7 едноставни совети за подолг живот

Ситниците живот значат. Не мора секогаш да правите радикални пресврти во животот за да го подобрите вашето здравје и квалитет на животот. Неколку навистина едноставни совети можат да ви помогнат да избегнете здравствени незгоди, како срцев удар во вашите четириесетти години, и да уживате во длабока старост.

Чај секое утро

Топлиот чај го намалува ризикот за појава на тумор на бубрезите за 15 проценти, се наведува во истражувањето објавено во списанието International Journal of Cancer. Особено здрав е чајот „Pu-erh “, кој потекнува од Кина и е многу поефикасен од зелениот или црниот чај кога станува збор за превенција на оштетување на ДНК структурата.

Спијте умерено

Премногу долг или недоволен краток сон може да влијае навистина лошо на вашето здравје. Едно британско истражување потврди дека повеќе од девет и помалку од шест часа сон дневно го зголемува ризикот за смрт од било која болест. Идеална должина на спиењето е од седум до осум часа.

Навалете се

Со право седење под агол од 90 степени му вршите притисок на вашиот ’рбет. Едно шкотско-канадско истражување наведува дека идеална поза за седење е кога сте благо навалени наназад, односно 45 степени од вертикалната положба.

Пијте вино и останете слаби

Полифенолите, состојки на црвеното вино, му помагаат на вашето тело во блокирање на апсорпцијата на мастите. Општо е познато дека умерената консумација на црвено вино благотворно делува на здравјето, како и на превенција на срцев и мозочен удар.

Проверувајте ја тироидната жлезда

Неправилното функционирање на тироидната жлезда го зголемува ризикот од разни заболувања за дури 65 проценти, пишува American Journal of Medicine. Со едноставна крвна анализа можете да ги проверите нивоата на хормоните на оваа жлезда.

Брокулата гответе ја на пареа

Едно неодамнешно италијанско истражување откри дека термичката обработка на брокулата на пареа ја зголемува концентрацијата на глукосинолат (ефикасна состојка за борба против ракот) за 30 проценти. Спротивно, со готвење, односно варење на брокулата, истата состојка се намалува.

Истегнувајте се

Гените во организмот кои се поврзани со срцеви болести, дијабетес или прекумерна тежина, може да се „активираат“ доколку седите во една положба со часови. Правете пауза на секој час или два и благо истегнете се. На тој начин ја подобрувате циркулацијата, а со тоа и општата состојба на организмот.

Кофеин за концентрација

* За смиреност и олабавеност - јадете тестенини, компири и други продукти богати со јагленохидрати, зашто таквата храна го зголемува количеството на триптофан во крвта. Таа аминокиселина во мозокот се преработува во серотонин, материја што го подобрува расположението, апетитот и мирниот сон.
* За бистри мисли - јадете немрсна храна богата со белковини (риба и бело месо), зашто содржи тирозин, аминокиселина која се поврзува со менталната будност.
* За итна концентрација - кофеинот од кафето и чајот го стимулира нервниот систем, ги забрзува реакциите и ја подобрува концентрацијата, но сето тоа трае мошне кратко.

Кората од лимон против главоболка

Постои едно старо руско средство: одделете ја лимоновата кора од белиот, меснат дел. Оставете ја само жолтата кора. Со влажната страна ставете ја на слепоочниците. По некое време, на кожата ќе се појави црвена дамка. Наскоро болката ќе помине.

Чаша пиво на ден е здрава и не нè дебелее!

Во последните години пивото се означува како производ кој дебелее, во што и има вистина, но ако умерено се консумира, омилениот пијалак нема да му наштети на вашиот организам, туку ќе го направи токму спротивното.

Имено шпанските научници велат дека една чаша пиво на ден може да го намали ризикот од дијабетес и висок крвен притисок, а може да помогне и во слабеењето. Во истражувањето кое го носеше името „Пиво, медитеранска исхрана и кардиоваскуларни болести“ учествуваа 1.249 жени и мажи постари од 57 години.

Откриено е дека луѓето кои преферираат т.н. медитерански начин на исхрана со една чашка пиво дневно нема да се здебелат, туку ќе ослабат. Научниците велат дека пивото е одговорно за дебелеење само кога се консумира во големи количини и кога со него се консумира тешка храна со многу калории.

- Ова истражување конечно ќе засени еден голем мит. Сега знаеме дека не можеме да го обвинуваме пивото за дебелеење. Секако за да се здебелите потребно е да пиете пиво, јадете колбасици и грицкате чипс, но една чаша пиво не е одговорна за вишокот на килограми, истакна Роса Ламуела која работела на истражувањето.

Визуелно ...
дали знаете зошто треба да прекинете со пушењето!!??!!



Изменето од bijonse1 - 07.Декември.2010 во 18:16

Дали знаете зошто имате многу крвави и болни менструални циклуси...
можеби имате ендометриоза !??!!

За прв пат ендометриозата е опишана во 1870 година од страна на Рокитански...ендометриозата се дефинира како ектопичен ендометриум или постоење на ендометиотична слузница на место на кои нормално ја нема...ендометриум е слузница која го обложува  кавумот на матката и  е под циклични хормонски влијанија што доведува до менструални крваења...

