Екипата на Баерн и покрај големиот број квалитетни засилувања не успеа да се избори за победа на премиерниот меч од новата сезона на гостувањето кај Хофенхајм. "Баварците" одиграа само 1:1 во крајно лоша и недопадлива игра, особено во првото полувреме.

Хофенхајм изненадувачки храбро стартуваше на овој меч кога постигна гол преку новакот Јосип Шимуниќ, но беше неправедно поништен поради наводен офсајд. Меѓутоа, во 25. минута с$ си дојде на свое место. Хрватскиот тандем Прањиќ-Олиќ се покажа кобен за одбраната на Хофенхајм. Токму Олиќ по центаршутот на Прањиќ од пет-шест метри го совладува домашниот голман.

"Сините" не се предаваа и по неколку пропуштени шанси дојдоа до израмнување. Се играше 41. минута кога асистенција на Сеад Салиховиќ, Нигериецот Чинеду Обаси ја претвори во израмнување.

Во вториот дел се играше со далеку послаб ритам и без некои посериозни опасности на двете страни. Па така на крајот двете екипи си поделија по еден бод.

"Заборавивме како се игра фудбал во првото полувреме. Фудбалерите не го почитуваа потцртаниот план. Тоа навистина не е професионално од нивна страна. Вакво нешто не е дозволиво за еден голем клуб. Пред средбата имав чувство дека ќе ги освоиме трите бода бидејќи имавме доста шанси, но не ги искористивме. Тоа противникот знаеше да го казни", кажа тренерот на Баерн, Луис ван Гал на пресот.

За разлика од него, одлично деби имаше стратегот на Шалке, Феликс Магат, водејќи го својот тим во првата победа, и тоа против Нинберг на гости. Клучен фудбалер на мечот се покажа Кевин к*рањи, кој стрелаше двапати и кој беше најдобар на теренот. С$ што успеаја да сторат домаќините е да го намалат резултатот преку Словакот Минтал во самиот финиш на средбата.

"Секоја победа на премиерните натпревари е драга бидејќи се подига самодовербата на фудбалерите. На овој меч ги заслуживме трите бода бидејќи бевме подобри. Мора да го пофалам к*рањи, кој покажа дека се наоѓа во извонредна форма и кој сигурно ќе одигра клучна улога за тимот во новата сезона. Задоволен сум од победата и се надевам дека ќе продолжиме во ист ритам", изјави Магат.

Катастрофално лошата игра на Вердер донесе изненадувачки пораз против Ајнтрахт. Пред преполниот Весер домашните не можеа да најдат противигра за полетните противнички фудбалери кои предводени од Јоанис Аманатидис стигнаа до важна победа на стартот од Бундес-лигата. Грчкиот репрезентативец беше стрелец на првите два погодоци во првото полувреме, а во второто Фенин ја запечати победата на гостите. Претходно Вердер двапати израмнуваше преку Озил од пенал и Бубакар Саного.

Распродадениот Сигнал Идуна Парк беше сведок на првата победа на Борусија Дортмунд во новата сезона, и тоа против новакот во лигата, Келн. "Милионерите" беа подобри во текот на целиот натпревар со што победата беше чиста како солза. Добриот настап Борусија го материјализираше во 75. минута и тоа на заслуга на Матип, кој си постигна автогол.

ЛЕГЕНДА: Баерн до бод во лоша игра - Олиќ го постигнува голот

ЛЕГЕНДА: Незадржлив за Нирнберг - Кевин к*рањи во дуел

ЛЕГЕНДА: "Милиониерите" со премиерна победа - фудбалерите на Борусија (Д)

РАМКИ

Борусија Д. ја прекина продажбата на годишни билети

Пред натпреварот од првото коло од германската Бундес-лига, Борусија од Дортмунд одлучи да ја прекине продажбата на годишни билети. Причината не е слабиот интерес на публиката, туку рекордниот број продадени билети.

"Ова е рекорд на столетието. 50.675 пати благодариме за вашата љубов", порачаа од клубот на клупската веб-страница алудирајќи на бројот на продадени сезонски билети.

Фудбалскиот клуб Дортмунд оваа година слави стогодишнина од своето постоење, а минатата сезона нивниот Сигнал Идуна Парк беше убедливо најпосетен од сите други екипи.

Тимошчук: На Ван Гал, очигледно, квалитетот не му е битен

Украинскиот фудбалски репрезентативец Анатолиј Тимошчук е првиот бунтовник во соблекувалната на Баерн. Застана против тренерот Ван Гал, кој засега го држи на клупата.

"Ако одлучил да не играм, значи дека другите работи му се поважни отколку квалитетот. Дојдов во Баерн со позитивни намери, како и со отворено срце да дадам с$ од себе. Се докажував на секој натпревар и жал ми е што не сум во првиот тим", изјави Украинецот.

На тоа Ван Гал експресно му одговори:

"Анатолиј е еден од 25-те играчи на Баерн. Како и сите останати мора да ми покаже на која позиција игра најдобро. Дотогаш нема да го користам".

Познати двојките за второто коло од домашниот Куп

Синоќа беше извршена ждрепката за второто коло од германскиот куп. Актуелниот шампион на ова натпреварување, Вердер, на свој терен ќе игра против Сент Паули, додека, пак, вицепрвакот Баер ќе се сретне со Кајзерслаутерн. Другите поинтересни двојки се Келн против Волфсбург, како и Нирнберг со Хофенхајм. Мечевите се закажани за 22 и 23 септември.

КУП НА ГЕРМАНИЈА 2.КОЛО

КЕЛН - ВОЛФСБУРГ

НИРНБЕРГ - ХОФЕНХАЈМ

БОХУМ - ШАЛКЕ

МИНХЕН 1860 - ХЕРТА

АУГСБУРГ - ФРАЈБУРГ

КАРЛСРУЕ - ДОРТМУНД

КАЈЗЕРСЛАУТЕРН - ЛЕВЕРКУЗЕН

ВЕРДЕР - СЕНТ ПАУЛИ

АЈНТРАХТ Ф. - АХЕН

БАЕРН М. - ОБЕРХАУЗЕН

МЕНХЕГЛАДБАХ - ДУИЗБУРГ

ОСНАБРИК - ХАМБУРГЕР

ЛИБЕК - ШТУТГАРТ

АЛЕН - ГРОЈТЕР

КОБЛЕНЦ - КОТБУС

АЈНТРАХТ Т. - АРМИНИЈА

РЕЗУЛТАТИ

ВОЛФСБУРГ - ШТУТГАРТ 2:0

Мисимовиќ 71', Графите 82'

НИРНБЕРГ - ШАЛКЕ 1:2

Минтал 88' - к*рањи 36', 51'

МАЈНЦ - ЛЕВЕРКУЗЕН 2:2

Хогланд 5', Гункел 81' - Дердјок 42', Кислинг 43'

ХЕРТА - ХАНОВЕР 1:0

Качар 82'

ДОРТМУНД - КЕЛН 1:0

Матип 75' (аг)

ВЕРДЕР - АЈНТРАХТ 2:3

Озил 13'(п), Саного 44' - Аманатидис 6', 41', Фенин 71'

ХОФЕНХАЈМ - БАЕРН 1:1

Обаси 41' - Олиќ 25'

БОХУМ - МЕНХЕГЛАДБАХ 3:3

Азауаг 51', 52', Шестак 63' - Аранго 19', Колаути 26', Броуерс 40'

ФРАЈБУРГ - ХАМБУРГЕР 1:1

Бехман 65' - Питроипа 3'