Поуки од Светите Отци

Старец Ефрем Филотејски

Напредувајќи во молитвата, ќе го најдеме олеснувањето од страстите. Скриените помисли со време ќе исчезнат, нашето срце ќе стане незлобливо детско срце.

Крстот денес се издигнува, и светот се осветува, бидејќи Оној што седи заедно со Отецот, и со Светиот Дух, на него рацете ги рашири и целиот свет, Христе, го привлече кон твоето познание. Оние, пак, што се надеваат на Тебе, удостој ги со Твојата слава божествена.

3) Духовната љубов е можна само при дејството на Божествената благодат. Тогаш духот се разбудува од сонот во кој го опоиле страстите, како што се разбудува земјата под зраците на пролетното сонце. Во борба со духовната љубов стапуваат страстите кои се вгнездиле во душата и телото. Затоа, духовната љубов во многу е – ослободување на духот од ропството на душевните пристрастности и емоции. Таа е установување на поредокот на силите на човечката природа. Тоа се достигнува со упорна борба. Затоа, почеток на духовната љубов е – покајанието, а почеток на слободата – христијанскиот аскетизам и потчинувањето на својата волја на Божјата благодат. Духот, откако го заземе управното место во човековата природа, со своите импулси проникнува во душата, ја одухотворува и ја очистува самата душевна љубов. Душевната љубов, без благодатта, постојано е подложена на корозија и деформација заради гревот кој длабоко е навлезен во човековата природа. Без вистината – не е можно да се добие благодатта. Без благодатта – душевната љубов преминува во страстна похот. Вистината е стражар на љубовта. Без вистината – љубовта станува блудница.

Од: Архимандрит Рафаил (Карелин), „Почему христиане теряют любовь?” и „О профанации любви”

EvAngelos напиша: Св. Кирил Александриски рекол: "За божествените и светите верувања на нашата вера, не смееме да дадеме ниту најмала забелешка, ако таа не е потврдена од Светото Писмо"

И да те потсетам што велел св Кирил Александриски (ако имаш нешто спротивно на ова, наведи го изворот)

КИРИЛОВО „ИЗЛОЖУВАЊЕ НА ВЕРАТА" 433. ГОДИНА
http://www.verujem.org/sveti_oci/iiisab_iz.html

Ги прочитав овие ваши свети зборови, и најдов дека и ние не мислиме подруго, зашто „еден е Господ Една е верата Едно е крштението" (Еф 4:5), ние го прославивме Бога Спасителот на сите, поздравувајќи се еден со друг, зашто верата во нашите и ваши Цркви е сагласна со боговдахновеното Свето Писмо и Преданието на нашите Свети Отци.
Јас во сето тоа го следам учењето на Светите Отци , а особено меѓу нив блажениот и најславниот наш Атанасиј, со цел да не искривам нешто (од учењето на Христа)...
Би можел да ти соберам многу сведоштва (Отци) кои ја потврдуваат вистинитоста на тие мои зборови...
На било кој начин не можеме да трпиме некој да ни ја потресува верата, или Символот на верата, кој е издаден од нашите Свети Отци собрани во Никеа.

А ова е наменето за ЕвАнгелос од Св.Кирил Алксандриски

А на тоа што некои од оние кои имаат обичај да го искривуваат она што е право, ги извртуваат моите зборови онака како ним им одговара , нека вашата светост не се чуди, знаејќи дека сите еретици во боговдахновеното Свето Писмо наоѓаат потпора на своите заблуди, извртувајќи го со своите расипани мисли она што е право (вистинито) соопштено од Духот Свет, и на таков начин собирајќи на својата глава неугаслив пламен.

Изменето од Maran Ata - 01.Октомври.2008 во 15:51

Старец Паисиј Светогорец

Кој се радува кога луѓето го фалат, нему демоните му се смеат. Кај славољубивиот никој никогаш не наоѓа духовни плодови, а ако воопшто најде, тие ќе бидат шупливи. Додека пак, смирениот изгледајќи навидум духовно сиромашен, поседува духовно богатство.

Свети Симеон Нов Богослов

Оној којшто многу страда во срцето свое кога го срамотат и го нажалуваат, од ова нека познае дека внатре во себе ја носи древната змија. Според тоа, ако трпи молчејќи или ако одговори со многу смирение, ќе ја расслаби и ќе ја направи немоќна онаа змија. Ако пак, одговара со горчина и ако зборува дрско, ќе ѝ овозможи да излее отров во неговото срце и миговно да ја разјаде неговата внатрешност, така што оваа змија од ден на ден станувајќи со тоа сѐ посилна, ќе ги направи свој плен доброто расположение и силата на неговата несреќна душа, и тогаш таквиот човек ќе почне да живее за гревот и наполно ќе умре за праведноста.