     
Ендометриозата во однос на етиологијата е се уште неразјаснета. Денес постојат нови  теории за начинот на настанување на ендометриозата од кои спрема  една ендометриозата е автоимуно заболување, а спрема друга теорија се работи за мултигенетско мултифакторијелно заболување поради појавување на болеста меѓу крвни сродници... во однос на симптоматологијата ендометиозата најчесто е главна причина за појава на хронична пелвична болка , како и за појава на инфертилитет, неплодност кај жените поради нарушување на тубооваријалниот комплекс и настанување на атхезии, и поради хормонски и ендокрини нарушувања доведува до нарушување на транспортот на јајната клетка, сперматозоидите, намалување на рецептивноста на ендометриум, како и зголемување на процентот на спонтани абортуси... класификацирана во четири степени. Дијагнозата се поставува во најголем број на случаи  лапароскопски. Во 1990 година лапароскопски се дефинирани три ентитети, ендометриоза на перитонеум, ендометриоза на овариуми и ретроперитонеална ендометриоза или аденомиоза. Перитонеална ендометриоза се дефинира преку постоење на ендометриотични жаришта кои можат да бидат модро сиви, темно кафеави, светло жолто, непигментирани, во облик на папули, везикули, петехии, во облик на пеитонеални дефекти и сл. Ендометриозата на овариуми може да биде суперфицијална (површинска) или во облик на ендометриотични цисти така наречени чоколадни цисти.   Третманот може да биде медикаментозен, конзервативен и оперативен:   Медикаментозен третман со користење на орална контрацепција, гестагенска терапија или аналози на гонадорелин ослободувачки хормон (ГнРХ)Оперативен третман во кој предност се остава на лапароскопските операции. Лапароскопски третирање на перитонеалната ендометиоза подразбира ласер вапоризација, ексцизија на енометриотичните жаришта или  ендокоагулација  на жариштата.   Кога се работи за оваријална ендометриоза доколку е површинска се прави ендокоагулација, а доколку се работи за ендометриотични цисти се прави аспирација на содржината по што следи екстирпација на псеудокапсулата. Третманот пред се зависи од големината на цистата. Лапароскопскиот третман е метод на избор кај ендометриоза од прв и втор степен.
Ендометриоза е состојба при која клетките на внатрешниот ѕид на матката се одвојуваат од неа и растат вон матката. Кога тие клетки се во нормална состојба растат во матката во моментот кога нивото на естрогените (женски полови хормони) е високо. На тој начин овие клетки помагаат обвивката на матката да се подготви за бременост бидејќи тие служат како гнездо во кое ќе се смести оплоденото јајце. Ако не дојде до бременост, обвивката се кине во моментот кога нивото на естрогените е намалено и доаѓа до крвавење - менструација....

Во случај на ендометриоза овие клетки може да се закачат на разни места во телото. На пример, во јајниците, мочниот меур, цревата, лигаментите, слепото црево и др. И клетките што растат вон матката раснат кога нивото на естрогените е високо, а крварат кога нивото на естрогените е ниско. Кога ендометриското ткиво расте вон матката, во моментот на крварењето, крвта не истекува надвор, туку останува внатре и создава цистични формации, лузни и други оштетувања на органите каде што се закачиле клетките. 
За причините за настанување на ендометриозата постојат повеќе теории. Според некои научници, до неа доаѓа кога крвта од менструацијата тече во спротивна насока наместо надвор. Според други, клетките од обвивката на матката мигрираат низ лимфните канали и се имплантираат вон матката. Присутна е и генетска предиспозиција за неа, а како причина се наведува и слабиот имунолошки систем кај некои жени. Постојат студии што докажуваат дека до ендометриоза доаѓа поради изложеноста на организмот на жената на хемиската супстанција диоксин, која се наоѓа во пестицидите и од други причини. Главните симптоми на ендометриозата се слаби или силни болки и крвавења. Болките се јавуваат како резултат на воспалителните процеси и при создавањето лузни на местото каде се појавила ендометриозата. Болките можат да се јават и пред менструацијата, за време на сексуалниот однос или во било кое време во текот на месецот.
Други симптоми може да бидат: инфекции на мочниот меур или хроничен умор. Дијагнозата ја даваат исклучиво специјалистите - гинеколози на редовните гинеколошки  прегледи
                          

СИМПТОМИ НА ЕНДОМЕТРИОЗА...Еден од главните симптоми е болка во долниот дел од стомакот, малата карлица или во долниот дел од 'рбетот. Јачината на болката која ја чувствува жената не е поврзана со степенот на раширеност на еднометриозата. Некои жени чувствуваат силна болка, иако ендометриозата е малку застапена, некои пак не чувствуваат болка, а може да имаат зафатено многу поголема површина.
Воглавно може да се јават следните симптоми:

• Екстремно болна менструација, при што болката со текот на времето може да станува се посилна.
  
• Хронична болка во малата карлица или долниот дел на 'рбетот.
  
• Болка за време на сексуални односи.
  
• Болка во цревата.
  
