Универзален Живот - Прахристијани

Majkl напиша:   Што е видено во духовниот седмодимензионален свет и што од тоа настана досега во тридимензионалниот свет ...

Каков е тој седмодимензионален свет?
Каков е шестодимензионалниот?
Петодимензионалниот?
Четири?...
Многу ме буни пасусов...

Џо напиша: Прахристијаните се вегетеријанци така?

Некои прахристијани се вегани(не консумираат ниту јајца ниту млечни производи), има можеби и такви кои сеуште ја немаат надминато желбата за риба или месо па истите помалце или повеќе ги консумираат. Имено прахристијаните низ откровенијата од Божјиот Дух не добиваат наметнати кодекси за исхрана, туку совети. А некои применуваат теранска исхрана односно се тнр. фрутаријанци.

Во последниов тип на исхрана се јадат само оние плодови со чие берење не се уништува трајно растението. На пр. со берењето вишни, дрвото кое ги дало плодовите не се уништува, тоа догодина повторно ќе може да роди.

Џо напиша: Океј...Дали според нивната догма растенијата имаат душа?

Сите форми произлезени од Бога се наоѓаат на пат на духовна еволуција. Растенијата сеуште немаат равиено целосни души како човечките, ниту пак делумни души какви што имаат повеќето животни. Растенијата припаѓаат на тнр. колективи на свест, слично како и минералите.

Растенијата можат да се употребуваат за исхрана и други потреби, но тоа би требало да се одвива во склад со Божјите закони. Намерното, значи свесното оштетување или дури уништување на растенијата чисто од обест или ради профит(при што не се води сметка како тоа влиае на природата и животните) а особено нивно генетско модифицирање е спротивно на божествените закони, затоа што и растенијата чувствуваат, додуша во поинаков облик и интензитет отколку животните. Животните пак чувствуваат многу послично на луѓето, многу поголема болка но и тага. Затоа сечењето растенија и колењето животни не може да се изедначи. Односно обратно кажано, ако би се одело по логиката дека нема разлика меѓу убивањето животни и растенија, тогаш слободно може да се рече дека нема разлика ни меѓу колењето луѓе ако е за исхрана.

На пр. ако погледнеш како комбајнот го собира житното класје или скинеш едно јаболко, тоа битно се разликува од колењето на едно јагне или крава која додека ја чуваат во штала е депресивно расположена а пред да ја стават под нож, се обидува да избега, а време на колењето рика од болка и прета додека не искрвари низ маки(имено смртта настапува не во моментот на сечењето на вртанта жила, туку кога најголемиот дел од крвта ќе истече).

Изменето од Majkl - 03.Јули.2010 во 14:26

ДЕНОТ - ТВОЈ ПРИЈАТЕЛ
- духовни помошти за денот -

Секој ден ни дарува изобилство на можности. Секој миг преку препознавање и очистување на грешки ни донесува енергија за промена, шанса да му дадеме на својот живот позитивна пресвртница. Својот ден и своите идни денови ги одредува секој поединец самиот. Во оваа книга со духовни помошти, секогаш за утрото, за пладнето и за вечерта, Габриеле ни покажува к а к о од својот ден можеме да го направиме најдоброто, како можеме да дојдеме до мир со самите себе и со нашите ближни и до еден однатре исполнет живот. Поттици, упатства и совет полн љубов - и охрабрувањето тие да се спроведат во дело.

Книгата од неодмна е достапна на македонски јазик, 176стр. мека подврска, пластифицирани корици.

Изменето од Majkl - 22.Јуни.2010 во 19:30

Брошура која на околу 30стр. ги пренесува излагањата на Габриеле од еден семинар на тема: „Среќата и здравјето лежат во твоите раце„ - Едноставни објаснувања како можат да се постигнат задравјето и среќата, како може многу нешто да се смени кон позитивна насока бидејќи сето тоа всушност лежи во наши раце.

Брошурата е достапна на германски и италијански јазик, но кој сака на македонски нека ми се обрати во лична порака.


