Биди член на ЦРКВАТА ХРИСТОВА

izvoren напиша: makarios напиша: Истото важи и за Ев (кој се појавува на форумот со литија).Признајте си дека сте баптисти, па ќе разговараме. Во спротивно, каков збор и да кажете, колку и да е вистинит, ја губи силата затоа што лажно се преставувате. Не можам да ве разберам зошто упорно не дозволувате некој да се нарече христијанин? Доколку вие не се чувствувате како христијани ( бидејки се декларирате како православни ) немојте да им го спорите тоа право на тие што се чувствуваат како христијани така да се идентификуваат.

Кажете се какви христијани сте! Во која регистрирана верска заедница во Македонија припаѓате. Никој не ви оспорува да се нарекувате христијани. Ама, има православни христијани, римокатолички христијани, протестантски христијани и баптистички христијани.

Кажете во која верска деноминација (официјално регистрирана во Македонија) припаѓате, и муабетот ќе биде подруг.

Додека се криете под зборовите „изворни“ и „библиски“, ќе сметаме дека лукавствувате.

izvoren напиша: Не можам да ве разберам зошто упорно не дозволувате некој да се нарече христијанин? ...

Знаеш, пријателу, не е проблем во тоа што сте, туку во тоа што се претставувате во тоа што не сте. Какви се тие христијани што го немаат Христа!? Гледаш ли што направивте!? Го искривоколчивте учењето Христово. Христа Го претворивте во стихови и цитати. Уште ли не знаеш што е кривоверие!?!?!?

За доближувањето кон Бога преку оддалечувањето од светот

Никој не може да Му се приближи на Бога ако не се оддалечи од светот. Оддалечување од светот ја нарекувам не преселбата (на душата) од телото, туку оддалечувањето од световните дела. Во тоа и се состои добродетелта, човекот во својот ум да не се занимава со светот. Сè додека сетилата се занимаваат со надворешни работи, срцето не може да престојува во тишина ниту да биде без фантазии. Телесните страсти не можат да се умртват ниту лукавите помисли можат да се уништат без пустинување [оддалечување во пустината]... (Слово 1)

Твојата молитва треба да биде како твојот живот. Бидејќи оној што е приврзан за земното не може да го достигне небесното, и оној којшто е зафатен со светското не може да го бара божественото. Зашто, желбата на секој човек се покажува преку неговите дела. Кој го сака она што е големо, тој не се занимава со она што е безначајно (Слово 5).

Браќа мои, би требало да знаете дека во сецелото наше служење Бог ги сака и надворешните форми, одреденото (конкретно) почитување и видливите начини на изразување на богобојазливост – не заради Себеси, туку заради нас. ...Имено, многумина во своите помисли го запоставија сето тоа и си вообразија дека за Бога е доволна само молитвата на срцето. Велат тие, дека кога лежат на грб или седат во недолична положба, доволно е божем само внатрешното сеќавање на Бога...

Не ја зедоа предвид силата на противникот, поради што и паднаа во прелест и се препуштија на нејзините дејства. Тие не разбраа дека се смртни и дека ги придвижува нивната душа, на која ѝ е својствено да отстапува, дека сè уште не ја достигнале духовната состојба, дека сè уште не (им) се случило воскресение и дека сè уште не стекнале непоколебливост.

Како што целото мноштво закони и заповеди што Бог им ги даде на луѓето ја имаат за граница (крајна цел) чистотата на срцето, така и сите родови и видови на молитва со кои луѓето Му се молат на Бога ја имаат како граница чистата молитва. А после оваа граница ќе биде восхит, а не молитва, затоа што сè молитвено престанува, настанува одредено созерцание и умот не се моли со молитва. Свети Исаак Сирин.

makarios, не јас, туку вие, доколку сакате да блогирате православни книги/спамови, тогаш отворете си православен блог или (бидејќи вие е веќе дозволено) отворете си православна тема и во неа блогирајте си ги вашите православни спамови, а не истите да ги блогирате на една ваква тема насловена како "Биди член на Црквата Христова", затоа што "Црквата Христова" според многумина на форумов е нешто многу поразлично од "Православната Црква".

Веќе докажавме дека односот на Христос и апостолите кон Марија е нешто дијаметрално спротивно од односот кој православните го имаат кон неа. Покажавме и докажавме дека Христос воопшто не ја издигнал Марија над другите жени, додека денешните православци и даваат Божествени титули, ја воздигнуваат како "Најголемата", ја нарекуваат: Владетелка, Господарка, Спасителка и што уште не.

Ај да не изигиравам модератор, ама, навистина, ако не ти чини - не читај. Отвори си твоја протестантска тема и постирај си свои текстови.

Pravoslaven напиша: А имате ли некоја молитва за пред бричење? (за да не се исечеме со бричот) Или некоја за пред голема нужда? (запек да не не фати )   Извинете што сум малку саркастичен ама горново спамирање го сметам за поголем сарказам од било што. Каква врска имаат овие извадоци од некој православен молитвеник со тоа да се биде член на Црквата Христова? Зарем апостолите и првите христијани имали вакви листи на молитви? (за пред учење, пред јадење, пред бричење, пред туширање и сл.) Зошто не си отворите уште една БЛОГЕРСКА тема (како и сите останати) "Православен Молитвеник" и таму блогирајте си ги вашите молитвеници?

Ова недоличие е комбинација од братљубе и евангелос. Се разбира, недоличието на братљубе, а констатацијата за спамирање и блогерство на евангелос.

