Се од тиква

Колач со путер од тиква

Состојки
За тесто
200гр. брашно по избор
2 јајца
3 лажици омекнат путер или кокосово масло
4 лажици мед или шеќер, кафеав шеќер итн.
1 лажичка прашок за пециво
1 лажичка сода бикарбона
1/2 лажичка хималајска сол
1 лажичка зачин за медењаци или цимет
100гр. кисела павлака или несолена урда
100мл. млеко по избор (јас користев оризово)
За фил
350гр. путер од тиква
Несекојдневна пита од тиква со преубава текстура и арома..

- Во сад со миксер го матиме омекнатиот путер заедно со медот се додека смесата не стане пенеста. Ги додаваме јајцата едно по едно, кога смесата ќе се соедини ја додаваме киселата павлака и млекото.
- Во друг сад ги соединуваме брашното, пецивото, содата, солта и зачинот за медењаци.
- Сувите состојки ги додаваме во смесата од течни состојки и мешаме до воедначување.
- Во калап обложен со хартија истураме половина од смесата, го распределуваме путерот од тиква и врз него ја нанесуваме преостанатата смеса.
- Печеме на 180 Ц 25-30 минути.

Наздравје..

Автор	Порака Тема Пребарувај Опции за темата Внеси реплика Внеси нова тема Верзија за печатење Преведи Тема
Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 19.Мај.2018 во 10:27
	Колач со путер од тиква Состојки За тесто 200гр. брашно по избор 2 јајца 3 лажици омекнат путер или кокосово масло 4 лажици мед или шеќер, кафеав шеќер итн. 1 лажичка прашок за пециво 1 лажичка сода бикарбона 1/2 лажичка хималајска сол 1 лажичка зачин за медењаци или цимет 100гр. кисела павлака или несолена урда 100мл. млеко по избор (јас користев оризово) За фил 350гр. путер од тиква Несекојдневна пита од тиква со преубава текстура и арома.. - Во сад со миксер го матиме омекнатиот путер заедно со медот се додека смесата не стане пенеста. Ги додаваме јајцата едно по едно, кога смесата ќе се соедини ја додаваме киселата павлака и млекото. - Во друг сад ги соединуваме брашното, пецивото, содата, солта и зачинот за медењаци. - Сувите состојки ги додаваме во смесата од течни состојки и мешаме до воедначување. - Во калап обложен со хартија истураме половина од смесата, го распределуваме путерот од тиква и врз него ја нанесуваме преостанатата смеса. - Печеме на 180 Ц 25-30 минути. Наздравје..
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 19.Мај.2018 во 10:24
	Пудинг десерт со тиква Состојки За прв фил 4-5 бисквити 50гр. бадеми 1 портокал 20гр. путер 1 ванила пудинг млеко (според упатството) За пире од тиква 200 гр (4-5 резниња) тиква 4 лажици шеќер 4 бисквити 1 ванилин шеќер Најпрво најправете го пирето/филот од тиква. Тиквата се вари со малку вода околу 20 мин додека не омекне сосема. Се додава шеќерот и мешајте убаво да се растопи. Со блендер се мешаат бисквитите и пирето. Нека се лади додека ги спремате другите работи. Првиот слој го правите со мелени бисквити, мелени бадеми и путерот кој стоела малку на собна температура. Додадете сок од портокал да добиете убава смеса. Изрендајте кора од портокал за да даде преубава арома. Наредете го филот во чашите во кои ќе послужувате. Потоа направете го пудингот според упатството. Нека се олади 4-5 минути и ставете врз првиот слој. Во пудингот ставете цели бадеми, таман ќе омекнат и ќе дадат убава структура. Почекајте да се олади и на крај ставете го пирето од тикви. Ќе ви шепнам тајна, Јас не чекав и ми пропадна пирето во пудингот. :)) Ама вкусот си го имаше исто. На крај исцедете уште малку сок од портокал, изрендајте чоколадо, кора од портокал и искршете бадеми. Почекајте да се олади. Или не чекајте. ) Земете лажици, викнете си ги најблиските и уживанција. Малку се заиграв со есенската декорација. Ама ми беше ќеф и убаво фотографирање со вкусен десерт. На здравје. Изменето од Valerija - 19.Мај.2018 во 10:25
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 19.Мај.2018 во 10:22
	Шарен колач со тиква и чоколадо Состојки 1 1/2 шоља шеќер 1/2 шоља масло 2 јајца 1 шоља пире од тиква 1 лажичка ванила 1 3/4 шоља брашно 1 лажичка сода бикарбона 1/2 лажичка пециво 1 лажичка цимет 1/2 лажичка мелено каранфилче 150 гр чоколада за готвење Меко, миризливо, есенско колаче со тиква. Многу ги сакам ваквите шарени колачиња, вкусни се, а и убави на изглед. Ова посебно ми се допадна бидејќи за разлика од другите што сум и правела, чоколадата претходно не се меша со дел од тестото туку се додава самостојно и поради тоа колачот има многу убав чоколаден вкус. Во комбинација со зачините и тиквата превкусен е. Рецептот е на Боби Флај. Подготовка 1. Се матат маслото и шеќерот, па се додаваат останатите водени состојки. Се мати после секое додавање колку само да се соедини. 2. На крај се додаваат сувите состојки. 3. Смесата се истура во намастен, долгнавест калап и одозгора се посипува растопената чоколада. 4. Се меша со стапче за скара/или чепкалка колку само да се направи мермерен ефект. 5. Се пече 1ч на 175Ц, со тоа што после 35-40 мин се покрива со фолија за да не ви изгори одозгора 6. Се остава убаво да се олади и се служи посипано со шеќер во прав
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 19.Мај.2018 во 10:20
