Очила

Очила за вид како моден додаток

Наместо да се грижите што мора да носите очила со диоптер, сфатете ги како моден детаљ. Комплексите во врска со носењето очила за вид се одминати предрасуди. Модерните рамки кои одговараат на формата на лицето се моден детаљ толку модерен, што и оние без проблеми со видот сакаат да ги носат.

За кусогледите најпогодни се очилата со дискретни метални рамки, а очилата со широки рамки се подобри за оние што не гледат добро одблизу.

Видови очила според формата на лицето

• Очила за овално лице – поднесува очила со секакви рамки: округли, правоаголни, тип „пеперутка“.
• Очила за округло лице – предност имаат аглестите рамки, најмногу типот „пеперутка“.
• Очила за издолжено лице – одговараат округли или правоаголно-овални рамки. Идеални се моделите со тенки рамки.
• Очила за триаголно лице – убаво прилегаат мали, заоблени очила со метална рамка или дискретни форми од типот „пеперутка“.

Шминка за кусогледи жени, кои носат очила

Идеални се сенките за очи во светли, заситени бои и еден слој маскара, која оптички ги зголемува очите. Избегнувајте сѐ што ги намалува очите, како темно моливче за очи нанесено на долната линија на окото.

Шминка за жени што не гледаат одблизу и носат очила

Избегнувајте јаки бисерни сенки или заситени, јаки бои. Подобро прилегаат тонови во мат. Идеални се сенките во бои што се прелеваат. Линијата што го исцртува окото треба да е многу тенка.