Вселена

Вселенското летоло Касини коe кружи околу Сатурн направи интересни снимки од малата месечина Мимаса, кои веројатно многумина може да ги потсети на играта од 80-те години на минатиот век - Pac-man.

Со сондата е мерена температурата на површината на објектот и направена е мапа на температурните варијации кои изгледаат  како славната игра Pac-man.

Научниците не можат со сигурност да кажат поради што Мимас има такви варијации во температурата, сепак се претпоставува дека станува збор за различна текстура на површинскиот материјал.

Некои текстури можат подолго да држат топлина од други, велат научниците.

Површината на Мимас изнесува 400 километри. На површината на малата месечина се наоѓа карактеристична „лузна“, наречен кратер Хершел, и се споредува со „Ѕвездена смрт“ од Војна на ѕвездите.

Научниците исто така истакнаа дека креирањето на кратерот имало клучна улога на површината на месечината.

Вселенското летало Касини е заеднички проект на вселенската агенција НАСА, Европската агенција ЕСА и италијанската вселенска агенција АСИ. Мисијата на Касини е продолжена до 2017 години.

Метеоролозите беа изненадени од невообичаената снежна бура проследена со удари од громови, што ја зафати Чешка ноќта меѓу неделата и понеделникот, објавија денеска прашките медиуми.

Како што јавуваат медиумите од Прага, според метеоролошките статистики најголем број, односно околу 95 проценти, од бурите  попратени со молњи и громови се карактеристични за летниот период, а последен пат „зимска“ бура во Чешка е забележана во 2006 година.

-  Пресметавме  дека удрија вкупно 3.798 молњи. Невремето донесе и значително заладување, претходно температурата беше четири степени, а по бурата се спушти на минус два степени Целзиусови, изјави метеорологот Дагмар Хонсова.

Ахим Штајнер, шеф на програмата на Обединетите нации за животна средина, УНЕП, вели:

„Живееме на планета на која бројот на жителите за два века се зголеми од милијарда и пол, на шест и пол милијарди, а за 40 години бројот на жителите ќе се зголеми на 9 милијарди. Мора да разбереме дека проблемот на пример не е само недостигот на нафта, туку се ќе биде премалку за светската популација“.

За тоа со што ќе се соочат идните генерации Чарлс Хопкинс професор од Универзитетот Јорк во Торонто, вели:

„Нашите наследници ќе мора да најдат нови решенија. На пример, како на помали обработливи површини да обезбедат храна за 50 отсто повеќе луѓе. Педесет отсто повеќе луѓе ќе мораат да се справат со помалку вода, бидејќи денес ги црпиме праисториските резерви на подземните води. Ќе мораат да живеат без риба, бидејќи морињата се веќе опустошени, а да не заборавиме дека мора три пати да се зголеми производството на енергија, при што нема да смее да се ослободува јаглен-диоксид“.

За американски стандард - четири и пол планети

Во најновиот извештај на независниот вашингтонски Институт „Ворлдвоч“ пресметано е колкав стандард може да издржи планетата. Ако сите шест и пол милијарди жители денес би имале американски стандард, би им биле потребни четири и пол планети, Европјаните се малку поскромни - на нив би им биле доволни три, но и просечниот стандард на Тајланд или Јордан веќе ги надминува можностите на планетата.

Рецептите кои биле во ред, кога на Земјата живееле милијарда и пол до две милијарди луѓе и кога имало доволно ресурси за сите, одамна повеќе не важат. Мора да се менува стопанството, како и односот на секој поединец кога се работи за потрошувачката. Шефот на УНЕП Ахим Штајнер вели:

„Денес постојат работи кои се сосема извесни - нема да можеме мирно да живееме заедно на оваа планета, доколку стопанските модели од 20 век едноставно ги пренесеме во 21 век“.