Ако сè уште не знаете каков десерт да припремите за претстојните празници, една од опциите е да припремите божиќни ѕвездички со цимет.

Овие ѕвездички совршено се вклопуваат во божиќната атмосфера, и уште поважно – тие се превкусни. 

Оние кои веќе го испробале ваквиот рецепт напоменуваат да не се разочарувате ако ѕвездичките бидат малку тврди по првиот ден по припремата. Сè што треба да направите е да ги складирате во некоја лимена кутија или да ги покриете со фолија, а кога ќе отстојат, колачињата ќе омекнат.

Потребни состојки:

- 3 белки

- 250 гр. шеќер во прав

- 1 ванилин шеќер

- 1 полна лажичка мелен цимет

- 400 гр. неизлупени, сомелени лешници

Начин на припрема:

1. Започнете да ги миксирате белките сè додека не добиете цврст шлаг, а потоа полека додавајте го шеќерот во прав во нив и мешајте.

2. Од добиената смеса издвојте две цели лажици бидејќи ќе ви треба за премачкување на ѕвездичките.

3. Преостанатата смеса миксирајте ја со најмала брзина, во која постепено ќе го додавате ванилиниот шеќер, циметот и околу 150 грама лешници.

4. Продолжете да месите со раце и додадете ги и преостанатите лешници.

5. Површината наросете ја со шеќер во прав и размесете го тестото.

6. Со помош на калапчиња, направете ѕвездички од тестото (олеснете си го процесот со тоа што ќе ги натопите калапите со вода).

7. Ставете ги ѕвездичките во тава обложена со хартија за печење и секоја од ѕвездичките премачкајте ја со белките кои ги одвоивте на страна. Доколку ви се разлеат од страна, само избришете ги со малку вода.

8. Вака подготвените ѕвездички ставете ги да се печат на 140 Целзиусови степени, околу 25 минути.

9. По печењето, оставете да се изладат на собна температура, а потоа складирајте ги во лимена кутија.

Состојки
250 гр путер
3/4 чаша шеќер
1 јајце
3 пакетчиња ванилин шеќер
2 лажици млеко во прав
2 и 3/4 чаши брашно
1/4 лажиче сол
црвена боја за половината тесто
шеќерни бонбони за декорација

Од сите состојки измесете тесто. Одделете половина и во него ставете црвена боја и убаво премесете го. Ставете го во фрижидер 1 час.
Поделете го тестото на мали топчиња (моите беа по 9 гр.) Од секое топче направете ваљаче, па спојувајте по две, едно црвено и едно бело, исучете ги, на врвот превиткајте го да добие форма и редете ги на плех покриен со хартија. Одозгора наросете ги со толчена бонбона, мојата беше црвено-бела со вкус на јаготка.
Печете ги на 180 Ц 10-12 мин

Состојки
Тесто
1/2 пакло путер (125 гр)
100 гр шеќер во прав
2 жолчки
200-220 гр брашно
3 пакетчиња ванила
За желето
300 мл вода
100 гр шеќер
1 пакетче желатин
арома по вкус (моите се со портокал и јаготка)
За декорирање
50 гр бело чоколадо

Направете го тестото од сите состојки и ставете го во фрижидер.
Желатинот ставете го во малку ладна вода.
Ставете ја водата и шеќерот да варат се додека не се намали течноста отприлика на 200 мл. Во половината ставив екстрат од портокал, а во другата половина од јаготка. Нека се излади сосема малку да се желира, ама не целосно за да можете да ги прелиете колачињата.
Од тестото расучете кора (3-4 цм) и вадете форми по желба. Ставете ги на плех покриен со хартија и испечете ги на 170 ц додека малку не поруменат на краевите. Нека се изладат.
По краевите направете им ивица со бело чоколадо. Наросете го чоколадото со кокос. На средината наполнете ги со желатинот. Готово!
Среќни празници!

Состојки
2 чаши бело брашно
1/2 чаша интегрално брашно
30 парчиња свежи урми
3 лажици мед
50 грама суво грозје
2 чаши оризово млеко или вода
100 мл масло
30 гр кокосово масло или путер
2 лажички цејлонски цимет во прав
1 лажица какао
1 лажица сода бикарбона
1 лажица прашок за пециво
200 гр чоколадо со над 60% какао
1 лажичка кокосово масло или путер
1 лажица оризово млеко
1 лажичка масло
Дополнителни фотографии

Двата вида брашно со прашокот за пециво, содабикарбоната, какаото, циметот и медот се мешаат со оризовто млеко или вода. Доколку е потребно се додава уште течност за да се добие не многу густа смеса. Се додава и маслото и растопеното кокосово масло или путер. Се додаваат сецканите свежи урми и сувото грозје. Убаво се меша и се става во правоаголен плех обложен со хартија за печење.
Се пече во претходно загрена рерна околу 40 минути на 200 степени, се вади од рерна и се превртува од обратната страна. Се остава колачот малку да се олади. За тоа време се подготвува чоколадниот прелив. Кокосовото масло заедно со чоколадото и 1 лажица оризово млеко и мало лажиче масло се става на оган да се растопи. Со овој прелив се полива горниот дел од колачот. Се остава да се олади и се сечат парчиња. Добар апетит!