Челзи и Анчелоти почнаа со трофеј

Фудбалерите на Челзи со трофеј ја почнаа новата сезона откако триумфираа во англискиот Супер-куп, т.н. Комјунити Шилдс одигран на Вембли. Во извонреден натпревар на лондонскиот стадион, за победа на Челзи му беа потребни пенали откако по 120 минути игра беше нерешено, 2:2. Јунак беше Петр Чех, кој одбрани два од трите пенали и ја прекина доминацијата на Манчестер Јунајтед во ова натпреварување откако англискиот првак победуваше на пенали во последните две сезони.

Воедно, ова беше официјално деби на новиот менаџер на Челзи, Карло Анчелоти, кој на теренот ја изведе најдобрата постава. Затоа, Фергусон почна со неколку изненадувања почнувајќи со Парк, Флечер, Карик и Нани во средниот ред, додека на клупата останаа летните засилувања Валенсија и Овен. На првиот гол не се чекаше многу. Се играше десеттата минута кога Нани прими долга топка на левата крилна позиција, се избори за место и упати удар во спротивниот гол каде Чех не успеа да стигне. До крајот на првиот дел екипите беа рамноправни на теренот, но голманот на Челзи беше принуден неколкупати да интервенира додека на несигурниот Фостер повеќе проблеми му правеа повратните топки од соиграчите отколку противничките напаѓачи.

Анчелоти во второто полувреме го стави во игра Босингва на местото на Ивановиќ, а влегувањето на Балак место Микел комплетно ја затвори левата страна на Јунајтед. Од самиот старт на вториот дел Челзи тргна жестоко, и тоа по седум минути донесе резултат. Малуда одлично се снајде на левата страна, убаво центрираше, Дрогба во скок го збуни Фостер, а Карваљо непречен од никого на вториот дирек ја дочека топката и ја уфрли во голот. "Сините" потоа ја презедоа иницијативата, а до пресврт дојдоа на 20 минути пред крајот. Во контаранапад "3 на 2" Дрогба ја заврши главната работа, центрираше за Лампард, кој не шутираше сигурно, Фостер одби само до дирекот по што топката ја помина гол-линијата. Следуваа жестоки протести од фудбалерите на Јунајтед бидејќи претходно Балак со лакот го запре Евра по што главниот судија Фој, комплетно се загуби на теренот. Изгледаше дека Челзи ќе стигне до трофејот, но работите се сменија во во втората минута од судиското продолжение. Гигс извонредно го проигра Руни, кој избега на противничката одбрана и рутински ја испрати топката во подалечниот агол на Чех. Репризата покажа дека напаѓачот на Јунајтед беше најмалку половина метар во офсајд, но помошниот судија не реагираше со што компензираше за вториот гол на Челзи. Потоа следуваа продолженија, па пенали по што Челзи стигна до победата. Лампард сигурно шутираше по средината, а млакиот удар на Гигс беше лесен плен за Карик. Балак потоа погоди исто како и Карик, а Дрогба донесе предност за Челзи од 3:1. Евра, кој пред десетина дена не искористи пенал на Ауди купот во Минхен повторно беше непрецизен, а точка на мечот стави Саломон Калу иако тој пенал тргна да го изведе Деко.

Манчестер Јунајтед така беше поразен во Комјунити Шилдс првпат по две години откако во претходните два настапи победи како што сега загуби - на пенали. Сезоната во Премиер-лигата почнува идниот викенд, а двете екипи имаа прилично лесен распоред на стартот. Челзи на стартот го дочекува Хул, а Јунајтед на Олд Трафорд игра со новакот Бирмингем.

Инаку, пред почетокот на мечот & беше оддадена почит на неодамна починатата англиска тренерска легенда Боби Робсон.


ЧЕЛЗИ - МАНЧЕСТЕР Ј. 2:2 (4:1 на пенали)

Стрелци: Карваљо 52', Лампард 71' (Ч) - Нани 10', Руни 90' (М)

Стадион: Вембли во Лондон. Гледачи: 85.896. Главен судија: Крис Фој

Жолти картони: Ивановиќ (Ч) - Бербатов, Евра, Овен (М)

ЧЕЛЗИ: Чех, Ивановиќ (46' - Босингва), Тери, Карваљо, Е.Кол, Микел (65' - Балак), Есјен, Лампард, Малуда (78' - Деко), Дрогба, Анелка (83' - Калу).

МАНЧЕСТЕР Ј.: Фостер, О'Ши (75' - Фабио); Фердинанд, Еванс, Евра, Парк (75' - Гигс), Флечер (75' - Сколс), Карик, Нани (63' - Валенсија), Руни, Бербатов (75' - Овен).

ПЕНАЛИ

Лампард + - Гигс

Балак + + Карик

Дрогба + - Евра

Калу +

Фергусон: Судијата го расипа мечот

"Ова беше одличен натпревар кој во вториот дел го уништи судијата Фој. Разочаран сум затоа што тој го виде ударот со лакот на Балак врз Евра, сигурен сум во тоа, е не реагираше. Тој момент н$ чинеше победа на овој меч затоа што мислам дека имавме контрола на теренот и можевме да постигнеме втор гол. Можеби и сами сме си виновни бидејќи во првото полувреме пропуштивме неколку добри шанси, но голема улога во поразот имаше и судијата", изјави Фергусон, кој заборави да го искоментира очигледниот офсајд на Руни при израмнувањето во 92. минута.

