Вести

Екипата на Работнички, не успеа да направи изненадување кое би била еднакво на сензација, во дуелот со славниот англиски клуб Ливерпул. Иако шансата за надигрување и евентуален поволен резултат во дуелот со десеткуваниот Ливерпул, фудбалерите на Работнички ја имаа и тоа пред исполнетите трибини на „Филип Втори“, сепак, разликата во квалитет дојде до израз.

Со головите на Н’Гог во 17-тата и 59-тата минута, Ливерпул се враќа на „Енфилд“ со два гола предност. Негативата од 2:0 пред гостувањето по седум дена во Англија, реално ги сведува на минимум шансите за пласман во следната рунда на „романтичарите“, па само фудбалско чудо може да го одведе Работнички до пласман во последното (4-то) квалификациско коло.

Вториот македонски претставник во ова натпреварување екипата на Тетекс, е пред сигурна елиминација. Фудбалерите на Тетекс претрпеа висок и убедлив пораз од 5:0 на гостувањето во Борас, кај шведскиот претставник Елфсборг. По овој пораз, реванш дуелот закажан за 5 август во Скопје, ќе биде само формалност.

Марадона обвинува дека бил предаден и излажан

Ливерпул е апсолутен фаворит на утрешниот натпревар иако стратегот на Работнички Зоран Стратев остава неколкупроцентна можност за сензација и позитивен исход под кој се подразбира и реми.

- Им кажав на фудбалерите дека треба да уживаат на теренот заедно со љубителите на фудбалот. Убеден сум дека ќе одиграат најдобро што можат и ќе го остават срцето на теренот. Атмосферата во клубот е на завидно ниво и се надевам дека љубителите на фудбалот ќе бидат задоволни без разлика на крајниот резултат на натпреварот. Ливерпул е апсолутен фаворит, иако потајно се надевам на позитивен  резултат под кој го подразбирам и нерешениот исход, рече Стратев на денешната прес-конференција.

Тој најави дека без разлика на големината на Ливерпул тактичката поставеност на Работнички ќе биде 4:3:3 со можна трансформација во 4:5:1 во зависност од резултатот. За утрешниот натпревар во составот ги најави фудбалерите кои се изборија Ливерпул да дојде во Скопје иако не исклучи кој било од останатите играчи да влезе во игра.

Капитенот на Работнички Никола Глигоров и вети на 22-илјадната публика дека ќе биде задоволна  од натпреварот и покрај трансферите во поголеми клубови на некои од играчите во последниве неколку недели.

- Во клубот владее опуштена атмосфера и цела седмица живееме и посакуваме Ливерпул во Скопје да настапи со најсилниот состав  и да видиме до каде сме, иако за резултатот би било подобро да дојдат без ѕвездите, рече Тодоров.

Од управата на Работнички посочуваат дека во продажба биле пуштени 20.000 нумерирани билети за двете трибини со специјална заштита кои веднаш се распродадени. Дури и партнерите на клубот и државните институции изразиле желба да си ги платат своите билети што и направиле. Гратиси им биле поделени единствено на најблиските на играчите.

Официјално 1.157 билети платил Ливерпул за своите навивачи, а биле одбиени барањата за 5.000 резервации за фудбалските фанови на англискиот гигант од соседните земји. Од натпреварот, според барањата за резервации, ќе известуваат и 80 новинари од Велика Британија.

Ливерпул веќе допатува во Скопје, а попладнево ќе одржи тренинг и прес-конференција. Екипата со себе носи огромна опрема, како и свои готвачи и медицински персонал.

Им покажавме на сите дека можеме!!!

*"Сите н$ испратија на екск*рзија на првиот меч, а малкумина веруваа дека на реваншот ќе ги одбраниме тие 0:0. Докажавме дека лошо го процениле нашиот квалитет", вели Ристевски

Какво само одлично деби имаше Тетекс на европската фудбалска сцена. Го поминаа второто коло, ја совладаа првата пречка. Малкумина очекуваа дека тие ќе успеат да го поминат Вентспилс, кој важеше за голем фаворит на овој двомеч. И кога Тетекс одигра 0:0 на првиот меч, веднаш песимизмот се претвори во оптимизам. Се зголеми бројот на оние кои се надеваа дека Тетекс ќе успее да ја задржи позитивата од првиот меч и да се најде во третото коло од ова натпреварување. Сепак, имаше и такви кои и за реваншот не веруваа дека "штофарите" ќе имаат сили да го совладаат Вентспилс. Играчите на Тетекс ги изненадија сите, но и "разочараа" многумина. Секакви пофалби заслужуваат бидејќи на реваншот одиграа феноменално и ја прикажаа можеби најдобрата фудбалска партија во нивните кариери. Од голманот Марко Јовановски, па с$ до напаѓачите Исени, Стојановски и Глигоровски, апсолутно целиот тим заслужува највисоки оценски за тоа како го одиграа овој меч.
"Навистина не знам што да кажам бидејќи ниту јас н$ можам се уште да верувам дека успеавме да поминеме едно коло. Во вистинска еуфорија сме сите. Одигравме максимално ангажирано, го дадовме нашиот максимум. Целосно го надигравме противникот и заслужено ги совладавме и заслужено сме во третото коло", вели најдобриот на дуелот со Вентспилс, Димче Ристевски, кој притоа додаде:
"Сите н$ испратија на екск*рзија на првиот меч, никој не веруваше дека ние можеме да направиме резултат. Бевме потценети од нашата фудбалска јавност. Многу ми е драго што успеавме да им докажеме дека, сепак, н$ потцениле и не го процениле нашиот квалитет како што треба. На сите им покажавме дека можеме да го совладаме Вентспилс. Сакам во името на фудбалерите да се заблагодарам на екс директорот Александар Заковски, кој можеби беше единствениот кој веруваше во нас и кој ни даваше максимална поддршка. Сега н$ чека друг предизвик, н$ чека Елфсборг, тим кој повторно ќе биде фаворит. Сепак, ние ќе продолжиме во ист стил, ние повеќе нема што да загубиме, само можеме да добиеме", вели играчот за врска Димче Ристевски.