	Чорба од тиква и јаболка Состојки 500 гр. исчистена тиква 1 јаболка - Грени смит 1 помал кромид 2 чешниња лук 2 лажици маслиново масло 1/2 лажица сув зеленчук на вкус сол, мускатно оревче, бибер, каенски пипер за послужување - на вкус2 лажици пропечени семки од тиква на вкус зрна калинка на вкус магоднос - Измијте ја тиквата, исчистете ја само од семките и исечете на помали парчиња. Ставете во тава послана со хартија за печење. Јаболката исто така исчистете и расечете на половина, кромидот излупен исто така расечен, додадете го и лукчето - залијте со маслиновото масло, покријте со капак или алу-фолија и нека се пече во загреана рерна на 200 степени додека тиквата да омекне. - Со лажица извадете го месото од тиквата, со блендер изблендирајте заедно со јаболката, кромидот, лукот. Ставете во касерола, додајте вода за да ја добиете саканата густина, зачинете, ставете на оган да се вари неколку минути. - Топла послужете ја со посипани препечени семки од тиква, а вкусот надополнете со зрна од калинка. Напомена - Можете да додадете и кисела павлака доколку ја сакате таквата комбинација. - Експирементирав: наместо да печам, во касеролата ставив прво да се пржи кромидот, додадов потоа тиквата, јаболката и лукот, залив со пилешки бујон, зачинив, вкусовите се разликуваат, но не толку битно, зависно колку време имам на располагање, го избирам начинот на кој ќе ја приготвам чорбата.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 19.Мај.2018 во 10:18
	Колач со фил од тиква Состојки Тесто 175гр брашно 1/2лажичка сол 14гр шеќер 115гр путер (ладен) 1 голема лажица ладна вода Фил 3 јајца 425гр пире од тиква 110гр кафеав шеќер (може и бел) 1 лажичка цимет 1/2 лажичка ѓумбир мелен 1/4 лажиче каранфилче 1/2 лажичка сол 120мл слатка павлака 50гр бадеми/лешници/ореви 50гр шеќер Подготовка на тестото Во блендер се става брашното, солта и шеќерот и се миксираат, потоа се додава путерот кој треба да е ладен и исечкан на коцкички и повторно се микса. На крај се додава ладна вода но по малку, јас додадов една голема лажица и го измиксирав. Треба да се добие смеса на тесто. Потоа се витка тестото во фолија и се става 1 час во фрижидер. Одкако ќе помине 1 час се вади тестото и се сука кора и се става во плехче. (тестото е за помало плехче) Подготовка на филот Сите состокји ( Јајцата, пирето од тиква, кафеавиот шеќер, зачините, слатката павлака) се матат во сад со миксер додека не се добие хомогена смеса. Во посебен сад се мелат лешниците и шеќерот. Потоа врз тестото се ставаат мелените лешници и шеќер, ако сакате може и помалку да ставите и врз нив се става филот. Се пече во веќе загреана рерна на 190Ц 45-55 минути. Најдобро е кога се служи оладено барем некој час во фрижидер. Пријатно јадење
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:26
	Печена солена Хокаидо тиква Состојки 1 Хокаидо тиква од цца 2 кг по вкус маслиново масло по вкус сол по вкус бибер по вкус суво оригТиквата прво измијте ја под млаз вода, за да се одстранат евентуалните нечистотии. Пресечете ја на половина и со лажица извадете го семето и опната во која се наоѓа истото. Потоа исечете ја на приближно еднакви парчиња и излупете ги. Кората од Хокаидо тиквата се јаде, меѓутоа јас повеќе ја сакам кога кората и‘ е излупена. Исечените парчиња тиква, ставете ги во подлабок сад и додадете ги маслиновото масло и зачините. Со раце убаво измешајте, за зачините да можат да се залепат на секое парче. Вака зачинетата тиква, наредете ја во плех обложен со хартија за печење. Печете на 200 Ц, додека тиквата не омекне и краевите не почнат благо да црнеат. Може да се јаде како самостоен оброк, како прилог или како додаток во салата (зелена салата, печена тиква и фета сирење), топла или ладна. Јас повеќе ја сакам во втората варијанта затоа што ми има поубав вкус.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:25
	Колач со печена тиква Состојки 3 јајца 1 1/2 шоља шеќер 1 шоља (200мл) зејтин 1/2 шоља јогурт 1/2 шоља млеко 3 шољи брашно 1 пакетче прашок за пециво 1 пакетче ванилин шеќер 1 лажичка цимет 1/4 лажиче каранфилче 2 шољи печена тиква Ова е еден од оние колачи кои редовно ги правам во зима. Се приготвува многу брзо, па ако веќе имате печена тиква, одлична варијанта е за гости кои се најавиле во 5 до 12. Се матат јајцата и шеќерот, а потоа се додаваат останатите состојки и се мати до изедначување на смесата. Се истура во плех од рерна и се пече на 200 степени дури колачот не зарумени одозгора. Доколку сакате благо, слободно зголемете го шеќерот за половина до една цела шоља.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:23