Ама, и самото повторување на ова е спамирање. Значи, престанете да спамирате и да делите правни поуки до администраторите. Ако нешто не е во склад со темата, админите си знаат како да го средат.

Да, и молитвите значат да бидеш дел од Црквата Христова. Затоа што ние кои сме во Црквата Христова, практикуваме молитви постојано и во секаква прилика, и се надеваме дека Господ ќе ни се смилостиви, ќе не` очисти од страстите, ќе ни го просветли умот, и ќе ни даде сили да имаме непрестајна молитва -онаква, за која сведочи Свети апостол Павле.

МОЛИТВИ ВО ТЕКОТ НА ДЕНОТ

Молитва пред почетокот на секоја работа
    Господи Исусе Христе, Сине Единороден на беспочетниот Твој Отец, Ти си рекол со Твојата пречиста уста: Без Мене не можете да правите ништо. Господи мој, со вера го примам ова што си го рекол. Ти се молам, помогни ми започнатото дело успешно да го завршам, во името на Отецот, и Синот, и Светиот Дух. Амин.

Молитва пред одење на училиште
    Милостив Боже, Ти си вечната премудрост и изворот на духовната светлина и на знаењето. Испрати ми ја благодатта на Твојот Свет Дух, за да се просвети мојот ум и моето срце и да биде отстранета од мене секаква духовна мрзливост. Со Твојата благодатна помош полесно ќе го усвојувам полезното знаење, ќе го разбирам учењето што ни се предава, ќе бидам добар ученик, нема да се расејувам и нема да ги заборавам моите должности. Нека мојата душа биде секогаш отворена за добрата наука и за вистинското знаење. Со нив да го збогатам мојот ум, да го облагородам моето срце, да Те познавам Тебе - вистинската Мудрост и Добрина, и да им послужам на блиските и на народот мој. Амин.

Молитва пред учење
    Преблаг Господи, испрати ја благодатта на Твојот Свет Дух што ги просветува и окрепува нашите душевни сили: да внимаваме што ни се предава, та да бидеме радост на нашите родители, да бидеме од полза на нашата Татковина и на Светата Црква. Амин.

Молитва пред ручек
    Господи Исусе Христе, Боже наш, благослови ни го јадењето и пиењето нам, на Твоите чеда и умножи го во овој дом по молитвите на Твојата Пречиста Мајка и на сите Твои светии. Амин.

Молитва по ручекот
    Ти благодариме, Христе, Боже наш, што нè насити со Твоите земни блага. Не лишувај нè од Твоето небеско царство, но како што си дошол меѓу Твоите ученици, давајќи им го Твојот мир, така дојди и кај нас и спаси нè.
Молитва пред вечера
    Ќе јадат сиромасите и ќе се наситат, и ќе го прослават Господа оние што го бараат, нивните срца ќе живеат во вечни векови. Амин.

Молитва по вечерата
    Господи, Ти нè развесели со Твоите созданија; се радуваме на делата од Твоите раце. Господи, се покажа светлината на Твоето лице и на нас; Ти го развесели моето срце повеќе отколку што ќе се развеселеше од пченица, вино и елеј. Во мир ќе заспијам и ќе се успокојам, зашто Ти си со мене, Господи, моја единствена надеж.

Молитва по учење
    Ти благодариме, Создателу, што нè удос тои со Твојата милост да можеме внимателно да ја слушаме науката што ни се предава. Спаси ги и помилуј ги нашите старешини, родители и учители, кои нè водат кон познавање на вистината, а нам дарувај ни сила да можеме да го продолжиме полезното учење.

Молитва по завршувањето на секоја работа
    Христе мој, Ти си исполнување на сите мои желби, исполни ја со радост и веселба мојата душа и спаси ме, зашто си многумилостив.

Молитва по завршување на работниот ден
    Ти благодарам, Господи Исусе Христе, Боже мој, што ме удостои да се вратам здрав и неповреден од работа, та со бодро и благодарно срце да Ти пеам и да Те славам. Ти, божествениот Работник, не сметаше дека трудот унижува, туку со Твоите пречисти раце трудот го освети. Дај да се одморам од работата, со која ја исполнив Твојата волја. Пресвети Владико, Ти си рекол: Мојот Отец досега работи, и Јас работам. Со ова си ни оставил заповед усрдно и послушно да се трудиме во Твое име. Ти благодарам уште, премилостив Боже, затоа што ми даде сили, трпение и желба за работа, што не позволи да се вгнезди во мене мрзливоста, незадоволството и негодувањето, ами милостиво ме награди со радост од работата и ме исполни со признателност кон Тебе за Твојата постојана помош. И сега, кога Ти принесувам благодарствена песна, Ти се молам и во останатото време од мојот живот да ми бидеш крепок помошник во секое добро и на Тебе угодно дело, та и во вечноста да ја добијам наградата, приготвена за сите што се труделе во Твое име. Амин.
    Милосрден Господи и Владико на мојот живот, Ти си рекол: Дојдете при Мене сите изморени и оптоварени Јас ќе ве успокојам. Ете, доаѓам при Твојата благост и моето срце го приклонувам под Твоето меко крило, дарувај им мир на мојата душа и на моето тело, изморени од тешката дневна работа. Да се одмори моето срце, мојата душа да се успокои во Тебе, мојот Господ и Спасител, за да ја видам и јас, недостојниот Твој слуга, вечната светлина на Твојата вистина и да го прославувам секогаш Твоето пресвето име, името на мојот Благ Господ и Закрилник. Амин.