Најубавата плажа во Европа

Плажата скриена под ѕидините на живописниот велшки брег Тенби е прогласена за најубава плажа во Европа, надминувајќи ја конК*ренцијата од Португалија, Хрватска и Италија.

Квалитетот на водата, убавата околина и мислењето на посетителите на плажата Харбор во Тенби (Пемброкшир) ѝ го донеле првото место во Европа, соопштила туристичката организација „European Best Destination“.

Тенби, на околу 140 километри од Кардиф (Велс) е стар средновековен град заобиколен со ѕидови и има 3 песочни плажи, долги 4 километри.

Минатата година Тенби ја освоил наградата „British Travel Awards“ во категоријата најдобри британски приморски летувалишта.

Праја де Кова, на јужниот брег на Португалија и Златни Рат на јужниот брег од островот Брач, го освоиле второто и третото место на листата од 15 најубави плажи во Европа.

Плажата Изола Бела во Таормини (Сицилија) го заземала четвртото место.

Исто така и некои други плажи во Италија и Шпанија се нашле на листата, а покрај нив и плажите во Франција, Кипар, Грција, Шкотска и Германија.

Плажата Бара на островот Бара (Шкотска) се наоѓа на последното петнаесетто место.

Западниот дел на островот може да се пофали со бели песочни плажи полни со школки, плодно околно земјиште, но и карпести делови.

Најубавите скриени плажи во Европа

Факт е дека нема плажа на која ќе успеете да и одолеете, но има нешто посебно во оние скриените, мистичните местенца, колку и да се малечки.

Барем во Европа, таквите скриени плажи ги има во изобилие, а ако сте доволно среќни да отпатувате на една од овие дестинации, задолжително посетете ги следниве:

Es Trenc, Мајорка

До оваа плажа не можете да стигнете со автомобил, но патот дефинитивно ќе се исплати. Километарската плажа со бел песок која се среќава со азурно синото море е глетка во која ќе сакате да уживате со денови. На тоа додадете 40 степени и вкусни коктели - и веќе сте таму со мислите!

Formentera, Ибица

Западниот дел од Медитеранот крие неповторливи убавини, а едно од нив дефинитивно е островот Formentera. Идеален е за опуштање, но и за оние кои бараат малку забава. Црвената плажа Cala Saona не смеете да ја заобиколите ако сте љубител на нуркањето. А, кога ќе ви досади излежувањето на плаќа, секогаш можете да се развозите околу островот.

Arrifana, Португалија

Релативно мала плажа, од половина километар која е рај за сурферите. Брановите овде се посебно доживување. А, ако сте заинтересирани за помирен одмор тука се малечките ресторани кои ќе ве послужат со свежо уловена риба и морски специјалитети.

Calanques, Франција

Француската ривиера е позната по гламурот кој го нуди, но ако сакате да ги избегнете гужвите, упатете се кон плажата која ќе ви понуди долг, песочен брег под стрмите карпи.

Vouligmeni to Sounio, Атина

Тешко е да се одлучите само за една од многуте прекрасни плажи околу Атина, па подобро е да го разгледате целиот брег. Таму ќе пронајдете огромен број на минијатурни, скриени плажи. Thymari е само една од многуте кои ќе ви понудат совршено мирно море и голем број на ресторани покрај брегот.

El Saler, Валенсија

Ова е една од ретките плажи кои се наоѓаат во национален парк, па можеби и затоа важи за една од најпрекрасните. Тука ќе можете да уживате во постојаниот западен ветар, големиот број на сурфери, а сите кои сакаат летна рекреација може да ги истражуваат долгите песочни патеки.

Pinarello, Корзика

Со 2 километри бели песочни плажи, оваа плажа е од оној тип на места од кои едноставно не сакате да заминете. Тука се наоѓаат 6 ресторани во кои може да уживате во морски специјалитети со поглед кон божественото тиркизно море.

Kelebekler Vadisi, Турција

До тука ќе стигнете само со брод или пешки по стрмна патека. Овој залив се смета за една од најголемите турски тајни, па ако сте авантурист кој ја истражува природата - ова е идеалното место за вас. Дури кога ќе се изморите од истражувањето можете да се нурнете во азурното море или под некој од двата малечки водопади.

 Плажата Ланикај во Хаваи

Anse Lazio, Праслин, Сејшели