Поздравете ја пролетта со коктели, ова се 3 од најдобрите во светот!

Кој рекол дека коктели се пијат само на лето? Точно, тоа правило не постои како ниту причината поради која не би ја поздравиле пролетта со коктели во рака.

 Ова се 3 од најдобрите во светот, следете ги рецептите и подгответе ги уште денес!

Ладен чај Мохито

Ако сакате нешто класично, ладно и освежувачко, направете го ладниот чај Мохито кој се прави со чаша лимета, 4 листови нане, 2 лажици шеќер, шолја зелен ладен чај и една доза рум.

Помешајте ги лиметата, шеќерот и листовите нане за да можат истите да ја ослободат својата миризба и вкус, а потоа додајте ги чајот и румот.

Сипете во чаша со мраз и декорирајте со неколку листови нане.

Американо

Коктелот кој ќе ве воодушеви со својата црвена боја, а потоа со вкусот. Американо ќе стане вашиот омилен коктел после првата голтка.

Се прави со 2 дози Кампари, 2 чашки за ракија ароматизирано црвено вино, чаша тоник или газирана вода и сочно парче портокал.

Сипете ги состојките во чаша со мраз, почнувајќи од Кампарито, виното и на крај тоникот или газираната вода.

На крај ставете го парчето портокал на површината на коктелот.

 
Ел Диабло

Самото име на коктелот ви кажува дека се работи за нешто вкусно и опасно. Ел Диабло е привлечен за око, а богами и за пиење.

Се приготвува со 12 ml замрзнат лимета концентрат, 18 ml текила Бланко, 8 ml овошен ликер, 6 ml обична вода и 18 ml пиво.

Состојките измешајте ги во подлабока чаша за виски со мраз и декорирајте со неколку малини.

Летно освежување: Коктел од лубеница и шампањ

Овој коктел е одличен избор за летните попладневни часови или за тивките ѕвездени ноќи.

Тешко дека ќе можете да одолеете на вкусниот, освежувачки вкус на лубеницата во комбинација со шампањот.

Уживајте во летото и изненадете ги вашите најблиски со поинаков коктел.

Состојки:

• Лубеница;
• Шампањ;
• Лимонада;
• Нане;

Начин на подготовка:

Исечкајте ја лубеницита на ситни парчиња и ставете ја во шејкер. Потоа додајте го нането и три кафени лажички лимон и мешајте додека смесата не се соедини. Течноста ставете ја во чаша и дополнете со шампањ.

Поинакво освежување: Популарното Мохито на 3 нови начини

Летниот коктел кој е најпопуларен изминативе неколку лета сега добива нов изглед и вкус. Комбинацијата на лимета, ментол и рум направете ја уште поосвежителна!

Не верувате дека е возможно?

Розово Мохито од грејпфрут

Состојки: Шеќер, 6-7 листови ментол, 50ml рум, 30ml карамелизиран шеќер, 10ml сок од црвен грејпфрут, минерална вода, мраз.

Подготовка: На работ на чашата ставете шеќер, а на дното ставете ги листовите ментол. Додајте го карамелизираниот шеќер и мешајте за ментолот да пушти малку сок. Потоа додајте го румот со сокот од грејпфрут и наполнете ја чашата до половина со мраз. Полијте ја минералната вода и украсете со парчиња грејпфрут.

Мохито со боровинки

Состојки: 1 шолја свежи боровинки, 120ml чист рум, 10 листови ментол, 2 лажици шеќер, сок од 2 лимети, минерална вода.

Подготовка: Во блендер измиксирајте ги боровинките додека не добиете изедначена смеса. Во шејкерот ставете го и ментолот и шеќерот. Додајте го сокот од лимета, румот и добро промешајте.

Ставете лед во чашата, истурете ја мешавината од блендерот и дополнете со минерална вода и украсете со листови ментол.

Текила мохито

Состојки: 30 листови ментол, 1 лимета, 30ml карамелизиран шеќер, 60ml текила, мраз, минерална вода.

Подготовка: Речиси идентично како основниот Мохито рецепт. Мразот, ливчињата ментол, текилата и шеќерот истурете ги во блендер и мешајте. Лиметата исцедете ја и поделете ја во чашите, ставете го миксот од блендерот и додајте ја минералната вода.

Време е за забава со розеви коктели

Внесете малку разновидност во забавите што ги приредувате вие или вашите пријатели. Направете нешто поинакво од досега и изненадете ги со розевите коктели, кои девојките со сигурност ќе ги обожаваат.

Подготовката на овие летни розеви коктели е едноставна и ќе додаде колоритност на забавата. 

1. „Pink Poodle” 

Брз и едноставен коктел за кој ви се потребни: 

• 2 водки
• 4 литри сок од боровница
• мраз 
• гренадин
• шеќер

Натопете го врвот на чашата со гренадинот, а потоа натопените чаши обложете ги во шеќерот. Наполнете ги чашите со мраз и додадете ја мешавината од вокта и сокот од боровница. 

2. „Hot pink Barbie drink” 

Изненадете ги девојките со овој пијалок кој со сигурност нема да ги остава рамнодушни: 

• 1 литар кокосов рум 
• 1 вотка
• 1 литар сок од боровница
• 1 литар сок од портокал
• 1 литар сок од ананас

Сите овие состојки ставете ги во сад во кој ќе можете заедно да ги промешате. Подгответе чаши со мраз и истурете го розевиот пијалок. Не заборавајте на интересни декорации како чадорчиња, необични сламки и слично. 

3. „Pink Lady” 

Самото име кажува дека се работи за софистициран пијалак кој е извонреден за оној помирен тип на забави. 

• 3/4 џин
• гренадин
• белка од јајце во прав
• 2/3 свежо исцеден лимон
• свежи цреши 

Мразот и сите состојки измешајте ги заедно, со цел мразот да биде искршен. Сосема на крајот за декорација додадете од свежите цреши. 

4. „Pink Russian” 

За луда и незаборавна забава која продолжува до раните утрински часови се препорачува токму овој коктел, а еве и како да го направите: 

• 2 мали чашки текила 
• 1 литар водка
• 2 мали чашки млеко или крем 

 Најдете розева боја за готвење и додадете малку од неа во сите овие состојки кои заедно ќе ги промешате. Задолжително во чашата ставете многу мраз. 

5. „Pretty in pink” 

Иако звучи нежно сепак не претерувајте бидејќи овој пијалак и не е така нежен како што изгледа. 

• Шеќерна волна
• Шампањ 

Пополнете ги чашите со шеќерна волна а, потоа додадете од шампањот. Ќе добиете извонреден и незаменлив вкус. 

Количеството на алкохол и соковите не мора да биде точно како наведеното, туку можете сами да одлучите. Доколку коктелот не ја добил вистинската боја, тоа значи недостига од сокот. 

Уживајте во вашата забава која сите ќе ја помнат по розевите коктели.