Македонски фудбал

Најдобриот во првенството и најдобриот во Купот, или поточно шампионот Шкендија и вицешампионот Металург, утре, на "Филип Втори" ја пишуваат историјата. Тие ќе бидат првите актери на Супер купот на Република Македонија кој "сефте" се организира во нашата земја. И покрај неколкуте обиди низ минатото да се одигра еден ваков меч како увертира пред почетокот на шампионатот, сепак, конечно во оваа 2011 година успеано е да се организира мечот на најдобрите од минатото првенство, односно освојувачите на пехарите во шампионатот и во домашното првенство.

ШКЕНДИЈА - МЕТАЛУРГ
Национална Арена: "Филип Втори" во Скопје. Капацитет: 32.580. Почеток: недела, 18:30 ч.

Фудбалерите на Работнички се веќе со едната нога во второто квалификациско коло од Лигата на Европа, откако попладнево на гостински терен со 4-1 ја совлада екипата на Транс Нарва.

"Романтичарите" одиграа одличен меч и се стекнаа со убедлива предност пред реваншот во Скопје. Почетната теренска иницијатива, Работнички ја круниса по само 16 минути игра, кога по прекршокот направен врз Грозданоски, Крсте Велкоски од слободен удар постигна прекрасен гол за водство од 1-0. Домаќините со шутеви од далечина се обидуваа да го загрозат голот на Димитриевски но сите нивни шутеви беа многу непрецизни. 10 минути пред крајот на полувремето по неуспешно поставена офсајд замка, Антон Епикхин изби сам пред Димитриевски и без проблеми израмни на 1:1. Пред крајот на полувремето Естонците имаа шанса и за пресврт, но не ја искористија грешката на Димитриевски, кој за момент ја испушти топката по еден центаршут, но беше доволно концентриран и веднаш ја поправи својата грешка. Вторите 45 минути романтичарите ги одиграа фуриозно и речиси го заверија пласманот во следното коло. По само 5 минути, капитенот Борче Маневски најдобро се снајде во мешаницата пред домашниот гол и успешно стрелаше за 2-1. Овој резултат го принуди домашниот тренер Јагудин да ги изврши трите измени за кратко време, што резултираше и со целосна теренска иницијатива на Транс Нарва, но без ниту една посериозна шанса. Сепак вистинската измена ја направи Горан Петрески, кога при таква игра, на местото на Стојанов го внесе Филип Петковски како трет напаѓач. Токму Петковски по 4 минути поминати на теренот успеа по одлична соло акција да донесе убедливо водство за Работнички од 3-1 и мирна завршница на мечот. Домаќините очајнички се обидуваа да создадат добра акција која би го загрозила Димитриевски, но кога сите очекуваа финиш на мечот, Влатко Грозданоски го постави конечниот резултат на мечот. Велкоски изведе корнер а Грозданоски без проблем со глава го постигна својот деби гол во Работнички за победа од 4-1.

Реваншот се игра на 7. јули во Скопје, а се очекува да биде само формалност и подготовка за двомечот со Јувенес/Догана од Сан Марино.
 

Транс Нарва: Вјалчинов, Римас, Казаков (61' Плотников), Безукорновас, Чекулајевс, Абраменко, Леонтовиш (ж) (55' Фјодоров (ж)) , Григорјев, Кито, Епикхин (ж), Базукин (59' Строкикс)

Работнички: Димитриевски, Богдановиќ, Стојанов (69' Петковски), Ќумбев, Лазаревски, Тодоровски, Вујчиќ, Грозданоски (ж), Петровиќ (82' Мицевски), Велкоски, Маневски (90' Ангелов).

Сега беќе поранешните фудбалери на Тетекс, Срѓан Захариевски и Ненад Мишковски ја променија работната средина.

Ветеранот Захариевски потпиша 1-годишен договор со Металург. Захариевски е петтото засилување за тимот од скопската населба Автокоманда, откако претходно меѓу Металурзи дојдоа младите Петар Љамчевски и Бојан Ѓорѓиевски и српските интернационалци Игор Павловиќ и Горан Драговиќ.

Управата на клубот очекува Захариевски догодина да се приклучи и во стручниот штаб.

Од друга страна, Мишковски се обврза на 2 годишна верност кон Шкендија.

Бараж средбите за пополнување на Првата фудбалска лига на Македонија се одиграа попладнево. Со сигурни победи на средбите во Скопје и Прилеп во елитата ќе играат екипите на ФК Напредок и ФК Миравци.

Резултат:

Напредок - Тиквеш 2-0 (Стадион Ѓорче Петров)

Скопје - Миравци 1-4 (Стадион „Гоце Делчев" Прилеп).

Шкендија ја прослави титулата пред 12.000 навивачи

Шкендија и официјално беше промовирана во нов шампион, а Вардар и Пелистер се простија од прволигашкото друштво по натпреварите од последното коло од Првата фудбалска лига, кое, резултатски, немаше никакво значење. За тетовскиот тим, ова е најголем успех во 32-годишната историја на клубот, кој лани играше во Втората лига. Шкендија го доби победничкиот пехар во спектакуларна атмосфера за наши услови по нерешените 2:2 со Металург, на кои присуствуваа 12.000 навивачи. Прославата потоа продолжи и на улиците на Тетово. Успехот е уште поголем, ако се земе предвид дека на второпласираниот Металург му избега цели 11 бода. Следната сезона, Шкендија ќе игра во Лигата на шампионите.
Металург, сега веќе бившиот првак Ренова и Работнички ќе играат во Лига Европа следната сезона. Како освојувач на Купот на Македонија, Металург ќе стартува во второто коло на Лига на Европа, додека Ренова и Работнички ќе почнат од првото коло.
Скопје и Напредок, пак, ќе играат во баражите за пополнување на Првата лига против трето и четвртопласираниот тим во Втората лига. Пред последното коло, тоа беа Тиквеш и Миравци.

