Дали понекогаш се будите уморни? Дали чувствувате дека ви е тешко да се сконцентрирате повеќе од неколку минути? Иако, најлесно е да се обвинат годините, или недостатокот на сон, одговорот за бистра глава и чисти мисли можеби буквално се наоѓа во чинијата.

Ако внесувате храна која на вашиот мозок му обезбедува доволно витамини и хранливи материи, ќе му помогнете да се „разбистри“.

Еве кои намирници ја растеруваат маглата во мозокот.

Авокадо
Авокадото е добар извор на здрави маснотии и прави чуда во поттикнувањето на циркулацијата. Ова е важно кога станува збор за силата на мозокот бидејќи е поврзано со протокот на крвта во мозокот кој е неопходен за негово нормално функционирање.

Сардина
Есенцијалните Омега 3 масни киселини кои ги има во сардините имаат голема концентрација на DHA масна киселина која е клучна за одржување на здрав нервен систем. Ниското ниво на оваа супстанца го зголемува ризикот од Алцхајмеова болест и губење на помнењето. Оваа риба исто така содржи и јод кој помага да се одржи менталната бистрина.

Интегрални жиратици
Ова се намирници кои ја подобруваат циркулацијата и помагаат да се одржи нивото на глукоза во крвта, а што е постабилно нивото на глукоза во крвта, полесно се концентрираме. Поради ова е важно да појадуваме, бидејќи овој оброк не го придвижува само метаболизмот туку и го одржува нивото на шеќер во крвта избалансирано.

Шеќер
Шеќерот му е омилена храна на мозокот и извор на гориво, но пред да посегнете по омиленото благо сетете се дека глукозата е она што му треба на вашиот организам. Чаша сладок пијалак многу бргу ќе ви го прочисти умот и ќе ви помогне да се сконцентрирате. Сепак премногу шеќер може да резултира со успорување на меморијата, па затоа бидете умерени.

Кофеин
Исто како и шеќерот и кофеинот ја подигнува мозочната активност, но ако се претера со него, би можел да влијае на менталното здравје. Кофеинот кој го има во кафето, чоколадото, енергетските пијалаци и некои лекови, го дава она препознатливо чувство на разбуденост. Имајте предвид дека неговите ефекти се краткотрајни, а ако претерате мозокот може да се префорсира и да ве направи повеќе напнати, отколку способни бргу да размислувате.

Јаткасто овошје и семки
Ова е одличен извор на витамин Е кој делува когнитивните способности со годините помалку да опаѓаат. Добра порција на витамин Е треба да делува многу позитивно на меморијата. Други одлични извори на витамин Е се зелениот зеленчук, интегралните житарици, јајцата и жолтиот ориз. Семките од тиква исто така ја згоелмуваат силата на мзоокот, а со нив се внесува и дневната доза на цинк кој исто така помага при размислувањето.

Боровинки
Боровинките и јагодите содржат антиоксиданси кои ги штитат невроните на мозокот од оштетување, градат рецептори за комуникација помеѓу мозочните клетки и од мозокот го исфрлаат вишокот. Боровинките содржат и витамин Ц кој веќе подолго време се смета за поттикнивач на менталната агилност.

Жалфија
Жалфијата одамна има репутација на голем сојузник на мозокот и меморијата. Иако се препорачува да се проба масло од жалфија, неговата употреба во исхраната во сите облици, нема да ви наштети.

Домат
Ова растение содржи ликопен, силен антиоксиданс кој штити од слободни радикали кои со своето дејство на клетките од мозокот може да го забрзаат развојот на деменција, особено Алцхајмерова болест.

Брокула
Брокулата е одличен извор на витамин К кој е познат по тоа што ги поправа мозочните функции и ја зајакнува мозочната активност.

Незадоволни сте од состојбата на вашиот организам? Ако конечно одлучивте дека наутро ќе применувате барем еден здрав ритуал, одбере тоа да биде нешто лековито и нешто што не одзема премногу време – чаша топла вода со лимон.

Кои се предностите на овој пијалак?

Го зајакнува имунитетот. Овој пијалак е богат со витамин Ц и калиум кој ги стимулира мозочните и нервните функции и го регулира крвниот притисок.

