Вести

Летонскиот претставник важеше за фаворит во овој натпревар, но нашиот претставник успеа да остане непоразен.

Целта е исполнета, Тетекс не загуби на првиот натпревар, реваншот е за седум дека на Арената Филип Втори, каде што ќе се брка победа за плсаман во следното коло.

Денеска претходно Работнички ја победи Мика со 1-0 па нашите екипи се со реални шанси за пласман во следното коло.

МАКЕДОНСКИОТ РЕПРЕЗЕНТАТИВЕЦ СЕ СЕЛИ ВО АЗЕРБЕЈЏАН

Милионски трансфер на Митрески во Нефчи Баку

Македонскиот репрезентативец Игор Митрески го оствари трансферот на кариерата, откако потпиша милионски двегодишен договор со азербејџанскиот прволигаш Нефчи од Баку. Триесет и едногодишниот дефанзивец оставил толку добар впечаток на подготовките на Нефчи во Австрија, што богатиот претседател на клубот Садиг Садигов бил решен да испрати свој приватен авион по него во Скопје за да го обезбеди потписот на договорот. Митрески во Нефчи ќе му се придружи на својот репрезентативен колега Славчо Георгиевски.
- Ова е трансфер на мојата кариера, најдоброто нешто што сум го направил досега на играчки план. Презадоволен сум од тоа што ми го обезбеди Нефчи, како на финансиски план, така и од условите за живеење што ќе ги добијам таму. На новата екипа треба да и се приклучам до 15 јули - изјави Митрески.
Нефчи е најбогатиот клуб во Азербејџан, спонзориран од истоимената нафтена компанија, а минатата сезона заврши на петтото место во домашното првенство. Митрески се реши за Нефчи помеѓу неколку екипи кои во изминатиов период покажаа интерес за него, како Динамо Бук*решт, германскиот второлигаш Минхен 1860, белгиски Лирс и француски Нант.
Игор Митрески ја почна својата интернационална кариера во Спартак Москва во 2001 година, по што продолжи во Беитар, Енерги Котбус и Жерминал Бершот, а во пролетната полусезона кратко играше за ЦСКА Софија. (Т.З.)