Празници (имендени, слави) и празнувања

Секој 14-ти февруари, низ целата земја, вљубените разменуваат цвеќиња, колачи и подароци, а сето тоа во име на Свети Валентин (St. Valentine).
Но кој е овој мистериозен светец и зошто го славиме овој празник? Историјатот на Денот на Св. Валентин е обвиткан во мистерија. Но знаеме дека февруари одамна е месец на романсата. Св. Валентин, каков што го знаеме денес, има обележја и од христијанската и од староримската традиција.
Тогаш кој бил светецот Валентин и како постанал дел од овие древни обичаи? Денес, католичката црква признава барем три различни светци наречени Валентин или Валентинус, сите биле маченици.Една легенда кажува дека Валентин бил свештеник кој служел во текот на третиот век во Рим. Кога императорот Клаудие Втори одлучил дека неженетите мажи се подобри за војска од оние со жени и фамилии, ги забранил браковите за младите мажи – неговите потенцијални војници. Валентин, сфаќајќи ја нанесената неправда, се спротиставил на Клаудие и продолжил да склучува бракови на млади љубовници во тајност. Кога тие активности биле откриени, Клаудие наредил да го погубат.

Други легенди сугерираат дека Валентин можеби е погубен заради помагање при бегства на христијани од строгите римски затвори каде биле честопати измачувани.

Секоја година за Св. Валентин (Денот на вљубените) во Англија и западниот свет се испраќаат милиони честитки. Најстара позната честитка која се чува и денес е онаа на Шарл, Војводата од Орлеан кој и` напишал и испратил поема на својата жена додека бил затворен во злогласниот затвор Тауер Бриџ. Поемата (честитката) сега е дел од британската библиотека во Лондон.

Св. Валентин, го слават вљубените. Овој, инаку католички празник, во последниве години се почесто го одбележуваат и младите кај нас. По тој повод на саканите им подаруваат цвеќиња срциња, мечиња....