Со крупни чекори напред, кон средниот век!

Ме заинтересира како Југославија е уништувала огромен број материални и човечки квалитети кога за своето време Југославија е била во топ 5 нанајдобрите држави за живот ? 

Не ми се верува дека е пречела на луѓе со   памет и креативни идеи да си ги реализират целите .

Каде бевме, а каде сме сега?

 

Не можам да се оттргнам од мислите колку ниско падна Македонија во последниве две-три децении како последица од ретроградните национализми во регионот. Сите придобивки на модерните општества кои сега ни се продаваат како нешто ново, граѓаните ги имаа пред педесет години. Подем на инфраструктурата, здравствена заштита за сите, загарантирани доживотни пензии, работа, социјална сигурност, слобода на движење по светот, армија рамо до рамо со НАТО. Новите генерации, заглувени од нациналистичките викачи и заглупени од лажната историја не знаат ништо за тоа минато. И во старата држава, Македонија беше на опашката по скоро сите параметри. Но тоа е само причина повеќе да се почитува не толку дамнешното минато. Ринго, кој има слух како просечен барабанџија, никога не ќе станеше ѕвезда ако не ги сретнел Пол и Џон, а и не успеа да направи ништо значајно откога се раздели од нив - аналогијата со Македонија и останатите републики е јасна. Но во недостаток на визија и вистинска интелигенција што ќе ја потера напред, Македонија се сврте кон минатото и прифати некои вредности примерни за средниот век. Ако информацијата подолу е точна, тогаш македонците, заедно со другите југословенски народи, а богами и народности, може да се пофали дека е една од првите три светски нации со вселенски програм. Предизвик повеќе за некоја друга генерација македонци која можеби ќе има интелектуална сила да се оттргне од дупката во која е доведена не по своја вина и ќе почне да гради историја со која сите ќе се гордееме.