Македонија - ФИРОМ и за Србите

На денешниот настап во Брисел во одбрана на српско Косово и презентирајќи ја состојбата во регионот вицепремиерот Божидар Ѓелиќ нашата земја ја нарече со референцата ФИРОМ.

 

Зошто рековте ФИРОМ денеска? 

“Не, не, не, ние ја признаваме Македонија под нејзиното име“, рече Ѓелиќ.

 

 

“Затоа што така ја нарекуваат“, рече Ѓелиќ.

 

 “Нема ништо такво и бев во Македонија повеќе пати. Македонија ја нарекувам Македонија. Немојте да пробувате од се да направите приказна или афера, ние сме во контакт со Македонија и ја признаваме под нејзиното уставно име, и сите институции во Србија, вклучувајќи ги и оние кои не беа во согласност, тоа го сменија за да се вика Македонија, тоа е нашата политика“, рече Ѓелиќ.

 

За британскиот експерт за Балкан, Тим Џуда, станува збор за умилкување кон Грција во пресрет на решавањето на конечниот статус на Косово.

 

“Тој не сака да ја иритира Грција во овие круцијални недели пред одлуката за косовскиот статус, Србија гледа во Грција клучна членка на ЕУ. Грција до сега беше против независноста на Косово, а Србија сака тоа да остане така и затоа не сака да и даде причина за навреда“, вели Џуда.

 

Џуда е умерен и во однос на евентуално вето од грчка страна брз македонското членство во НАТО. Тој очекува да се смират страстите на априлскиот самит во Бук*решт кога НАТО сојузниците ќе и порачаат на Атина да се соочи со реалноста

 

„Всушност кога ќе дојде до тоа во Бук*решт, би ме изненадило тие да инсистираат на тоа, Грција ќе биде под силен притисок да не става вето врз поканата за членство во НАТО за Македонија. Да ви дадам добар пример, денеска е добар ден за регионот бидејќи Босна го парафира договорот за стабилизација и асоцијација со ЕУ. Ова го велам затоа што стана јасно дека е многу важно Босна да добие Стабилизација и Асоцијација и покрај проблемите. Голем притисок се направи врз ЕУ членките и Комисијата ова да биде сторено. На ист начин, Грција ќе се најде под силен притисок да не става вето“, рече Џуда.