	Полнета печена тиква со крем карамел Состојки 1 кгр. тиква хокаидо За кремот 500 мл. млеко 4 јајца 4 лажици шеќер 2 ванили За облога на внатрешноста на тиквата според потребата брашно 3 лажици шеќер Малку различно да е.. - Тиквата се отвара сечејки го горниот дел кај рачката, но отворот не би требало да биде голем. Со рака исчистете ги семките и внатрешноста на тиквата. - Побрашнете ја тиквата во внатрешната исто како кога побрашнуваме плехче. - На тивок оган стопете го шеќерот во карамел, внимавајте да не ви прегори, додека е во течна состојба излијте на дното од тиквата малку протресете за да се подели и на зидовите. Тоа се работи побргу. Замотајте ја тиквата во фолија. Крем карамел - Се матат јајцата со шеќерот, но не во густа пена, се додава млекото и ванилите. Се размешува уште малку, се трга, се налева од добиената смеса во тиквата до самиот врв. - Внимателно преместете ја тиквата во подлабок сад наполнет со вода која ќе биде до ниво на едно два прста до самата висина на тиквата. Покријте со одсечениот дел кој ќе ви послужи како капак, а после извесно време при самиот крај тргнете ја како би се испекол и одозгора кремот. - Ставете во загреана рерна на 160-170 степени да се тивко вари-пече најмалку околу 2 часа. Кремот е печен кога на допир со раката ќе осетите дека тој е доволно густ и цврст - Кога е готова извадете ја веднаш од водата, оставете до потполно оладување, а потоа сечете и уживајте во овој убав спој на вкусови. Напомена - За време на печењето на тиквата нивото на кремот се намалува од претходно ставен во тиквата, бидејки од самиот крем останува малку, слободно отворете и долијте, затворете ја рерната и нека продолжи да се пече. - Кремот не го матете премногу за да не ви се направат шуплини при печењето. - Во никој случај не ја сечете додека е топла, мора потполно да олади. - На мене ми остана од самиот крем, го поделив во мали садчиња, истовремено го ставив во рерната да се потпече кремот. - Додека е тиквата со кремот во рерна, повремено надгледувајте. Ако водата премногу силно врие, намалете температурата или едноставно подотворете ја малку рерната и пак затворете. Крајно благодарна сум на Ивана Крстева - рецептот е нејзин, го правев точно како што препорача таа - а јас овде го пренесов.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:20
	Тиква полнета со ореви Состојки 1/2л сок од портокал 5-6 каранфилчиња, цимет по вкус 70 г шеќер 1 мала лажица маргарин 100гр ореви по вкус суво грозје по потреба за попрскување рум Тиква ја мијеме и сечеме на парчиња. Сокот ставаме во тенџере, го додаваме циметот, каранфилчињата и тиквата. Вариме околу 20 мин. Суво грозје попрскуваме со 2-3 лажици рум, а оревите ги сецкаме и заедно ги измешуваме со суво грозје. Тиквата ја вадиме од сокот и ставаме у плех. Сокот во кој се варела тиквата оставаме уште 15 мин на тивок оган додавајќи унатре шеќерот и маргаринот. Оревите и сувото грозје попрскуваме со неколку лажици сок, со тој фил ги полниме тиквите. Така наполнети тикви ги печеме околу 40 мин на 170 степени. Изладени тикви ги декорираме со слаг пена. Мерките за овој рецепт се прилагодливи спрема вашиот вкус и количина на тиква.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:19
	Колач со тиква и ореви Состојки 250 гр исчистена тиква 170 гр ореви 150 гр шеќер 150 гр брашно 4 јајца 1 паковка ванилин 1 паковка пециво по потреба шеќер во прав Уште една варијанта на колач со тиква и ореви, кој е мек, вкусен и едноставен во приготвување :) 1. Излупените ореви се сецкаат ситно и се мешаат со варената и згмечената тиква. 2. Јајцата се матат со миксер заедно со шеќерот и ванилинот, потоа се додаваат брашното и пецивото, смесата се промешува и се додаваат оревите со тиквата. 3. Смесата се става во намрсено и набрашнето тавче бр. 24 и се пече во рерна на 180 степени околу 40 минути. 4. Приготвениот колач се наросува со шеќер во прав. Во смесата може да се додаде малку изрендана кора од портокал.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:17
	Колач со тиква Состојки 1 + 1/2 чаша пире од тиква 2 јајца 1/2 чаша масло 1/4 чаша кисело млеко/јогурт/павлака 1 + 3/4 чаши брашно 2 лажички сода бикарбона 1 чаша шеќер 1 лажичка цимет 1/2 лажичка ѓумбир во прав 1/2 лажичка кардамон 1/4 лажичка мелени каранфилчиња или 3-4 цели Со доаѓањето на есенската сезона дојде време кога можам да експериментирам подолго во кујната и да ја замирисам цела куќа со најразлични зачини. Колачот или мафините во која форма и да одберете да го испечете ќе ви ги разгали сите сетила. Плус, одличен е за искористување на преостаната тиква. 3 поголеми парчиња тиква ги лупиме и ги вариме со малку вода или доколку сакате побрза варијанта може да ја ставите во сад во микробранова со неколку лажици вода. Сварената тиква ја пасираме со алатка за пире, доколку сакате повеќе текстура на тиква пасирајте ја со вилушка, така ќе останат покрупни парченца низ колачот. Пасираната тиква ја оставаме малку да се олади. Во оладената тиква ги додаваме двете јајца, киселото млеко и маслото и мешаме со жица за матење. Настрана ги соединуваме брашното, содата, солта, шеќерот со зачините. Ја додаваме смесата со тиква и мешаме со шпатула. Мешаме внимателно и полека, да не се преактивира глутенот и лебот да ни стане тежок. Намастуваме калапи, во мојот случај смесата беше доволна за една векна и 6 мафини од сетот Бејкуар на Делимано. Смесата ја ставаме во калапите, одозгора можете (а и не морате) да додадете јатки, семиња или темно чоколадо во мојот случај. Се пече на 175 степени, без вентилатор. Мафините се готови за 20тина минути. Поголемиот колач го прекриваме со фолија после 20минути и печеме до 40-45 минути. Проверувајте на стандардниот начин со чепкалка за заби. Овој колач е неверојатно мек и сочен, одличен за десерт или појадок или со чаша кафе.
	Јакиот човек има само една слаба страна-жената што ја сака!

