Потребни се: 4 јајца, 4 лажици шеќер, 4 лажици брашно, изрендана кора од непрскан лимон, мармалад за фил.

Подготовка: Со миксер изматете шлаг од белките. Додадете шеќер и матете додека смесата не стане цврста. На миксерот намалете му ја брзината, додавајте една по една жолчка и матете уште 1 минута. Исклучете го миксерот и мешајќи со лаижца додајте го брашното и кората од лимон. Печете во рерна на 200˚Ц, во тавче (30х35), претходно намрсено и посипано со брашно. По дваесетина минути, печеното тесто извадете го од рерната и ставете го на платнена салфета посипана со кристал шеќер. Тестото го виткате во ролат.

Кога ќе се олади, отворете го, премачкајте го со мармалад и повторно завиткајте го. Се сече на парчиња и се служи.