Вести

   Ибрахимовиќ договорен, се чека на Ето

Шведскиот репрезентативец Златан Ибрахимовиќ, најверојатно, ќе биде првото засилување за Барселона во летниот преоден рок, тврди каталонскиот спортски дневник Ел Мундо Депортиво. Барса и Интер веќе се договориле за неговиот трансфер на Ноу Камп, но сега се зависи од Самуел Ето и од неговата волја да замине во спротивен правец ова лето.

Според весникот, Барселона се согласила на Интер за Ибрахимовиќ да му го отстапи Самуел Ето плус десет милиони евра со што би се исполниле желбите и на робусниот напаѓач и на Пеп Гвардиола, кои посакуваа меѓусебна соработка во претстојната сезона. Договорената сума е значително помала од онаа која минатата недела ја бараше претседателот на Интер, Масимо Морати, кој рече дека нема шанси да се раздели со Ибрахимовиќ за помалку од 40 милиони евра плус Ето. Причината поради која Швеѓанецот посакуваше трансфер во Барселона беше желбата конечно да ја освои Лигата на шампионите сметајќи дека со Интер нема шанси да дојде до таков успех без оглед што на клупата на овој тим веќе една година е Жозе Мурињо.

Сепак, и покрај согласноста од Барселона и Интер за Ибрахимовиќ, се претпоставува дека трансферот е далеку од реализација поради условите што ги поставува Самуел Ето. Негови претставници пред неколку дена се сретнаа со челниците на Барселона, но не успеаја да се договорат ниту за продолжување на договорот, ниту за можно заминување од клубот. Од друга страна, тој не е задоволен ниту од платата што ја нуди Интер и бара баснословна сума од 13 милиони евра по сезона.

Инаку, Пеп Гвардиола уште минатото лето им дозволи на Ето, Деко и Роналдињо да си заминат од Барса, но Камерунецот остана во клубот и беше еден од најзаслужните за тројната круна на "каталонците" во оваа сезона. Тој веќе е легенда на Барселона затоа што е трет стрелец во историјата на клубот со 130 гола и ако остане уште некоја сезона може да ги достигне Ладислав Кубала (196 гола) и Цезар Родригез (235).

Внеси реплика	страница <1 37 383940 41 61 >
Tweet

Вести

Њукасл на продажба за само 100 милиони фунти