Ливерпул нема шанси за титула, Челзи ни е конк*рент

Менаџерот на Манчестер Јунајтед, Алекс Фергусон, го отпиша Ливерпул од трката за шампионската титула во Премиер-лигата и тоа уште пред да почне англиското првенство. "Црвените ѓаволи" се трикратни шампиони на Англија по ред и во претстојната сезона ќе се обидат тоа да го направат и по четвртипат, но според шкотскиот стручњак главен конк*рент нема да биде вицепрвакот од минатата сезона, туку Челзи, кој сега ќе биде предводен од Карло Анчелоти. Ливерпул лани до претпоследното коло беше кандидат за шампионскиот трофеј, но и покрај тоа Фергусон смета дека оваа сезона не може да игра на истото ниво.

"На фудбалерите на Ливерпул ќе им биде многу тешко да ја повторат играта од минатата сезона, а не да ја подобрат. Другите екипи имаат поголем квалитет и дури и во Ливерпул го знаат тоа", изјави Фергусон за Сан.

Ливерпул во летниот преоден рок не само што не успеа значајно да се засили туку остана без шпанскиот двоец Арбелоа-Алонсо, што може да се одрази на играта на екипата иако менаџерот на Јунајтед смета дека заминувањето на овие двајца играчи нема значајно да се почувствува.

"Ливерпул лани ја одигра веројатно најдобрата сезона во последните 20 години, но за претстојното првенство наш најголем конк*рент ќе биде Челзи. И причината за тоа ќе биде Анчелоти, кој знае да внесе промени во играта на екипата. Сега стилот на Челзи ќе наликува на оној на Милан. Анчелоти со таквата игра освои две титули во Лигата на шампионите, па нема причина да го менува. Што се однесува до Чаби Алонсо и Арбелоа, мислам дека тие не се толку важни играчи за Ливерпул. Целата игра на овој тим се темели на Торес и Џерард", додаде Фергусон.

Новата сезона во Премиер-лигата почнува на 15 август, а како сериозен претендент за врвот на табелата сега се наметнува и Манчестер Сити.

Челзи со нов обид за трансфер на Пирло, Рибери и Агуеро

Англискиот премиерлигаш Челзи повторно ќе се активира на трансфер пазарот и ќе направи нов обид за ангажман на плејмејкерот на Милан, Андреа Пирло, францускиот репрезентативец од Баерн, Франк Рибери и гол-мајсторот на Атлетико Мадрид, Серхио Агуеро.

Според англиските медиуми, евентуалните трансфери на тројцата играчи би го чинеле Роман Абрамович околу 100 милиони фунти, а тоа нема да биде проблем за сопственикот на "сините" кој се обидува да покаже дека не ги загубил апетитите за борба на трансфер-пазарот, иако клубот во последно време не е премногу активен.

Откако беше решена ситуацијата со Џон Тери, "сините" се обидуваат да го ангажираат Андреа Пирло и да го победат Манчестер Јунајтед за Рибери и Агуеро. Двете понуда за Пирло беа експресно одбиени од "росонерите", но се очекува лондонскиот клуб да ја зголеми својата понуда. Челзи првично понуди 8,6 милиони евра плус Клаудио Пизаро, а тимот од Милано не сакаше да чуе за оваа ниска сума. Новата понуда до Италијанецот би изнесувала околу 14 милиони евра.

Шансите Рибери да заигра во Лондон се исто така големи бидејќи Челзи е подготвен да "искешира" сума од 40 милиони фунти, а од друга страна Агуеро би чинел околу 45 милиони фунти, меѓутоа самиот фудбалер има претензии за колосална плата, што е проблем за клубот на Абрамович.

Барса слага цена от 300 млн. евро на Меси

ba maaamu

Почина сер Боби Робсон

Еден од најголемите и најхаризматични англиски фудбалски тренери Боби Робсон денеска почина на 76-годишна возраст, по тешка и долга борба со ракот.

Британските медиуми пишуваат дека сер Боби Робсон најмногу ќе биде запаметен по водењето на англиската фудбалска репрезентација на Светското првенство 1990 година во Италија, кога Гордиот Албион беше запрен во полуфиналето на мундијалот.

Робсон ги предводеше и англиските премиерлигаши Фулам и Ипсвич, во кои на клупата седеше 13 години и со нив го освојуваше ФА купот и Купот на УЕФА. Покрај овие два клуба, тој ги водеше и ПСВ Ајндховен, Спортинг Лисабон, Порто и Барселона, а кариерата ја заврши во Њукасл.

Во 20-годишната играчка кариера Робсон настапуваше за Фулам, Вест Бромвич Албион и многу кратко за Ванкувер Ројалс. Во својата играчка кариера тој за англиската фудбалска репрезентација настапи 20 пати и даде четири гола.

Со болеста се бореше од 1991 година, а во август лани соопшти дека има рак на белите дробови.

-Ќе умрам порано или подоцна. Секој еднаш мора да си замине, а јас уживав во секоја минута од својот живот, изјави Робсон минатата година.

Изменето од blackeye - 27.Јули.2009 во 23:12