ПОТРЕБНИ СОСТОЈКИ:

8 жолчки

8 супени лажици шеќер

1 литар слатка павлака

250 грама Маскрапоне (Маскарпоне може да се купи во добро снабдените продавници но може и лесно да се приготви. За тоа е потребно 1 литар шлаг кој се загрева на 90 °C, се додаваат 5 милилитри лимонова киселина или пропорционално лимонов сок и 10 минути полека се меша дури шлагот не се стврдне. Накрајот, таа маса треба да се завие во крпа и се остава да отстои.)

300 грама пишкоти или бисквитите

4 мали шолји еспресо кафе

50 милилитри ликер по желба ( се препорачува ликер бадеми )

НАЧИН НА ПОДГОТОВКА:

Во подлабок сад со миксер изматете ги жолчките и шеќерот, а во друг сад павлаката и маскрапонето. Потоа двете смеси соединете ги мешајќи со лажица. Во правоаголен сад, со длабочина од 6 до 7 сантиметри, на дното ставете ги пишкотите или бисквитите натопени во претходно измешаните еспресо кафе и ликер.

Смесата од јајцата, шеќерот, слатката павлака и маскарпонето истурете ја преку пишкотите.

Одозгора насипете мелено кафе и колачот оставете го во фрижирдер околу 3 часа пред да го сервирате.

Уживајте!!!

• 3   лажици шеќер
• 1 мала лажица шеќер во прав
• 50 грама шеќер
• 200 грама чоколадо
• 200 грама путер
• 100 грама ореви
• 500 милилитри млеко
• 2 лажици какао
• 10 милилитри вода
• 1   Ванила пудинг
• 250 грама бисквити

Подготовка:

Кора: 100 грама чоколадо искршете и на пареа истопете го со постојано мешање и оставете го на топло.

Пенесто изматете 100 путер со 50 грама шеќер и додајте го истопеното чоколадо.

Во друг сад измешајте 250 грама мелени бисквити, какаото и мелените ореви па додајте ги во смесата со путер и чоколадо.

Додајте 50 грама сечкани ореви и  50 грама млеко за да добиете густа смеса.

Фил: Одвојте 100 милилитри млеко и во него растворете ги шеќерот и прашокот за пудинг. 300 млеко ставете го да зоврие и додајте ја смесата со пудингот.

Сварете густ крем. Омекнатиот 50 грама путер исечкајте го на ливчиња и додадете во малку изладениот пудинг и убаво измешајте.

Глазура: Искршете 100 грама чоколадото, додајте шеќер во прав, 30 грама путер исечен на ливчиња и една лажица вода. Истопете на пареа со постојано мешање.

Редење: Поголем, правоаголен, плиток сад обложете со проѕирна фолија.

Нанесете ја смесата за кора и убаво израмнете. Рамномерно распоредете го филот и нанесете ја топлата глазура.

Садот преку ноќ префрлете го во фрижидер а потоа исечете го на коцки и послужете.

Состојки:

● 1 шолја растопен путер
● 2 шолји мелени бисквити
● 2 шолји шеќер
● 1 шолја и 4 лажици путер од кикиритки
● 150 грама чоколадо

Подготовка:

Во чинија промешајте го растопениот путер, мелените бисквити, шеќерот и една шолја путер од кикиритки и мешајте се’ додека состојките не се соединат. Во микробранова печка растопете го чоколадото и со остатокот од путерот од кикиритки прелијте ја претходно подготвената смеса.

Пред да го пресечете колачот на парчиња, оставете го да се излади барем еден час во ладилник.

Состојки:

300 гр мелени плазма бисквити

250 гр маргарин

260 гр шеќер во прав

100 гр чоколада

250 гр мелени ореви

1 чаша сок од портокал

3 кесички шлаг

Ореви за декорација

Подготовка:

Прва кора: 250 гр мелени ореви, 125 гр стопен маргарин, 130 гр шеќер во прав и малку сок од портокал – се мати и се става во фрижидер за да се стегне.

Втора кора: 300 гр мелени плазна бисквити, 125 гр стопен маргарин, 130 гр шеќер во прав, 100 гр стопена чоколада и малку сок од портокал – се мати и се остава во фрижидер за да се стегне.

На тацна се става првата кора и се обликува по желба. Над неа втората, и врз неа две шлаг ќеси подготвени според упатството на производот.

Декорација: изматете ја третата ќесичка шлаг според упатството и во тоа додадете 3 лажици стопен шеќер мешајќи постојано. Со овој фил украсете ја тортата и на крај декорирајте со сецкани ореви. Вкусно!

Состојки:

300g компир
300g мелени бисквити
200g темно чоколадо
140g маргарин
200g шеќер во прав
1 лажица какао
2 лажици рум (може да додадете и повеќе, по желба)
1 лажица масло
Подготовка:

1 чекор: Сварете го компирот, исцедете го и испасирајте го додека не добиете пире. Додајте му 100g чоколадо и 100g маргарин. Мешајте додека не се растопат од топлината на компирот. Додадете ги мелените бисквити, шеќерот во прав, какаото и 2-те лажички рум.

2 чекор: Формирајте тенок колач кој ќе го сечете на парчиња со дебелина од 2 сантиметри или обликувајте ја смесата со калапи. Оставете ја во ладилник додека го подготвувате преливот.

3 чекор: На тивок оган растопете го преостанатото чоколадо и 40g маргарин. Додадете 1 лажица масло и добро соединете ја глазурата. Извадете ги рум штанглите и прелијте ги или натопете ги во чоколадото. Ставете ги на послужавник и вратете ги во фрижидер уште 1 час.