Образованието станува двојазично

Ne se krivi ni obse ni popse,ni albancite ili bilo koj drug. krivi se samo makedoncite koisto prifakaat se sto ke im padne na pamet ma nekoi.

Македонските ученици да учат албански јазик

Сеад Ризвановиќ	Коментари (30)

08.10.2009 16:22

Абдулаким Адеми

Учениците Македонци треба да го учат албанскиот јазик, бидејќи тоа ќе придонесе за подобра интеграција на етничките заедници во Македонија, вели Абдулаким Адеми, вицепремиерот задолжен за спроведување на Рамковниот договор.

„Сите етнички заедници во Македонија, вклучувајќи ги и Македонците, треба во образовниот процес да ги учат заедниците на другите етнички заедници, се со цел да имаме општ интегриран процес во образованието и во општеството“, изјави Абдулаким Адеми, вицепремиер.

„Делот на Рамковниот договор е сите етнички заедници да се интегрираат во општеството и во институциите и затоа, кога велам, мислам на Секретаријатот за спроведување на Рамковен договор како институција одговорна за имплементација на Договорот“, додаде Адеми.

Адеми не одговори дали има поддршка од коалиционите партнери за ова решение, вели се уште се разговарало, а кога ќе помине на владина седница, тогаш ќе биде официјален став.

Никола Тодоров

Министерот за образование не одговори дали го поддржува ова решение, вели познавањето на јазиците било богатство за децата, и се осврна на изучувањето на македонскиот јазик од страна на другите етнички заедници.

„И сега, во постојниот систем, е дозволено да се избира на факултативна основа, да се изучуваат јазици на некои од етничките заедници. Кога станува збор за факултативна можност, тоа значи дека секој од учениците може да избере дали ќе го учи јазикот на една од етничките заедници или не. Јас лично како човек сметам дека познавањето на јазиците може да биде само придобивка, само знаење плус кое може да им го олесни животот на оние кои повеќе ќе знаат“, рече Никола Тодоров, министер за образование.

Мисијата на ОБСЕ во Скопје заедно со Министерството за образование подготви документ за интеграција на образовниот систем.

Во него стои дека поради интерпретацијата на малцинските права се создале паралелни образовни системи на четири јазици, македонски, албански, турски и српски.

Ова според ОБСЕ треба да биде исправено со новата стратегија во образованието, каде сите етнички групи треба да го учат македонскиот јазик, но и македонските ученици треба да ги учат јазиците на заедниците.

Полека во нашето образование се воведуваат новини во смисол учење повеќе странски јазици како и учење на јазиците на етничките заедници во Македонија како изборен предмет.
Ако не се гледа од политички аспект можеби оваа иницијатива и не е така лоша. Лошто е што веднаш се инсинуира дека образованието ЌЕ стане двојазично. Кој може да знае за кој јазик ке се одлучат учениците?
Образованието станува двојазично