СЕКСУАЛНА ЕДУКАЦИЈА на децата во ера на интернет

Проблемот со нас е што cме индоктринирани со традицијата, религијата, моралот на денот и "научни истражувања", наместо само да се потсетиме на себе си и одговорот на сите прашања да ги најдеме таму.

Изменето од Messenger - 26.Јануари.2015 во 05:14

Амин.

Јас па мислам сите сме на добар правец само од различна гледна точка пишуваме и не се разбираме

Изменето од evangeline - 25.Јануари.2015 во 11:08

Messenger напиша: Зарем може да им се остави на родителите дали ќе говорат за секс со децата? Сите имаме лични искуства дека тоа од повеќе причини не функционирало. А тоа дека сме излегле здрави и прави е само нашa лична проценка. Можеби е така, можеби можело да бидеме подобри, а да не говориме за случаите кои поради неинформираност завршиле лошо или трагично. Општеството треба да воспостави норма на информирање во училиштата која ќе биде независна од решението на родителите дали ќе разговараат за тоа или не.  Само на тој начин ќе може да се гарантира дека децата навремено и соодветно ќе бидат информирани.

И јас сметам како Анастеа дека темава треба да биде во семејство, затоа што сексуалната едукација пред се треба да произлезе од семејството, ама кога ќе дојде тој период на родителите некако им е потешко да ја наметнат таа тема за разговор, а не знам зошто, срам, страв?! 

за тоа дека децата се технолошки напредни... повеќе ми беше кажано во контекс на тоа што го зборите за фејсбук профили, секстинг... и кристално чисто да му објасниш се, и да му забраниш се, пак ќе се најде начин ако се сака... уствари имаш право, тука не се работи за технологија, туку за радозналост и способноста да се разбие

и јас како орка, немам деца и не намеравам да им наметнувам свои лични теории на луѓе кои имаат деца... НО, иако звучи егоистичо, секогаш се ставам себе како пример во овие дискусии
Јас никогаш не сум бил целосно отворен со родителите, и таков сум и денес, ама сепак сум испаднал ок
порнографија открив на 12 години, мастурбација кратко потоа, ама сепак испаднав ок
ја кога бев во овие години, немав ни интернет, ни смартфон, а фејсбук не беше уште измислен, ама затоа овие работи беа достапни во разни други форми
не ми требаше некое специјално посебно образование каде ти објаснуваат што е пенис а што вагина, за репродукција и за сексуално преносливи болести учевме по биологија и верувам дека уште се учи истото
...пробуваа и на мојата генерација да и упикуваат некои такви специјални едукации, ама како и секогаш во историјата на сексуалната едукација, се смеевме и си правевме вицови од тоа

тоа што сакав да го кажам, е дека некаде има потреба од специјални разговори, а некаде нема, нема психолошки шаблон со кој што може да се опфатат децата, и со или без надворешни влијанија, домашно воспитување и образование, од дете може да бидне било што
овие работи не се контролираат

Добро Меси, не мислев јас на еврејските традиции, туку дали има некој поглобален податок, не само за евреите. Ама ОК, статистиките и не се толку важни. Мене поважно ми е ова:

Messenger напиша: А за тоа дали некој ментално и психолошки е зрел или не на 12-13 години е сосем друга работа. Не би навлeгувал сега во тоа за да не ја расплиниме темава, но само ќе речам дека многумина не осозреале цел живот. Патем, сексуалната активност воопшто не зависи од менталната и психичката зрелост.

Напротив, би сакала да ја прошириме темава малку повеќе. Затоа и напишав во воведот дека ќе соберам повеќе сегменти од неа во еден заеднички именител, а ти со твојот коментар допираш точно еден од нив: кога настапува психолошка/ментална/емотивна зрелост кај децата?

И медицински не е точно дека првата менструација, по дифолт значи психолошка зрелост. Како функционира и како се развива мозокот кај децата? Функционира како и  кај возрасните, само што некои делови сеуште му се во фаза на развој, недоразвиени во периодот на адолесценција.

Најпросто медицински, како на немедицинско лице, вака ми беше објаснето: мозокот е исто како куќа на три спрата. Првиот спрат или подрум е дел кој ги регулира примарните биолошки функции и инстинкти, основните потреби за преживувањеи опстанок. Глад, жед, спиење, репродукција, дишење... сето тоа е сместено во подрумот.
Втор спрат, емотивен мозок, во кој се сместени задоволства, емоции, страст, болка, радост, тага , лутина, страв...
Трет спрат, когнитивен дел, во кој е сместен разумот, како што ние си го викаме т.е. способноста за рационално размислување, за анализа и обработка на информации, за носење одлуки, проценка на ризици и последици...

Човекот, споредено со живеењето во ваква куќа на три спрата, најголем дел од секојдневието го поминува на средниот спрат. А за адолесцентите може да се каже и дека не излегуваат од таму. Тој таванскиот дел кај децата во пубертет штотуку почнува да се оформува комплетно, па затоа тинејџерите/адолесценти често носат избрзани, непромислени, импулсивни, штетни одлуки. Тие се водат од својот емотивен мозок, од моменталните задоволства, импулси, желби, возбуда... Се додека тој когнитивен/рационален фронтален дел (кортекс) од мозокот не созрее целосно, детските мозоци си функционираат во ситуација на хормонско бомбардирање.

Улогата на родителите и воспитните лица е да им помогнат на децата да си изградат еден “лифт“ во главата, кој ќе се движи брзо помеѓу вториот и третиот спрат, разменувајќи информации. Т.Е. да се упатат децата на водење внатрешен дијалог помеѓу емотивниот и рационалниот мозок, како некој вид на вежба или игра. На пример:

Емотивниот: Ми се допаѓа тоа, ме возбудува и ќе го направам!
Раицоналниот: Полека, знам дека ти се допаѓа, ама прво размисли што е најдобро за тебе и за другите.
Емотивниот: Што ми е гајле за другите? Ќе го направам и точка!
Рационалниот: Замисли, и на силувачот така не му е гајле за другите. Убаво ќе ти биде да бидеш силуван?.... и такви-ми-ти-прикаски....

Децата вака вежбаат да прават разлика помеѓу ризични и неризични акции и одлуки, да разберат дека секоја одлука и акција носи и последици. Арно ама, како што рече Меси, има и возрасни кои не осозреваат цел живот. Т.е. такви на кои тој третиот спрат, таванот им останува како отворено градилиште низ кое дува промаја. Најлошо е кога ваквите “возрасни“ ќе се спојат некако со хормонизирани адолесценти, тогаш настануваат проблемите. А во денешни времиња, таквите фатални комбинации се уште повозможни и побрзи за остварување. Со само неколку клика...










Изменето од Анастеа - 25.Јануари.2015 во 01:14