ТАВ ги презема аеродромите во Македонија

a shto bravo!,...pa, ne go pravi toa za,..k*rovo zdravje,...sekoj shto investira neshto tuka,...toa go pravi ako ima nekoj interes,...a ,ne od ljubov kon ,..zemjata vi !

02.09.2008 16:36
МИА



Единствената пријавена компанија го доби тендерот за изградба и модернизација на трите македонски аеродроми.

Турската компанија ТАВ во наредните 20 години ќе стопанисува со аеродромите во Македонија. Владата и ја додели концесијата.

Во рок од две недели, откако ќе ја добијат одлуката, треба да регистрираат фирма во Македонија. Турската ТАВ беше единствена заинтересирана на тендерот. Останува отворено прашањето дали аеродромите во Скопје и Охрид ќе добијат европски изглед.

Концесионерот е должен комплетно да ги реновира двата аеродроми, но и да изгради карго аеродром во Штип како алтернативен за потребните на цивилната авијација, со можност во иднина да прерасне во главен аеродром во земјава.

И на скопскиот „Александар Велики“ и на охридскиот „Свети Апостол Павле“, Турците треба да ја подобрат комплетната инфраструктура, да изградат нови терминални згради, карго терминали, да ги прошират полетно-слетните патеки.

Турскиот концесионер има искуство во работењето со аеродроми. Оперира со три аеродроми во Турција, вклучувајќи го најголемиот истанбулски аеродром „Ататурк“, како и со три во Тунис и два во Русија, а во тек е изградба во Германија и Каиро.