Фатени сторителите на петкратното убиство

Министерството за внатрешни работи во големата акција спроведена утрово приведе 20 лица кои се осомничени за масакрот кај Смилковското езеро, а за дел од нив има материјални докази дека биле дел од извршувањето на грозоморното убиство.

Министерството за внатрешни работи во големата акција спроведена утрово приведе 20 лица кои се осомничени за масакрот кај Смилковското езеро. За дел од нив постојат материјални докази дека биле дел од извршувањето на овој грозоморен чин и убиството на петте невини лица.

Како што соопшти министерката за внатрешни работи, Гордана Јанкулоска приведените лица се припадници на радикален ислам, односно радикални исламисти, а мотивот за убиството е создавање страв помеѓу населението. Првичните информации говорат дека немало директна врска помеѓу жртвите и сторителите и поради тоа мотивот за некаква одмазда е исклучен.

Според министерката Јанкулоска се работи за лица кои учествувале во терористички акциии во Авганистан и Пакистан и се бореле против силите на НАТО.

Акцијата е извршена на неколку места во Скопје, а приведените лица се од главниот град. При акцијата пронајдено е извесно количество на оружје, но вештачењето треба да потврди дали со ова оружје е извршено убиството кај Смилковското езеро.

Наскоро поопширно...

На полицијата и е познат ДНК профилот на убијците кои го извршија петкратното убиство кај Железарското езеро, но се уште нема осомничени.

Според експертите доколку ДНК профилот добиен од доказите не се совпадне оној од пронајдениот автомобил, тогаш ќе биде потребна помош од странски датотеки.

Со автоматско оружје на Железарско Езеро кај скопско Смилковци брутално беа убиени момчињата Кире Тричковски, Цветанчо Ацевски, Александар Наќевски и Филип Славковски – Френки од скопската населба Радишани, како и четириесет и петгодишниот Борче Стефковски од скопското село Црешево.  Информациите се дека момчињата биле пронајдени мртви еден до друг, а рибарот од Црешево бил пронајден мртов на неколку десетици метри од телата на момчињата.

Полицијата го пронајде возилото кое го користеле сторителите на грозоморниот чин, а познато е дека било увезено од странство, па му биле монтирани таблички од стар расклопен „Мерцедес“.