**

Листа на стрелци

Кировски (Скопје) 20
Маневски (Работнички) 19
Хасани (Шкендија) 14
Сали (Шкендија) 12
Темелков (Силекс) 12

Фудбалерите на Вардар, пред својата публика, одиграа нерешено без голови во директниот дуел со најблискиот конк*рент, Скопје, на кого треба да му ја одземат позицијата на табелата, за да обезбедат бараж за опстанок во Првата фудбалска лига на Македонија. И по денешниот меч, Вардар заостанува зад Скопје 5 бода, што сеуште теоретски го остава во игра најголемиот македонски фудбалски бренд, во пресрет на последните три кола од домашниот шампионат, да се избори за задржување на прволигашкиот статус. Секако, Скопје е во многу подобра позиција на крајот да игра бараж за опстанок.

Сега повеќе нема дилеми, Вардар мора да освои 9 бода во преостанатите три рунди до крајот и да се надеваат на грешки на Скопје кој пак секако си има свои пресметки во борбата за позиции.

На врвот од табелата Шкендија го совлада Хоризонт во Турново, а по ремитo меѓу Металург и Работнички, сега на тимот од Тетово му е потребен само уште еден бод за и теоретски да ја обезбеди првата шампионска титула.

Ренова го совлада Тетекс, во меч во кој поразениот тим од 65. минута играше со играч помалку поради исклучувањето на Јовановски, додека Напредок и Брегалница одиграа меч без погодоци.

Пелистер иако имаше предност од два гола против Силекс, сепак на крајот загуби, благодарение на погодокот на Нацев непосредно пред последниот судиски свиреж, а од овој меч за одбележување е и фактот дека двата тима натпреварот го завршија со по десет играчи во поле.

Резултати и стрелци:
Вардар - Скопје 0:0

Напредок - Брегалница 0:0

Пелистер - Силекс 2:3
Талевски 12', Бујчевски 48' - Насевски 64', Заревски 68', Нацев 90'

Работнички - Металург 1:1
Велковски 57' - Миле Крстев 84'

Хоризонт Т. - Шкендија 0:2
Хусеини 35', Хасани (п) 52'

Ренова - Тетекс 4:2
Емини 27', Степановски 48', Исмаили 83', Јанчевски 90' - Сиљановски 33', Столевски 80'.

Табела:
Шкендија 67
Металург 58
Ренова 55
Работнички 52
Силекс 41
Хоризонт Т. 39
Брегалница 38
Тетекс 37
Напредок 37
Скопје 31
Вардар 26
Пелистер 15.

До крајот на првенството останува да се одиграат уште три кола и тоа по следниот распоред:
31. коло
Тетекс - Вардар,
Скопје - Пелистер,
Силекс - Напредок,
Брегалница - Хоризонт Т.,
Шкендија - Работнички,
Металург - Ренова.

32. коло
Металург - Тетекс,
Ренова - Шкендија,
Работнички - Брегалница,
Хоризонт Т. - Силекс,
Напредок - Скопје,
Плистер - Вардар.

33. коло
Тетекс Пелистер,
Вардар - Напредок,
Скопје - Хоризонт Т.,
Силекс - Работнички,
Брегалница - Ренова,
Шкендија - Металург.

Поради редовната седница на Собранието на ФФМ, што ќе се одржи во утрешниот термин за прволигашки мечеви во Охрид, натпреварите од 28. коло во елитниот домашен фудбалски шампионат се одиграа денеска, невообичаено за наши услови.

Фудбалскиот маратон во Скопје започна со дуелот меѓу Работнички и Тетекс во 13 часот, а им припадна на "романтичарите" кои со 2-1 славеа против тетовскиот тим. Во продолжение Вардар и Брегалница ги поделија бодовите играјќи нерешено 1-1. Од овој натпревар за одбележување е и 78. минута од мечот, кога стрелецот на единствениот погодок за Брегалница, Лазар Илиев заработи црвен картон.

Лидерот Шкендија славеше на гости кај фенерџијата Пелистер, додека со нерешен резултат 1-1 заврши и дуелот во Турново помеѓу Хоризонт и Ренова.

Фудбалерите на Металург славеа во Кичево против Напредок, додека Силекс се избори за бод на мечот против скопје во скопската населба Автокоманда.

Резултати:
Работнички - Тетекс 2:1
Глигоров 72', Велковски (п) 92' - Наумовски 88'

Напредок - Металург 1:2
Вренцовски 36' - Илијоски (п) 47', Ејупи 70'

Пелистер - Шкендија 1:3
Дјелил (аг) 84' - Сали 58', Хасани 74', 88'

Скопје - Силекс 1:1
Кировски 4' - Заревски 30'

Хоризонт Т. - Ренова 1:1
Ковачев 75' - Али (п) 60'

Вардар - Брегалница 1:1
Џангаровски 77' - Илиев 34'.

Табела:
Шкендија 61
Металург 56
Ренова 51
Работнички 50
Силекс 38
Хоризонт Т 38
Напредок 36
Тетекс 34
Брегалница 34
Скопје 30
Вардар 22
Пелистер 15.