Целта на Масонството

   којсумјас - тоа е основната разлика меѓу општеството и разбирањето на општеството во Македонија и истото во повеќето западни земји. 

Да, должност на политичарите е се тоа што го наброи (иако мал дел од нив тоа самите го разбираат), но ни оддалеку помагањето на општеството, на средината, унапредувањето на условите за живот и се друго за кое зборуваме - не е ексклузивно право на политичарите. Напротив. 

Живеам во Канада. Земја изградена на масонските принципи. Земја во која има највисок степен на социјална правда и веројатно едни од најдобрите услови за живеење во светот (во секој поглед, не само финансиски). Тука ни оддалеку не се само политичарите тие кои се ангажирани во одржувањето, спроведувањето и унапредувањето на тоа општество, туку тоа го прават граѓаните. Дури - соодносот на активност на граѓаните и политичарите е 95-5 (верувале или не)!!!

Тоа се одвива на најразлични начини. Доколку во Македонија се применуваат барем 10% од тукашните методи на социјална активност која граѓаните ја имаат, Македонија ќе биде прекрасно место за живеење.

Можам да набројам милион примери... од наједноставни - волонтирање на стотици илјади граѓани за најразлични каузи - одвојуваат по неколку часа месечно (но кога тоа го прават стотици илјади луѓе - се стотици илјади работи часа - сепак Канада и не е така бројна земја), и помагаат во училишта (од средување на училишни дворови, до застанување на возилата кога поминуваат ученици на пешачки насабајле и попладне, до помагање во библиотеката), помагаат во болници (читаат на стари и болни лица, им помагаат да се хранат на тие што не можат сами, забавуваат деца во детските клиники, помагаат на лица во колички), учество во разно-разни манифестации кои се со хуманитарна цел (од разни маратони, културни манифестации итн), собирање на донации (на пример - најголемата болница за детски болести "SickKids" има огромен број на волонтери кои стојат на сите улици со брошури и плакати и ги повикуваат луѓето да донираат - да, овде голем дел од финансиите на болниците се од донации на граѓаните и тоа ситни донации по неколку долари месечно, но како што реков - стотици илјади луѓе го прават тоа!). Активно се учествува во помагање на установи за згрижување на бедни, установи за згрижување на жртви на домашно насилство и жртви на криминал итн...

Многу често - кога некој од соседите ќе се разболи од некоја тешка болест (рак на пример), соседите организираат собирање на средства за семејството. Тоа најчесто не се прави затоа што е неопходно (државата доволно се грижи за тие работи), но на тој начин се покажува грижа, се покажува на семејството дека заедницата мисли на нив и дека не се сами во тешки моменти. Секој кој бил во таква ситуација знае колку е ова важно. 

Истотака има и активности на многу полокално ниво - на пример се организира "Community Watch", секоја вечер, по неколку граѓани се организираат и ги надгледуваат улиците во маалото и пријавуваат доколку има било каква сомнителна активност (крадци пред се). Или жени од маалото се организираат и помагаат на луѓе кои се тешко болни во истото маало и им чистат, готват, перат. Ова звучи како многу работа, но реално - секој поминува по час-два месечно во вакви активности.

Сево ова што го наброив се волонтерски работи, за кои не треба да се биде дел од некоја невладина организација, хуманитарна организација или слично. Не се потребни ниту пари за да се случат овие работи. Едноставно луѓето се вклучуваат и одделуваат време. Како што реков погоре - бидејќи огромен број луѓе го прават ова, реалното време кое се посветува од секого не е повеќе од час-два месечно во просек. Оние кои имаат повеќе време (пензионерите или домаќинки) поминуваат и по 10-20 часа неделно во вакви активности.

Плус на тоа додади и средства кои се донираат. Речиси секој граѓанин на Канада, донира по 30-40 долари месечно за најразлични каузи (болници, детски проекти, хуманитарни активности). Кога 10-тина милиони луѓе ќе го направат тоа - тоа се многу пари.

Самото тоа гради социјална одговорност кај сите граѓани. Граѓанинот се чувствува должен кон општеството, затоа што знае дека општеството е жив организам, каде секоја клетка е важна и секоја клетка работи за истото тоа општество. Истотака - секој граѓанин го чувствува општеството како свое и соодветно го штити од сите кои сакаат да го злоупотребат. Затоа - кога ќе се случи некој минијатурен политички скандал - паѓаат цели влади! Граѓанинот е над се и пред се.

Тоа е се резултат на масонските вредности врз кои е изградено ова општество.

Да не ми објаснува некој дека "тоа кај нас не може". Може! Само треба многу труд, посветеност и трпение, додека да се стигне до такво ниво. Да, тешко е да се донираат пари таму, но може да се донира време. Ако 100.000 луѓе донираат по два часа месечно, тоа се 200.000 работни часа. За толку време многу работи се завршуваат и многу работи се придвижуваат. А после - кога секој граѓанин ќе биде вклучен во такви активности - ќе бара поголема одговорност од оние кои ги избрал да ја администрираат државата (не го сакам терминот водат или управуваат, затоа што не е точен!).

Внеси реплика	страница <1 24 252627 28 62 >
Tweet