Е.Р.

Ќе се бара одложување на дуелот со Шкендија

Со оглед на тоа дека Тетекс првиот меч ќе го игра на гостински терен, и тоа на 29 јули, според нашите информации, стручниот штаб и раководството на овој тим ќе бара од ФФМ одложување на мечот против Шкендија. Како што е познато, новата сезона почнува на 31 јули, а Тетекс игра против Шкендија, поради тоа ќе се бара овој меч да биде одложен.

Борче Ристовски доби исписница оди во Скендербег!?

Дефанзивецот на Тетекс, Борче Ристовски ја доби бараната исписница. Тој веќе одамна изрази желба да си замине, а пред неколку денови беше на проба во романскиот тим Астра Плоешти каде не успеа да се наметне. Според информациите, исписницата е потпишана, Ристовски е слободен играч и, најверојатно, ќе продолжи во албанскиот тим Скендербег.

Слободни до недела

Два дена слободни добија фудбалерите на Тетекс. По мечот со Вентспилс и големиот успех, "штофарите" добија можност победата да ја прослават со два дена одмор. Фудбалерите в недела во 10 часот треба да се појават на тренинг.

ОДЛИЧНАТА ИГРА НА ИГРАЧОТ ЗА ВРСКА ВЕДНАШ ЗАБЕЛЕЖАНА

Вентспилс прашува за цената на Пеев!

Фантастично одиграа "штофарите" на реваншот против Вентспилс. Нема потреба, ниту може некој драстично да се издвои од тој состав, но, сепак, ако ништо друго, противникот на Тетекс во Скопје виде нешто интересно. Според нашите информации, играчот кој им се допаднал, и тоа многу, е фудбалерот за врска Оливер Пеев. Како што дознавме, стручниот штаб на овој тим на чело со тренерот Нунцио Заветиери побарало од нивното раководство да повторно да стапат во контакт со Тетекс, но овој пат да се разговара за трансфер. Луѓето на Вентспилс пред заминувањето по мечот одигран во четвртокот прашувале колку чини Оливер Пеев. Играчот за врска и на првиот меч кој Тетекс го одигра на гостински терен со резултат 0:0 ги воодушевил челните луѓе на Вентспилс, а на ревашот само биле потврдени нивните импресии. Засега од клубот не ја потврдуваат официјално оваа информација. Доколку биде расположен Тетекс да се раздели со Пеев, тогаш сигурно дека цената нема да биде проблем со оглед на тоа дека Вентспилс има годишен буџет кој се движи околу 5 милиони евра.

ВИ ГО ПРЕТСТАВУВАМЕ ПРОТИВНИКОТ НА ТЕТЕКС ВО ТРЕТОТО КОЛО

Елфсборг со само една вистинска ѕвезда

Во пресрет на третото коло од УЕФА Европа лигата ви го претставуваме противникот на Тетекс. Елфсборг е шведски тим, кој е формиран на 26 јуни 1904 година, а од 1906 го носи денешното име. Овој фудбалски клуб се наоѓа во гратчето Борас, место со нешто повеќе од 63 илјади жители. Речиси 90% од играчите на Елфсборг се Швеѓани, додека мал е бројот на оние кои доаѓаат од други држави. Има по еден од Данска, Америка, Англија, Австралија и Финска. Има и други фудбалери кои потекнуваат од други држави, но, сепак, имаат и шведско државјанство како што е Јапонецот Стефан Ишизаки, Босанецот Дени Авдиќ и Либанецот Абас Хасан. Во својата клупска историја Елфсборг петпати бил шампион на Шведска, а интересно е тоа што во последните 50 години само еднаш се закитил со оваа титула, и тоа во 2006 година. Шест пати бил вицешампион, двапати го освоил Купот, а трипати играле во финалето на ова натпреварување. Елфсборг има и еден пехар во Супер купот освоен пред три години. Само една вистинска ѕвезда има овој тим, и тоа дефанзивецот Теди Лучиќ познатиот шведски репрезентативец кој има играно на ЕП 2004, и на Светските првенства во 1994, 2002 и 2006. Тој има 37 години и има играно за Лидс, Болоња и Леверкузен. Инаку, досега Елфсборг има одиграно вкупно 43 меча во европските купови. Има 17 победи, 11 нерешени средби и 15 порази. Најголем успех на Елфсборг на европската сцена е во 2007/08 кога играа во групите од Купот на УЕФА. Тогаш шведскиот тим беше во групата "Ц", заедно со Фиорентина, Виљареал, АЕК Атина и Млада Болеслав. Елфсборг заврши на последното место без ниту една победа и со само едно реми она против АЕК Атина на домашен терен во првото коло. Таа сезона во последното квалификациско коло го елиминираа Динамо од Бук*решт. Елфсборг игра на стадионот "Борас арена" со капацитет од 17.800 места.

Според "трансфермаркт" вредат 16.325.000 евра!

Вредноста во моментов на шведскиот тим според интернет порталот "трансфермаркт", кој се занимава со цените на играчите, е 16.325.000 евра. Најскапи играчи на Елфсборг се Стефан Ишизаки и Дени Авдиќ, кои вредат по 2.000.000 евра.