Ја регулира pH вредноста. Лимонот е алкална храна. Да, на вкус можеби е и повеќе од кисел, но во нашите тела тие не создаваат додатна киселост.

Помага при слабеењето. Лимонот е богат со пектин, кој меѓу другото, ја смирува потребата за храна.

Го забрзува метаболизмот. Топлата вода служи за забрзување на метаболизмот, а лимонот и лиметата имаат големо количество на витамини и минерали кои помагаат за исфрлање на токсините.

Ја чисти кожата. Витаминот Ц помага да ги намалите борите и неизедначениот тен. Лимонот и водата се одлични производи кои ги чистат токсините од крвта и ја чуваат кожата здрава.

И што е најважно, ваков хидратантен почеток на денот секој може да си дозволи. Затоа, секое утре започнувајте го на овој здрав начин и резултатите ќе ги забележите по само неколку недели.

Ако овие денови повеќе од сè ве радува храната и зачестените оброци пред телевизорот или омилената фотелја, немојте да чувствувате грижа на совест.

Секој заслужува гурманска пауза, особено во кругот на најдрагите и најблиските. А за да може да си дозволите уште малку колачи и солени деликатеси од празничната маса, ви предлагаме чаша освежителен напиток кој ќе ви го разбуди телото и ќе ви помогне во варењето на храната.

Во тоа ќе ви помогне освежителниот портокал.

Детокс сок од портокал со лимон и мед

• 4 исцедени портокали
• 1 чајна лажичка лимонов сок
• 1 чајна лажичка со мед

Детокс фрапе од портокал

• 2 исцедени портокали
• 200 мл јогурт
• 1 банана
• 1 чајна лажичка лимонов сок
• 1 чајна лажичка со мед
  
  

Пробајте, па споделете! :)

Урмите: идеална храна и лек



Урмите и пренаталниот период


Тие се дефинитивно „круна на слатките“. Научни експерименти докажано е дека урмите содржат стимуланси кои ги зајакнуваат мускулите на утерусот во последните месеци од бременоста. Ова го помага ширењето на утерусот во моментот на породувањето од една страна и намалување на крварењето по породувањето од друга.
Урмите го стимулираат утерусот преку негово регулирање и ги забрзуваат контракциите за породување. Утерусот е релативно голем мускулен орган и итно бара адекватно снабдување со природен шеќер во текот на породилните болки и породувањето. Како лаксативи, урмите се многу важни за бремени жени пред породувањето заради прочистување на дебелото црево и го помага породувањето.

Диетичарите ги сметаат урмите за најдобра храна за жените кои треба да се породат и оние кои дојат. Тоа е затоа што урмите содржат елементи кои помагаат при ублажување на депресијата кај мајката и го збогатува млекото со сите елементи потребни за детето да биде здраво и отпорно на болести.
Пратеникот (с.а.в.с) го нагласил значењето на урмите и нивната ефективност при растот на фетусот. Исто така препорачал да им се даваат на жените.

Храна и медицина за децата

Урмите содржат природен шеќер кој лесно се апсорбира и вари, така, тој е безбеден и погоден за стомакот и цревата на децата. Сокот од урми е посебно корисен доколку го мешаме со млеко при што станува уште похранлив и обновувачки пијалок за деца и возрасни. Мешавина на урми и мед се користи во третирање на дијареа и дизентерија кај децата но треба да се зема три пати на ден.
Оваа мешавина исто така ги зацврстува непцата во текот на растење на забите.
Овде треба да ја напоменеме традицијата на Пратеникот (Ал Тахнеек) т.е триење на непцата на новороденчето со добро изџвакана урма и хранењето со неа. Науката потвдрила дека давањето на шеќер растворен во вода го обезбедува детето, новороденчето со потребната хранливост и го подобрува нивниот имунитет.
Бидејќи знаеме дека шеќерот во урмите најлесно се апсорбира и вари, затоа е најпогоден за хранење на новороденчиња но урмата треба да биде добро изџвакана или натопена во вода за да полесно ја прими новороденчето. Ова докажува дека Пратеникот Мухамед (с.а.в.с) ги надминал денешните доктори во ваквиот начин на хранење. Тоа не е чудо, бидејќи тој е Божји Пратеник.



