Теорија на Еволуцијата

AlDra напиша: Да проф. д-р Иван Грозданов има напишано таква книга- НЕ на еволуцијата, ДА на Библијата. Па за ефтини пари може да ја најде секој и да се увери во вистинитоста на Библијата. Внимавајте, човекот е реномиран професор по хемија! Не би го жртвувал својот авторитет кој го има во научните кругови доколку навистина не е убеден во она што го пишува.

Негово право што ќе пишува, не значи дека е во право

А сигурно Тим Вајт од универзитетот на Калифорнија во Беркли е некој глупак кој прави будала од себе????

Изменето од Ateist - 13.Јули.2008 во 15:24

Време, број 691, 14.04.2006

СЕНЗАЦИОНАЛНО ПАЛЕОНТОЛОШКО ОТКРИТИЕ
Пронајдена клучна алка од човековата еволуција

Трагачите по фосили пронашле остатоци на веројатно директниот предок на човекот, кој живеел пред четири милиони години. Примероците од ова древно суштество веројатно ќе го премостат големиот јаз во клучната фаза на човековата еволуција.
Професорот Тим Вајт од универзитетот на Калифорнија во Беркли и неговите колеги откопале еден куп фосилни остатоци од регионот Среден Аваш во Етиопија. Тие своите пронајдоци во статијата во научниот магазин „Нејчер“ ги опишуваат како остатоци од Аустралопитхецус анаменсис. Аустралопитекусот е важен древен вид човеколики суштества-хоминиди. За нашиот вид Хомо општо се смета дека произлегол од оваа група. Затоа врската на аустралопитекусот со дури и најраните двоножни хоминиди е клучна за разбирањето од каде потекнуваме.
Кога новооткриените ќе се споредат со другите фосили од истата област во Етиопија, 4,1 милиони години старите примероци на анаменсис го пополнуваат еволуцискиот тек меѓу нивните претходници и меѓу подоцнежните видови.
- Фактот дека анаменсис е во сендвич меѓу претходниците и подоцнежните хоминиди е она што е битно при ова откритие - вели Тим Вајт.
Новооткриените примероци ја пополнуваат дупката - и во поглед на времето, и во поглед на анатомијата - меѓу претходникот Ардипитхецус рамидус, кој датира од 4,4 милиони години претходно, и подоцнежниот вид Аустралопитхецус афаренсис, кој бил присутен во Среден Аваш пред 3,4 милиони години.

Веројатно за тебе ни ова не е доказ

Ateist напиша: Коментар драги мои верничиња, не е потребен. Сакавте докази? Ете Ви ги. Ова се само неколку кои успеав да ги најдам, а ги има милион други. Дајте еден доказ со што е тоа побиена Дарвиновата теорија, кој научник го сторил тоа и врз основа на што???

Не прочитавме ниту еден доказ само многу информации што откопале археолозите.
Патем, Дарвин и не велеше дека Бог не постои, туку дека неговите созданија еволуирале.

Не сум Јеховин Сведок но тие имаа издадено една добра книга на тема побивање Дарвинова еволуција:
Животот - како настанал? Преку еволуција или создавање?

после имаше една од еден македонски професор мислам Грозданов(-вски?)Хемичар.
НЕ на Дарвиновата Еволуција - ДА на Библијата.

Јас лично во голем дел и велам НЕ и на Библијата, но горната книга исто наведува некои работи човек да се запраша

И Ваишнавската верска заедница(Харе Кришна движење) издаде книга со наслов: Животот настанува од Живот

ете колку за илустрација и на поинакви мислења на тема Дарвин и еволуција.

Изменето од Majkl - 13.Јули.2008 во 12:40

Време, број 884, 01.11.2006

Најдени коски од модерен човек од пред 30.000 години

Археолозите што ги истражувале коските пронајдени во пештерата „Муиери” во Романија заклучиле дека остатоците се стари и 30.000 години и дека потекнуваат од некои од првите модерни луѓе што ја населиле Европа. Научниците забележале и дека коските имале особини и на модерниот човек и на неандерталецот, што само по себе поставува нови прашања за местото на неандерталецот во еволутивното дрво на модерниот човек.

Коските биле ископани во 1952 година, но неодамна темелно биле испитани. Досега во Европа биле најдени многу мало количество останки од модерниот човек постари од 28.000 години. . Резултатите од истражувањата што ги направил Ерик Тринкаус покажале дека фосилите биле стари 30.000 години и биле забележани карактеристики на модерниот човек (Хомо сапиенс). Но, професорот Тринкаус истакнал и дека коските имале и особини карактеристични за нашиот еволутивен роднина, неандерталскиот човек (Хомо неандертхаленсис).

Европските фосилни остатоци покажале дека неандерталците на овие простори постоеле од пред 400.000 години. Тие биле моќни ловци, кои ги населувале териториите од Британија и Иберија на запад, Израел на југ, па се до Узбекистан на исток. Се верува дека модерниот човек се населил во Европа пред околу 40.000 години и дека за околу 15.000 години, од неговото доселување, неандерталецот сосема исчезнал.

Научниците изјавиле дека податоците од овие скелети може да го зголемат знаењето за раните европски доселеници, но додале и дека имаат намера да направат ДНК-тестови што ќе покажат дали модерниот човек се мешал со неандерталците. Черепи од вакви „хибриди” претходно биле пронајдени и во Чешка, а во 1998 година во Португалија бил откопан детски скелет, кој бил опишан како мешавина меѓу неандерталец и модерен човек.

КОЈ ТОА ВЕЛИ ДЕКА НЕМА ФОСИЛННИ ОСТАТОЦИ ОД ПРЕОДНИТЕ ФОРМИ??????? ГОСПОД? АЛАХ?

Пред фактите и боговите молчат.......

Дневник 04.03.2008:
Најден фосил од рептил долг 15 метри

Норвешките научници откриле фосилни остатоци на 15 метри долг морски рептил што пред 150 милиони години живеел во Северното Ледено Море, пренесува Макфакс. Станува збор за еден од најголемите рептили што некогаш живееле во морињата. Фосилните остатоци пронајдени на островот Спицберген, северно од норвешкото копно, стручњаците го нарекле „чудовиште“ и спаѓа во најголемите примероци на пилосаурот. Тој вид животни имале огромна глава, големи заби и четири перки. - Ова чудовиште можело да прегризе помал автомобил - вели палеонтологот Ричард Форест. Должината на перките кај пронајдениот примерок изнесувала речиси три метри, се наведува во соопштението на Универзитетот во Осло, објавено завчера.

Изменето од Ateist - 13.Јули.2008 во 10:15

Ги видов филмчињата и го уочив следново:
Само доказ дека некој така сака да ги гледа работите, нити аргумент ниту доказ ниту нешто научно. Баш напротив доказ дека толку совршено не може дури ни господ да го направи.

Изменето од Ateist - 13.Јули.2008 во 09:51