НАЈНОВО во излозите

Модни трендови за 2011

Црвено-розовата боја моден хит за 2011-та

Иако на улиците на светските метрополи на преминот од 2010-та во 2011-та година времето ќе биде многу студено, модните креатори истакнуваат дека црвено-розовата боја ќе внесе ведрина во идната 2011-та година, бидејќи таа ќе биде апсолутен хит во претстојната сезона пролет-лето.

Според Леатрис Ајсмен, извршна директорка на Институтот Пантон колор, црвено-розовата боја ќе биде многу пожива од тиркизната, која владееше на модните писти оваа 2010-та година.

Според Ајсемен, тиркизната боја одговарала на кризните времиња кога требало луѓето да се смират, но сега сме подготвени за нешто поинакво, но не премногу силно.

-Бојата ни говори дека треба да се надеваме и да мислиме на работи кои можат да ни задоволат што повеќе сетилата, истакна таа.

Пред да го изнесе своето предвидување која боја ќе преовладува во идната сезона, Ајсмен ги проучува трендовите меѓу дизајнерите, производителите, продавачите, но и мислењето на јавноста. Црвено-розовата боја асоцира на нешто слатко, среќен период на детството и буди носталгија, но во исто време е енергична боја.

Дизајнерот Џејмс Мишка смета дека е многу важно да се избере боја за пролетта, а според него црвено-розовата боја е силна боја, но може да се носи бидејќи прилега на многу типови на кожа. Таа боја можат да ја носат и млади и постари и тие кои сакаат удобна гардероба за секој ден, но и тие кои се за поелегантни варијанти.

-Црвено-розовата боја е позитивна, афирмативна и сметам дека тоа ќе биде став на сите нас во идната година“, истакна Мишка. Тој предвидува дека црвено-розовата боја нема да се задржи само на облеката за пролет и лето, туку во цела 2011 година.

-Таа боја оди добро со бело, а одлично изгледа и во комбинација со црна боја, додава Мишка.

Ајсмен пак вели дека црвено-розовата боја добро изгледа и со тонови на сина, зелена и портокалова боја.

Во последно време и боите на апаратите за домаќинство ги следат модните трендови, па така директорката на компанијата „Кузинарт“ Мери Роџерс, наведува дека и тие ќе го следат трендот за 2011 година.

-Во нашиот бизнис се покажа дека апаратите за домаќинство во боја не остануваат на полиците. На пример, ќе понудиме апарат за правење на сладолед со црвено-розова боја, но не и апарат за кафе или блендер, вели таа.

Објаснувањето е едноставно, луѓето користат различни бои за различна облека – ќе облечете црвен фустан или блуза за забава, но во формални прилики сепак ќе носите црн костим. Така е и со апаратите за домаќинство.

Седум стилски совети

Може да се облечете и за мали пари

Ако имате мал буџет не значи дека не можете да бидете модерни. Кога има распродажба можете да најдете мошне интересни креации кои одлично ќе се вклопат во вашата гардероба.

Иста облека може да се носи и во различни прилики

Кога купувате определена облека размислете за сите можни комбинации во кои што можете да ја носите. Доколку немате барем три различни идеи уште еднаш размислете дали таа облека воопшто се вклопува во вашиот стил.

Облекувајте се согласно приликата, но и според чувството

Ако се чувствувате заводливо, тогаш облечете се така. Тоа не значи дека треба да покажете се, туку да пронајдете парче облека кое ќе ја истакне вашата заводливост.

Облекувајте се уникатно

Правете се за да изгледате поинаку. Тоа вклучува забавна облека во весели бои надополнета со многу стил.

Не морате да бидете совршени од глава до пети

Се разбира дека треба да сте уредни, но тоа не значи дека секогаш треба да сте на висока потпетица. Одлично ќе поминете и во спортски и лежерен стил.

Фустаните не се само за вечерни излегувања

Многу мажи се одушевени од жени кои и преку ден носат фустани. Еднаш кога ќе се навикнете на фустаните се е поедноставно и попрактично.

Прилагодете ја облеката на своето тело

Истакнете го најдоброто, а сокријте го најлошото. Ако немате инспирација, земете ги за пример ѕвездите и нивниот стил и обидете да изберете нешто што ќе ви прилега.

Црвена коса симбол на оваа есен

Црвениот тепих секогаш ги диктира модните трендови, па така и овој пат. Судејќи по изгледот на многу ѕвезди црвената боја на коса е особен хит за оваа есен. Во клубот на црвенокоси водат жешката Ријана и преубавата Британка Шерил Кол која пријатно ги изненади сите откако ја бојадиса својата долга коса во темно црвена нијанса.

Но, списокот на дами кои се определија за оваа боја не застанува тука, а не застануваат ниту фризурите. Црвената коса се начесто се носи пуштена и разбушавена како да сте вистинска бунтовничка, но можете да ја се определите и за малку по елегантна варијанта се разбира во комбинација со сексапилно деколте.