Ефективна терапија за тврда столица (констипација)

Урмите се користат при проблеми со варењето и со цревата и воедно помагаат во поефективно извршување на нивната функција. Тие се користат и при констипација. Тие треба да се потопат во вода преку ноќ и да се консумираат следното утро откако ќе се направи убав сируп.




Лек за сексуална ослабеност

Сирупот од урми служи и како лек против слабо срце. Како и за терапија на сексуална истоштеност. Кога ќе се помеша со млеко и мед, урмите може да служат како тоник за третирање на сексуална немоќ за двата пола, а таквиот сируп го зајакнува телото и го покачува нивото на енергија.
И постарите ќе се окористат од овој сируп бидејќи истиот ја подобрува кондицијата и го ослободува телото од токсините акумулирани во клетките низ годините.

Идеална храна за оние што постат

Многу е чудно што докторите од западот кои ги лекуваат своите пациенти преку постот ги советуваат да го користат природниот шеќер содржан во овошјата и вода кога го прекинуваат постот. А кога ние знаеме дека урмите содржат висок степен на таков лесно-апсорблив шеќер оттука урмите и водата се најдобрата храна за постачот.
Да се потсетиме на хадисот од Пратеникот (с.а.в.с): „Кога некој од вас ќе престане да пости треба да јаде урми, бидејќи урмите се благослов, доколку не најде урми тогаш да се напие вода бидејќи водата прочистува“ (пренесен од Ебу Давуд). Оттука можеме да видиме дека Пратеникот (с.а.в.с) ни ги покажал принципите на ефективното постење, со јадење урми и пиење вода за доручек т.е пред да се започне постот, векови пред Западот.
Мудроста на Пратеникот во ваквото консумирање на урми може да е намалувањето на чувството за глад а последователно и намалување на количината на консумираната храна; така, постењето би било ефективно и корисно. А ако се потсетиме дека постењето е најдоброто оружје за исфрлање на токсините од телото, тогаш јадејќи урми (toxin - restive) кога го завршувате постот претставува најефикасен трeтман против слабост и истоштеност како резултат на акумулираноста на токсични хемикалии и тешки метали во клетките на телото.



Урмата губи 1/3 од сопствената содржина на вода кога се суши на сонце. Сушените урми содржат висок процент на природен шеќер, оттука тие се најдобра храна за постачот

Лечење на дебелината

Широката разноликост на хранливи елементи во урмите ги прават да заситуваат! Кога знаеме дека причината за дебелината е постојаното чувство на глад и апетит за храна што го тера човекот да конзумира поголеми количини на масти и шеќер. Така, лечењето со користење на неколkу урми кога се чувствувате гладни помага во намалувањето на гладта и се чувствувате полни. Урмите ќе го обезбедат телото со потребниот шеќер и ќе го стимулираат интестинот кој го намалува гладот и консумацијата на храна. Хадисот на Пратеникот вели: „Куќа во која има урми не чувствува глад.“ (Муслим)
Можеме да заклучиме дека урмите можат да се користат како третман против дебелеењето.

Лек против воспаленија

Урмите се лек за џигерите и ги ослободуваат од токсини, со прекинување (завршување) напостот со урми, е најчудесниот природен лек за одржување и ослободување на џигерот од акумулираните токсини. Исто така пиејќи сок од урми се користи во лекување на суво грло, различни типови на треска, ринорхија (нос што тече) и настинка.

Лек против затруеност

Урмите се одличен лек за алкохолна предозираност. Во такви случаеви, пиењето вода во која свежи урми се истружени или потопени и носат брзо олеснување. Да споменеме еден од хадисите на Пратеникот: „Кој изеде 7 стиснати урми наутро нема да може да биде зафатен од сихр(магија) или од труење тој ден“ пренесен од Ебу Давуд.
Ако подлабоко го разгледаме хадисот од медицински аспект, можеме да ја уочиме неговата извонредност:


1) Пратеникот (с.а.в.с) го кажал бројот 7. Овој број има значење во универзумот, Куранот и во традицијата на пратеништвото. Доволно е да се знае дека првиот број споменат во Куранот е бројот 7.


