Правата на учениците

Митровска е првата наставничка во бел мантил

Единствено што посакувам е добро здравје за децата, се' друго ќе надоместиме, вели Андријана Митровска,наставничка на децата во болница

Како малечка сакав да бидам докторка, ама дипломирав на Педагошкиот факултет. Со оваа работа ми се исполнија двата сона, вели Андријана Митровска, првата наставничка што ќе ги учи децата што мора подолго да останат во болница.Таа пред неколку месеци во Министерството за образование оставила куса биографија со напомена дека би работела со деца ако треба и волонтерски.

- Знам дека пред мене е тешка задача, можеби многу потешка од таа што ја имаат моите колеги во училиштата, оти ќе работам со деца на кои им треба повеќе внимание од вообичаеното. Се чувствувам силна да им го дадам тоа на децата. На Детската клиника дознав дека Светлана Христова-Јоциќ пред дваесетина години била последната наставничка во болница, па за мене ќе биде посебно задоволство да го продолжам нејзиниот пат. Ќе ми биде големо олеснување ако ми ги пренесе своите искуства - вели Митровска.Митровска потекнува од работничко семејство и секогаш се трудела самата да се избори за тоа што го сака.

- Имам многу трпение и умеам со деца. Волонтирав и работев како замена во неколку училишта и секогаш на учениците им бев слабост. Вчера се запознав со правилата на клиниката, а денеска ќе се видам и со некои од децата. Треба да носам бел мантил, а по потреба и заштитна маска. Се надевам дека ќе добиеме училишни материјали, но најважно е здравјето на децата - раскажува наставничката.Митровска е загрижена за времето за подготовка за наставната програма, но вели дека и' помогнале директорките од основните училишта во Општина Центар. Од Општината најавија дека ќе ја вработат штом ќе добијат дозвола од Министерството за образование.

Музичарите ќе подарат прибор

Дел од македонската музичка естрада деновиве ќе донира училиштен прибор за децата во болница. Тие во координација со новата наставника на децата ќе им подарат се' што им е потребно непречено да ја следат наставата. Веќе сме организирани и сакаме да им подариме на децата, прво насмевка и желби побргу да оздрават, а потоа куп фломастери, пенкала, моливи, тетратки, гуми за бришење и се' што ќе им падне на памет - велат музичарите.

...sekoja cest i za humanosta... kje zdogledame malku vedrina na detskite lica.

Денеска училишно ѕвонче за децата во болница

Се надеваме дека надлежните нема да не' излажат како пред еден месец и навистина ќе ангажираат наставник, велат родителите

По повеќе од дваесет години, денеска конечно во Клиничкиот центар ќе влезе наставничка за да им одржи час на децата што долго се во болница, најавија од Кабинетот на градоначалничката на Општина Центар. По двомесечно инсистирање на редакцијата „Дневник“ да им се овозможи настава на болните деца, што е нивно законско право, Министерството за образование и Општината го согледале пропустот и решиле да ангажираат наставник. Градоначалничката Виолета Аларова купила книги за децата и лично ќе им посака среќа на првиот час.

- Големо задоволството ми е да им помогнам на децата во болница. Ним не треба да им помагаат само родителите и лекарите, туку целото општество - вели Аларова.Од Министерството за образование рекоа дека иако е донесен предлог-буџетот за 2009 година, тие ќе вметнат ставка за ангажирање наставник.

- Многу сериозно го разгледавме проблемот. Побаравме од Општината да ни достават податоци за децата за да знаеме каков наставник да ангажираме - вели Дарко Митевски, државен секретар во Министерството.Инспекторката за основно образование, Вида Крстева, вели дека имаат комплетен список со деца што се долго во болница и дека наставата ја приспособиле на нивната возраст.

Според Законот, основно образование е задолжително за децата во основните училишта, но и во здравствените установи. Министерството може да вработи наставник без да објави конк*рс, кој ќе трае 30 дена, како што се вработуваа наставниците по веронаука. Децата, родителите и лекарите се надеваат дека надлежните ќе го исполнат ветувањето и дека денеска навистина ќе влезе наставник во болничките соби.

- Би биле навистина разочарани ако пак никој не се појави. И пред еден месец најавија дека сигурно ќе дојдат. Децата беа разочарани, а родителите изненадени од несериозноста на институциите - вели мајка на едно дете.

...nema potazna slika od razocaranoto detsko lice, poveseli   oci od oci na dete koe iscekuva