НАЈНОВО во излозите

Модни катастрофи

Модни трендови oд оваа година кои морате да ги заборавите.

Крајот на годината е одлична можност за рекапитулација на сè што се случило во неа. Се прогласуваат најдобрите и најлошите во различни категории, а кога станува збор за модата оваа година бевме сведоци на многу убави, но и лоши трендови.

Оваа година на модната сцена се вратија многу практични предмети, но и ужасни.

Направена е голема анкета во која учествуваа жители на девет земји - читатели на магазинот Metro, тие имаа можност да се изјаснат за модните трендови на деценијата.

Еве на што треба да заборавите во 2011 ако ја следите модата, но ако имате сопствен стил - секако, задржете го!

Шалвари – Оваа мода најмногу ги нервира жителите на САД и Канада, некои шалварите ги поврзуваат со високата мода, но повеќето се надеваат дека помалку ќе ги гледаат на жените.

Готички стил – Војнички чизми и црн лак за нокти во новата 2011 година треба да се носат само поради убедување, односно ако вашиот стил е таков. Времињата секако сами по себе се доволно црни, зошто да бидеме депресивно облечени?

Чизми (топлинки) – И покрај тоа што веќе подолг период се наоѓаат на врвот, постојат се повеќе критичари кои коментираат за нив. Проблемот е во тоа што овој тренд го прифатија скоро сите градски девојки, а што е премногу, премногу е.

Чевли со висока платформа – Можеби изгледаат одлично на модните писти или во музичките спотови, но тие се потполно непрактични во реалниот живот. Одењето со такви чевли може да ви предизвика болки во нозете.

Машки тесни панталони – За носење на овие панталони морате да имате слаби нозе, а тие не изгледаат воопшто секси кај мажите.

Хеланки – Тие се  моден ужас особено ако се комбинираат со фустанче, а за жителите на Франција и Унгарија најлошо изгледаат хеланки-фармерки.

Crocs – Овие шарени пластични мокасини со силни бои се одлични за децата, а Данците смета дека возрасните не треба да помислат да ги носат надвор од домот.

Еластични балеринки – Можеби се премногу удобни, но морате да знаете дека модата им помина, особено ако ги прашате жителите на Данска и Унгарија.