2) 7 урми, приближно тежат 70 грама што обезбедува доволен внес на широк опсег на минерали, соли и витамини за телото.


3) Оваа количина е доволна да го ослободи телото од акумулираните токсини во ќелиите; како и тешките метали, оловото на пример. Таложењето на токсини во денешно време се накачува како резултат на широкораспростанетото загадување на водата, воздухот и храната.


4) Хадисот јасно укажува на токсините кои влегуваат во телото (како отрови). Тоа исто така укажува дека јадењето урми ја намалува опасноста таквите токсини да му наштетат на телото.


5) Што се однесува до зборот сихр (магија), само Аллах знае што мислел со тоа.


6) Хадисот не подразбира дека земањето отров после јадење на седум урми ќе ја поништи неговата штета, всушност правејќи го тоа намерно се смета како саможелно повредување а тоа е забрането во исламот. Мораме да сфатиме дека хадисот означува дека јадејќи седум урми секое утро се редуцира штетниот ефект на загадувачите. Со цел да се направи процесот поефективен, треба да се одржува постојаноста на јадење 7 урми наутро. А од хадисот се разбира дека јадењето урми секој ден и во одредено време ќе влијае позитивно на нашата психичка стабилност, а само Аллах ја знае вистината.

Драг вернику, ако се чувствуваш слаб, не се двоуми туку земи 7 урми наутро како што препорачал Пратеникот (с.а.в.с). Тие седум урми тежат околу 70 грама, па ако ги земеш автоматски примаш 70 мг калциум кој е добар за коските, зглобовите и нервите, 35 мг фосфор кој е храна за мозокот и 7 мг железо кое ги зајакнува телото во целина а особено срцето.

Исто така се погодни во намалување на тежината бидејќи содржат 0,25 г масти. Така, ако страдаш од дебелеење, тогаш овој оброк е погоден за тебе. Оваа храна ja регулира и стимулира работата на цревата преку 10 гр диететски влакна кои ги содржи.

Мерјем (Дева Марија), мајката на Иса а.с јадела урми кога почувствувала породилни болки и за време на породувањето. Аллах џ.ш во Куранот, во сура Мерјем вели: „и породилните болки ја присилија да дојде до стеблото на една палма...“ (23), ...„и мелекот кој беше подолу од неа, повика: „Не жалости се, Господарот твој даде подолу од тебе, поток да потече. (24), „Затреси го палминото стебло, и по тебе ќе паднат урми свежи, (25), „јади и пиј и биди весела.“ (26).

Современите Диететски Институти денес ги препорачуваат урмите за деца кои се нервозни или хиперактивни. Пратеникот (с.а.в.с) исто така ги препорачал урмите за срцеви проблеми, според одредени записи. Модерната наука исто така ја докажала ефективноста на урмите во превенцијата на болести на респираторниот систем.

Аиша р.а, жената на Пратеникот (с.а.в.с.), препорачувала урми за оние кои страдале од вртоглавица. Добро е познато дека падот на нивото на шеќер во крвта и нискиот крвен притисок се меѓу причинителите на вртоглавица. Исто така е забележано дека таа ги комбинирала урмите со краставица заради својата слабуњавост. Таа рекла: „тие ме задебелуваа давајќи ми се. Но не станував дебела. Потоа тие ме задебелуваа заедно со краставица и зрели урми и тогаш добивав на килажа!“ Аиша била навистина во право, бидејќи знаеме дека 1 кг урми содржи приближно 3 000 калории кои се доволни за снабдување на минималните дневни потреби на активен маж за еден цел ден.

Урмите го одржуваат и здравјето на очите. Многу се корисни против ноќното слепило. Во раните години на исламот, урмите се служеле како храна за муслиманските борци. Тие ги носеле во специјални торби обесени настрана. Тие се најдобар стимуланс на мускулите па така и најдобра храна за борец кој самошто не влегол во битка.

