Сè што Ви е потребно е половина час за да уживате во вкусниот десерт кој е создаден за пролетните денови.

Потребни состојки:

Подлога:

• 125 гр. растопен путер

• 250 гр. бисквити

• 2 лажички кафеав шеќер

• ½ лажичка цимет

Крем: 

• 3 стандардни пакувања јогурт

• 120 гр. шеќер во прав

• 1 ванилин шеќер

• 6 ливчиња желатин

• 2 мали слатки павлаки (4 дл)

• 2 канчиња јагоди (помеѓу 400 и 500 грама)

Подготовка:

1. Бисквитите сомелете ги и помешајте ги со шеќерот и циметот и потоа додадете го стопениот путер. 

2. Смесата втиснете ја во калап со пречник од 26 центиметри и кратко печете во рерна (3-5 минути на 200 степени). 

3. Во 2,5 јогурта измешајте го шеќерот во прав и измиксајте. 

4. Желатинот растворете го во студена вода според упатството. Во тенџере загрејте ја преостанатата количина на јогурт, додајте го желатинот, тргнете го тенџерето од оган и кратко мешајте додека желатинот не се растопи. Потоа, додадете ја мешавината на остатокот од кремот и сѐ заедно измиксајте. 

5. Изматете ја слатката павлака и потоа додајте го кремот и добро измешајте. 

6. На бисквитите наредете го овошјето, прелијте го со кремот и ставете го во фрижидер за длабоко да отстои преку ноќ. 

Совети: 

- Наместо цимет, во тестото можете да нарендате малку кора од лимон, во која ќе додадете и малку сок од лимон. 

- Овошјето не мора да го ставите врз подлогата на тортата, туку може да го сервирате и покрај неа.