Valerija Профил од член Испрати лична порака Најди пораки од член Додај во листа на пријатели Модератор Регистриран: 07.Ноември.2005 Статус: Офлајн Поени: 105588	Опции за коментарот Внеси реплика Цитирај Valerija Благодарам(0) Цитирај Одговор Испратена: 18.Мај.2018 во 19:16
	Колачи со тиква,пита со тиква...и уште многу варијанти со истата Дали тиквата е дел од Вашето готвење Кафе колач со тиква Состојки 180гр. брашно 1 јајце 1 банана 250гр. пире од тиква 1/2 лажичка сода бикарбона 1 лажичка прашок за пециво 100гр. кафеав шеќер 1 лажица какао во прав 1 лажичка ситно мелено кафе 150гр. кисела павлака 1 лажица цимет 100гр. сецкани ореви - Во сад се соединува брашното, кафеавиот шеќер, содата, прашокот за пециво, циметот и сецканите ореви. - Во друг сад се соединуваат мокрите состојки, пасираната банана, јајцето, пирето од тиква и киселата павлака. - Постепено се додаваат сувите во мокрите состојки, добиената смеса се дели на два дела и во едниот се додава какаото во прав и кафето. - Во калап за леб, обложен со хартија за печење се истура половина од темната смесата, па половина од светлата и така се додека се има метеријал. - Се пече 50-55 минути на 175Ц.
	Јакиот човек има само една слаба страна-жената што ја сака!

Внеси реплика	страница <1 2 34
Tweet