• Болно мокрење на време на менструацијата.
  
• Обилна менструација.
  
• Крварење помеѓу две менструции или спотинг (благо точкасто крварење) пред добивање на менструација.
  
• Неплодност.

Ендометриозата може да се појави кај било која жена од периодот на добивањето на првата менструација, па се до менопаузата. Понекогаш може да се случи да продолжи и после менопаузата.
Сепак единствен начин да се дијагностицира ендометриозата со 100% сигурност е дијагностичка лапароскопска операција. При оваа операција се прави мал рез на стомакот, преку кој се внесува црево со многу мала камера. На овој начин хирургот визуелно може да го види евентуалното присуство на ендометриоза и да се земе примерок од ткивото кој ќе се даде на испитување. Ако се работи за случај на блага или умерена ендометриоза, лекарот при истата операција може да изврши и нејзино отстранување. Околу 30-40% од жените со ендометриоза се соочуваат со неплодност. Сепак некои жени и покрај ендометриозата зачнуваат без проблем. Доколку жената која боледува од ендометриоза забремени, најчесто симптомите и болеста се повлекуваат.
Ендометриозата може да предизвика неплодност на повеќе начини:

• Ендометријалните израстоци, лузни или цисти околу јајниците може да ја оневозможат јајце клетката да влезе во јајцеводите.
  
• Ендометријалното ткиво во јајниците може да ја оневозможи овулацијата.
  
• Ако ендометријалното ткиво се формира во јајцеводите, може да ги направи непроодни.
  
• Матката може да не биде во состојба да го прифати ембрионот.

Третманот на оваа болест ќе зависи од повеќе фактори: напредокот на болеста, возраста на пациентката, присуството на болка, дали пациентката се обидува да забремени ит.н. Некои третмани кои може да помогнат во борбата со оваа болест ја намалуваат плодноста на жената, така да треба да се земат во предвид сите фактори. Најчесто во третирање на ендометриозата се користат:
Лапароскопска операција за да се одстрани ендометријалното ткиво, прираслици, цисти, лузни ит.н. Најчесто ова не е траен лек, затоа што болеста може повторно да се врати. Кај некои жени зголемената плодност после оваа операција трае до 9 месеци.
ИВФ третман. Најчесто се користи после лапароскопската операција, но понекогаш и без операција. Се состои во тоа што со хормонска терапија се предизвикува контролирана хиперстимулација на јајниците и создавање на повеќе јајце клетки. Кога ќе созреат јајце клетките се вадат со посебна игла (следено на ултразвук) и во сад се мешаат заедно со сперматозоидите на мажот. После неколку дена, една или повеќе оплодени јајце клетки се враќаат во матката. Ин витро методата е доста успешна во случај на ендометриоза.
Против болка се користат разни медикаменти или промена на начинот на исхрана и воведување на дополнителна физичка активност.
Доколку жената не се обидува да остане бремена може да се користи хормонална терапија, за спречување на овулцијата или менструалното крварење. Најчесто по престанокот на земањето на терапијата се враќа плодноста, но и ендометриозата заедно со сите нејзини симптоми.
Понекогаш во случаи на тешка ендометриоза, како последен избор, но само доколку жената нема намера повеќе да раѓа, може да се изврши и хистероктомија – односно отстранување на матката. Во зависност од зафатеноста на оклоните ткива, заедно се матката може да се изврши и отстранување на јајниците и јајцеводите. Сепак дури и овакви драстични зафати не се гаранција дека болеста нема да се врати.
Со започнување на менопаузата кај повеќето жени болеста се повлекува.
Иако лекарите при дијагностицирање ендометриозата препорачуваат медикаментозна или друг вид терапија, корисно е да се побараат и разни природни решенија, вклучувајќи го и променетиот режим на исхрана за да се ублажат симптомите, тегобите, па дури и да се дејствува превентивно за да не дојде до неа.



Изменето од bijonse1 - 28.Ноември.2010 во 13:58

Ова би го рекла чудно но вистинито …медицински феномен …елка пораснала во градите..
Младич д 28 год од државата  Udmurtia се жалел од силни градни болки препратена со тешка кашлица и крвни испљувок така да му се дијагностицирало некоја форма на cancer  на гради …

           

Но многу бил изненаден докторот  radiograf  кога увидел дека пациентото  Artyom Sidorkin имал ништо помалку ни повеќе туку 5 см долга гранка од елка која му пораснала во градите…докторот Vladimir Kamashev кој како шеф на хирушкиот тим и раководител на онколошкиот одел мислел дека халуцинира кога ја ваѓал гранката од елката коај пораснала во градите на млaдичот…

и сега највероватно се прашувате…..

Јбт како е тоа могуче??? е па како единствена солуција е објаснувањето дека Artyom помирисал некое гранче од елка со што неколку семки преку носот му влегле во плуќата каде од влажност и топлината семката си се развила …НО единствено специјалистите не можеледа објаснат како цели пет години растело гранчето во апсолутна темница ….и да…Udmurtia  е  автономна покраина во состав на  Руската федерација…

Изменето од bijonse1 - 13.Ноември.2010 во 21:30