Состојки
4 јајца
2 чаши од 250 мл. шеќер
1 чаша јогурт
3/4 чаша масло
100 гр. кокос
2 чаши од 250 мл. брашно
1 лажица рум
10 гр. пециво
шеќер во прав за посипување

Загрејте ја рерната на 200 степени. На плех 40х20 см. ставете хартија за печење или намрсете го и побрашнете го плехот.

Јајцата ставете ги во поголем сад за матење.
Додадете го шеќерот и матете со мискер на најголема брзина. Матете додека шеќерот се растопи и смесата почнува да побелува.
Додадете го маслото и јогуртот, изматете уште малку.
Додадете го кокосот, брашното, румот и пецивото.
Убаво соединете со лопатка.
Смесата сипете ја во плехот.
Ставете да се пече.
Печете додека се испече, почнува да добива златно кафена боја. Околу 40 мин.
Оставете малку да се излади и посипете шеќер во прав, исечете парчиња по желба.
Оставете да се подолади и послужете со чај, кафе или млеко. =))

Состојки
1 јајце
1 лажиче пециво
1/2 лажиче сол
1 лажиче шеќер
1 ванила
1 лажиче рум
180мл овошен јогурт
7 лажици полни брашно
масло за пржење и шеќер во прав по потреба

Воздушести, слатки , мали фритули.
Во еден сад се соединуваат малку изматеното јаце, јогуртот, па се додаваат шеќерот, солта, ванилата, румот,се промешува, па се додаваат пецивото ми брашното.
Во тенџере се загрева маслото на среден оган, да не биде јак и се спуштаат со помош на лажиче да се пржат.
Во текот на пржењето сами се превртуваат.
Ги пржеми малку да поруменат и ги редиме на хартиени салфети.
Посипуваме со шеќер во прав и послужуваме.
Јас користев овошен јогурт од шумско овошје.

Состојки
Основа
180гр темно чоколадо
50гр путер
200гр бисквити
Фил
700гр јагоди
300гр шеќер во прав
900гр цврст јогурт (или павлака)
150гр крем сирење
12 листови желатин

Бисквитите ставете ги во една поголема кеса за замрзнување и поминете ги со сукало за ситно да ги издробите. Ако ви е полесно измелете ги во сецко, битно е да не ви останат поголеми парченца бисквити. Јас користев бисквити со какао бидејќи сакав да добијам по чоколадест вкус на основата.
Чоколадото и путерот стопете ги на тивок оган. Во длабок сад измешајте ги бисквитите со чоколадото и путерот.
На тацна за торта ставете еден стабилен обрач/прстен за торта со димензија од 26см.. Ставете ја бисквитната смеса и убаво израмнете ја и натапкајте ја. Ставете во фрижидер.
Јагодите измијте ги и отстранете им го зелениот дел. Ставете ги во длабок сад заедно со шеќерот во прав и измиксајте ги со рачен миксер за да добиете пире.
Од оваа смеса одвојте околу 100мл и тргнете на страна, ќе ви треба за подоцна.
Остатокот од пирето од јагоди измешајте го со јогуртот (или павлака) и крем сирењето. Мешајте со жица за матење додека да добиете еднолична смеса.
Желатинот ставете го во ладна вода да отстои неколку минути додека да омекни. Во едно мало тенџере ставете 4 лажици од пирето од јагоди (она кое го тргнавте на страна), желатинот внимателно исцедете го и додадете го во тенџерето. Загревајте на средна температура постојано мешајќи со жица за матење се додека желатинот да се стопи. Внимавајте, смесата не смее никако да ви зоврие!
Во желатинот ставете 2-3 лажици од смесата со јогурт, измешајте па додатете го сега во смесата со јогурт. Убаво измешајте и потоа рамномерно распоредете ја смесата врз бисквитната основа.
Ставете да отсои 1 час во фрижидер па потоа украсете ја одозгора со остатокот од пире од јагоди.
Тортата треба најмалку 6 часа да отстои во фижидер (а најдобро преку ноќ) пред да ја послужите.

Напомена
Смесата од јогурт е течна, па затоа погоре пишав ќе ви треба некој стабилен обрач за торта, за да не ви истече одоздола. Доколку немате таков, тогаш оставете ја смесата во фрижидер да отстои некое време (околу еден час), и кога ќе почне да се згуснува, распоредете ја врз бисквитната основа. Така може и обичниот обрач од калапот за торти да заврши работа.

Рерната вклучете ја на 170 степени.

Одвојте ги белките од жолчките. Изматете ги белките во цврст шлаг. Ќе знаете дека се готови кога ќе го навалите садот за матење, а белките нема да се помрднат воопшто.

Во друг сад изматете ги пенесто путерот и шеќерот додека не добиете пенеста смеса. Една по една додавајте ги жолчките. Додадете една жолчка, матете додека да се соедини убаво смесата, па додадете ја другата и така за сите 5 жолчки. Потоа додадете го киселото млеко, брашното,пецивото и содата. Убаво измешајте да нема грутчиња и оваа смеса додадете ја во матените белки.
НЕ мешајте со миксер, само рачно со дрвена лажица или шпатула. Ако мешате со миксер, смесата ќе спласне, нема да биде толку сунѓереста.
Мешајте ги белките од надвор кон внатре полека.

Смесата сипете ја во тава за печење и печете 50-60 минути додека не зарумени убаво и кората не стане тврда.
Идеална големина за тава е Ростер тавата на Делимано. Не лепи воопшто и нема потреба да ја намастувате.

Кога ќе се испече колачот, извадете го и оставете го да се олади. Оладен исечете го на парчиња по желба.
Дури тогаш пригответе го шербетот бидејки ладен колач се прелева со врел шербет.
За шербетот ставете ги шеќерот и водата да се варат. Нека провријат 3-4 минути и веднаш прелејте го колачот. 
Доколку целиот шербет се слее на дното, само превртете ги еднаш парчињата наопаку, целото колаче ќе впие од шребетот рамномерно и нема да има потреба да ги превртувате повторно.

Наместо една кора од лимон, јас користев 70ина грама мелени аранчини од лимон по рецепт на наша Љиља. Мирисот... не заменлив! :)

Состојки
500 грама јогурт
200 грама шеќер
400 грама бискоти
1 пакетче суво грозје
150 мл. млеко (за шлаг кремот)
1 чоколадо за готвење
2 банани
1 шлаг крем
1 украсни трошки за колачи

1. Јогуртот заедно со шеќерот го истураме во подлабок сад. Бркаме со лажица.
2. Потоа ги додаваме искршените бискоти. Со рака ги соединуваме бискотите и јогуртот, се додека јогуртот убаво не се впие во бискотите.
3. Го додаваме изренданото чоколадо за готвење и сувото грозје. Мешаме за да се изедначи смесата.
4. Смесата ја ставаме на чинија. Смесата треба да отстои околу половина час во фрижидер за поубаво да и направиме форма.
5. Во меѓувреме го подготвуваме шлаг кремот.
6. Врз тортата ги редиме бананите кои претходно сме ги поделиле на половина по должина.
7. Филуваме со шлаг кремот и декорираме.