Светот денес

Bosanskite Hrvati decidno baraat federalizacijata da bide vo polna sila zastapena sekade a ne samo na parche hartija.

Израел ги држи Палестинците жедни


Забранет пристап дури и до минимално количество чиста, безбедна вода

Израел им забранува на Палестинците пристап дури и до минимално количество чиста, безбедна вода, соопшти Амнести интернешенел. Во извештајот на групата за човекови права се наведува дека рестрикциите на вода што се прават од страна на Израел ги дискриминираат Палестинците во окупираниот Западен брег. Уште се наведува дека во Газа, израелската блокада го доведе веќе проблематичниот водоводен и канализационен систем до „кризна точка“.

Израел соопшти дека извештајот е невистинит и дека Палестинците добиваат повеќе вода отколку што е договорено според мировниот договор од 1990 година. Во извештајот на 112 страници, Амнести наведува дека просечното дневно количество вода за Палестинците изнесува 70 литри, во споредба со 300 литри за Израелците. Уште се додава дека некои Палестинци едвам добиваат и 20 литри вода дневно, минимум количество препорачано дури и во хуманитарни вонредни ситуации.

Додека израелските доселеници во Западниот брег уживаат во раскошни градини и базени, Амнести посочува серија израелски мерки за кои наведува дека се дискриминирачки кон Палестинците: Израел „во целост го присвои палестинскиот дел од реката Јордан“ и користи 80 отсто од клучниот водопропустлив слој; на Палестинците од Западниот брег не им е дозволено да копаат бунари без притоа да обезбедат дозвола од Израел, до кои „честопати е невозможно“ да се дојде; цистерните во кои се собира дождовницата „најчесто се уништени од израелската армија“; израелските војници ги конфискуваат резервоарите со вода од селаните, кои се обидуваат да останат на територијата што Израел ја прогласи за „затворена воена зона“; анонимен израелски војник открива дека резервоарите со вода на покривите на палестински куќи се „добра цел за гаѓање“; поголемиот дел од земјата отсечена со ѕидот кренат низ Западниот брег е земја со добар пристап до главниот водопропустлив слој; операциите на израелската армија ја оштетија водоводната инфраструктура на Палестинците, вклучувајќи го и шест милиони долари вредниот систем за време на операцијата што се водеше минатата зима во Газа; израелско-египетската блокада на Газа го „влоши она што веќе беше ужасна ситуација“ со забрана за голем број градежни материјали, кои се потребни за проектите од областа на водоводот и канализацијата.

Во извештајот, исто така, се наведува дека палестинските власти одговорни за водата се критикуваат поради лошиот менаџмент, цитирајќи еден ревизорски извештај каде што се опишува дека секторот е во „тотален хаос“. „Водата е основна потреба и право, но за многу Палестинци обезбедувањето дури и на количества вода со слаб квалитет и за опстанок стана луксуз кој едвам може да се дозволи“, изјави Донатела Ровера, од Амнести. „Израел мора да стави крај на својата дискриминаторска политика, веднаш да ги укине сите рестрикции што се воведени за пристапот на Палестинците до водата“. (Би-Би-Си)

.................

Изменето од Popi - 14.Ноември.2009 во 05:56

Vo Hrvatska za vreme na internacionalna NATO prezentacija od strana na Hrvatskata armija se sluchil "incident", kade shto simbolot na NATO se pretvoril vo svastika i kako takov kruzhel za vremetraenjeto na konferencijata, ostavajki go generalot zacrvenet od sram.

makedonci ruse mostove sa srbijom jer misle da  ce to nesto da im donese

Изменето од DiamondGirl95 - 19.Октомври.2009 во 20:34

epa...toa e...

Изменето од cyanide sweet - 17.Октомври.2009 во 01:44

Во светот секој четврти човек е муслиман



Во светот живеат 1,57 милијарди муслимани, од кои 60 отсто во Азија

ВАШИНГТОН - Во еден извештај на американски истражувачки центар се проценува дека во светот живеат 1,57 милијарди муслимани, од кои 60 отсто во Азија. За составување на извештајот на Форумот за религии и јавен живот беа потребни три години и се користеа податоци од пописот од 232 земји и територии. Извештајот покажа дека 20 отсто муслимани живеат на Блискиот Исток и во Северна Африка. Податоците, исто така, покажуваат дека во Германија има повеќе муслимани отколку во Либан, а повеќе во Русија отколку во Јордан и Либија заедно.

Истражувачите анализираа приближно 1.500 извори како извештаи од попис, демографски студии и генерални анкети на населението. Брајан Грим, висок истражувач, јави за Си-Ен-Ен дека вкупните податоци се изненадување и рече: „Во целост бројот е поголем отколку што очекував“.

Извештајот објавен во средата, исто така, покажа дека Етиопија има муслимани колку и Авганистан. Аманеј Џамал, асистент по политички науки на Универзитетот Принстон, за новинската агенција АП изјави: „Целата идеја дека муслиманите се Арапи, а Арапите се муслимани е навистина поништена со овој извештај“. Според извештајот, повеќе од 300 милиони муслимани живеат во земји каде што исламот не е религија на мнозинството. Од вкупното муслиманско население од 10 до 13 проценти се шиитски муслимани, а од 87 до 90 проценти се сунитски муслимани. Повеќето шиити живеат во Иран, Пакистан, Индија и Ирак.

Во Европа живеат 38 милиони муслимани - околу пет проценти од населението, при што европските муслимани сочинуваат нешто над 2 проценти од муслиманското население во светот. Повеќе од половина од 4,6 милиони муслимани во двете Америки живеат во САД, а, сепак, тие сочинуваат само 0,8 проценти од тамошното население.

Форумот соопшти дека овие податоци ќе бидат темел за претстојната студија што ќе испитува како се развивале муслиманските популации низ светот и како би можеле да изгледаат во иднина. (Би-Би-Си