Изменето од Majkl - 08.Февруари.2010 во 19:42

Сам во партнерството и бракот? Сами во староста?
Живот во единство!
Ти не си сам - БОГ е со Тебе

Од содржината: Пријатен живот меѓу двајца, мажот и жената-трајна среќа? - Немирот на срцето-во потрага по смислата на живеењето на Земјата - Кој му даде во наследство на човека лош генетски материјал? Дали се Адам и Ева криви за неговата судбина? - Падот-лудост и положување право врз тоа да се биде Бог самиот. Егоман, типичен противник на Бога - Следот инкранации врз основа на каузалниот закон: сличното привлекува слично - Богатство од рацете на темнината-кобна последица: најлоша зависност која трае со инкарнации - Зошто Бог не се вмеша? - Оди ли „светот„, таа творба на луѓето, во хаос? - Стани мирен, стекни тишина. Помош за да се сретне Бог: забележи ги импулсите на внатрешниот живот кои струјат кон тебе од сликата на природата - Испразни ги од себе небитните, себичните мисли. Бог е тишина. - Егоцентрикот не може да го доживее Бога - Во здивот е животот, Бог. Диши свесно! - Копнежот, трагањето по среќа, љубов, заштитеност и татковина има длабока причина. Никогаш нема да „пристигнеш„ во овој свет-бидејќи ти не си од овој свет! - и тн...


Воопштено кажано, за нас луѓето животот на Земјата се состои од низа разочарувања. Се надеваме, копнееме, а сепак сме постојано незадоволни. Им посакуваме - воглавно на некој од нашите блиски - среќа, љубов и заштитеност. Понекогаш штотуку ќе си помислиме дека „стигнавме„, но очекувањата повторно не се исполнија - повторно сме сами.

Габриеле ни покажува зошто на човекот во овој свет постојано му бега целта на неговите надежи: корените на неговите копнежи се подлабоки. Од тоа исто така се покажува каде може да се пронајде исполнение на неговата потрага.

Секој кој тоа го сака може да ги следи овие длабоки Габриелини објаснувања од Божествената мудрост и на пр. да научи како да го доживее животот во единство, Бог, и доспее во внатрешната тишина за да би го сретнал Бога во себе и така ги стори чекорите кои што водат кон вистинската, трајната среќа.

Книгата е достапна на српски јазик, а он-лајн бесплатно може целата да се чита на германски јазик под: http://www.das-wort.com/20/de/media/s367de_text.pdf

Изменето од Majkl - 30.Октомври.2009 во 10:06

Школувањата од Духот Божји на внатрешниот пат се однесуваат на духот, душата и телото. Затоа:

Доколку некој доброволно се реши да стапи на Внатрешниот пат(опишан и објаснет во детали во истоимената книга) кој почнува со подготвителните прахристијански медитацијски к у р с е в и, освен правилното запознавање со истиот, треба сериозно да испочитува и неколку предупредувања како на пр.:

- јасна и искрена одлука за еден единствен духовен пат(т.е. да не меша други патишта и техники, дури и ако тие се нарекуваат христијански). Доколку претходно се практикувале било какви други медитации, спиритуални техники и патишта(на пр. јога, зен, ТМ, автоген тренинг, мантрање мантри и сл.) потребно е напуштање и пауза од истите, минимум 1-2 години.
- да не биде зависник од дроги и алкохол
- да не пати од душевни болести и пречки, во последните 3 години да не посетувал психијатријско лекување,
- да не зема лекарства за смирување(лексилиум и сл.) и спиење
- (за жени) во случај на бременост, одењето на патот треба привремено да се прекине. По породувањето може да се продолжи таму каде што се застанало.

Доколку овие критериуми не се испочитуваат во целост, можат да настанат сериозни душевни и физички штети кај поденицеот(поединците), и за тоа религиозната заедница Универзален живот, издавачот на материјалите,(ниту јас кој пишувам за ова на форумов) не сноси никаква одговорност.

Изменето од Majkl - 05.Јануари.2010 во 05:03

Postojat li telesni polozhbi na meditacija ili bilo kakvo e pozicijata, samo umot da se nasochi kon taa dejnost?