Пратеникот (с.а.в.с.) понекогаш ги комбинирал урмите со леб. Понекогаш мешал зрели урми и краставица, или урми со течен путер. Тој ги користел сите видови на урми но ја преферирал врстата Aџва.

Па, зарем нема да кажете ДА на советот од Пратеникот?!

http://www.povikkonvistinata.org/islam/index.php?option=com_content&view=article&id=385:2011-11-16-01-37-16&catid=59:2011-10-07-12-40-14&Itemid=104

Неговото величество-Доматот!

Содржи витамини ,растителни влакна ,мноштво други хранливи материи и најважно, го содржи најмоќниот антиоксиданс-Ликопен.

Внесувањето на 6 милиграми дневно ликопен( два просечни домати) ,може многу поволно да се одрази на здравјето.
 Консумацијата на дневната доза има делотворно дејство кај одредени типови на  карцином  и го штити кардиоваскуларниот ситем ,намалувајќи ја оксидацијата на липиди во крвта(оној  лош холестерол) и на тој начин спречува таложење на наслаги во крвните садови,што по автоматизам ризикот од коронарни болести е сведен на минимум.
Летото е негово годишно време ,затоа уживајте и црпете здравје од вкусот на овој прекрасен црвен заводник!!!

Зошто е здрава бананата?

Бананите се природни складишта на енергија. Бананите се богати со многу корисни состојки, кои ни помагаат да останеме во добра форма, но и да го спречиме настанувањето на огромен број болести. Бананите се одличен оброк за почеток на денот. Ако наутро изедеме една банана со чаша млеко и едно парче интегрален леб, тоа ќе ни даде доволна енергија за почеток на новиот ден. Исто така, може да се прави и „milk shake“ од банана. Но, енергијата не е единственото нешто што ни го даваат бананите. Тие ни помагаат да останеме во добра форма. Може да ни помогнат во превенцијата на многу заболувања. Содржат и многу витамин Б6, кој го зајакнува природниот имунолошки систем кај човекот. Бананата дава моментална енергија. Истражувањата покажале дека со консумирање на само две банани дневно се обезбедува енергија доволна за 90 минутна напорна работа. Бананите се добар извор на магнезиум. Магнезиумот има многу важна улога во врзувањето на калциумот во коските и во опуштањето на мускулите. Тој учествува и во регулирањето на срцевиот ритам и го намалува нивото на холестерол во крвта. Овој олигоелемент го регулира работењето на цревата, посебно во случај на постоење на запек. Кај трудиците, магнезиумот ја намалува опасноста од спонтан абортус и предвремено породување. Бананите се природен лек против нервозата и депресијата Бананите содржат големи количини Б витамин, кој го смирува нервниот систем. Витаминот Б6, кој го има во ова овошје го регулира нивото на шеќерот во крвта, кој пак влијае на расположението. Бананата помага и при депресијата. Триптофанот, кој се наоѓа во бананата, е вид на белковина која телото ја претвара во серотонин, кој е одговорен за доброто расположение. Бананите се природен лек против срцевите заболувања и високиот крвен притисок Бананите се полни со калиум, па затоа се одлични за намалување на крвниот притисок. Калиумот е минерал кој помага во нормализирање на отчукувањата на срцето, испраќа кислород до мозокот и ја регулира количината на вода во телото. Бананата е богата со калиум, а содржи малку сол, што ја прави совршен лек за оние кои имаат висок крвен притисок. Кога сме под стрес, нашиот метаболизам се забрзува, па нивото на калиум се намалува. Рамнотежата може да се врати со бананата. Бананата е природен лек за слабокрвноста Бананата е богата со железо и го поттикнува создавањето на хемоглобинот во крвта. Со тоа бананата помага при анемија, а калиумот од бананата ја поттикнува концентрацијата и помнењето. Бананата е природен лек за гастрит и чир на желудникот Бананата е единственото свежо овошје кое може да го земаат лицата со хронични болести на системот на варење, без да тоа предизвика некои последици кај нив. Напротив, бананата е корисна за подобрување на работата на цревата, ја намалува желудечната киселината, а со тоа и ја штити слузницата на желудникот од оштетување............