанецот и влез­на­та врата од црквата, влегол внатре и одзел два ме­тал­ни крста, седум икони, пет сребрени икони од внат­реш­нос­та на ол­та­рот и околу 4.000 денари. Украдените предмети ги ставил во го­ле­ми црни вреќи, во кои кај олтарот се чувале ќебиња. Ќебињата ги рас­фр­лал по подот на црквата, и заминал.
За­се­га полицијата сe уште го нема утврдено идентитетот на крадецот.
Црк­ва­та "Света Богородица" во селото Гари е стара 365 години. Во неа, ме­ѓу фреските, се гледа око нацртано во триаголник. "Како и да се дви­жи­те, окото постојано ве следи. Првата асоцијација, како што се прет­пос­та­ву­ва во документираните записи за Гари, е дека тоа е масонско око. Ама са­мо толку знаеме", велат мештаните од Гари. Освен овој знак, во црквата над олтарот има и сонце со 16 краци. Гарчани велат дека тоа им е симбол на Мијачко. Во селската црква се чуваат коски, донесени пред 200 го­ди­ни од Ерусалим, за кои се верува дека носат здравје и живот.
Ми­на­та­та недела, вредни икони, како и мошти на двајца светци беа ук­ра­де­ни од црква во поречкото село Горни Манастирец. Претходно беа ог­ра­бе­ни и неколку цркви во селата кај Струга.
Крад­ци­те, најверојатно, се лица што се добро упатени во овој вид кри­ми­на­лен бизнис. Нај­ве­ро­јат­но работат по нечија нарачка и со список. Прет­ход­но знаеле каде се наоѓаат вредните ико­ни, како и тоа дека се не­о­без­бе­де­ни од никого, и покрај тоа што се од непроценлива вредност. Дали крад­ци­те работат по нарачка на колекционери во државава или, пак, за стран­ски љубители на црковно богатство, допрва треба да ут­вр­ду­ва по­ли­ци­ја­та. (П.А.Л - А.Г.)