СУШТИНАТА НА ХРИСТИЈАНСТВОТО


   Зошто Исус е единствениот пат за воспоставување однос со Бога?
Зарем не постои ни еден друг кој би можел да не поврзе со Бога? Буда, на пример. Или Мухамед. Зарем човек не може да живее чист морален живот? Ако Бог е таков Бог на љубовта, зошто не ги прифати луѓето онакви какви што се? Како Бог којшто е полн со љубов ќе прати човек во пеколот?
Еден куп вакви прашања ќе поставувате и вие и многумина други. И сите тие ќе се вртат околу едно, зошто човекот мора да има доверба во Исуса Христа како во Спасител и Господ. Одговорот е:- ЗА ДА МОЖЕ ДА СЕ ВОСПОСТАВИ ОДНОС СО БОГА И ЗА ДА ДОБИЕМЕ ОПРОСТУВАЊЕ НА ГРЕВОВИТЕ.
Зашто Бог е Бог на љубов, но Бог е и Праведен и Свет и нема да дозволи грешник да дојде пред него.
- Бог во вечното минато речил да направи човечко суштество, маж и жена. Бог го создал човекот за со него да ја подели својата љубов и слава. Но Адам и Ева се побуниле против Божјата замисла и тргнале по соспствен пат, и тогаш гревот влегол во човечката раса. Од тој момент секој поединец станува грешен и одвоен од Бога. Сите луѓе од тој момент па наваму се раѓаме грешни, зашто Адам и Ева имале слободна свест и тие го одбрале гревот.
Библиската вистина е дека платата за гревот е смрт (како што и за секое прекршување на законот следи казна, така и за гревот мора да се плати).
Факт е дека и муслиманите и христијаните ги имаат Адам и Ева. И факт е дека сите признаваме дека тие згрешија - направија грев. Тогаш кој ќе плати за гревот? Бог кој е Свет и Праведен нема да дозволи да дојде грешник пред него.
И бидејќи Господ толку ги засака луѓето, и бидејќи Бог е со неограничена способност, тој самиот реши гревовите да ги плати и со луѓето- неговите деца да има повторно заедништво. Зашто казната за гревот е смрт. Некој мора да плати. Бог слегол во форма на човек преку Исус Христос и плати за гревот- преку смртта на Христос на Крстот.
Но Христос - Бог ја победи смртта и воскресна. И токму поради тоа верувањето во Исус- Бог нуди спасение (опростување за гревовите и вечен живот). Никој друг не плати за гревот.
Знам проблем е кога велиме и кога треба да се прифати дека една е вратата за влез во Божјото царство. Убаво би било да се повеќе врати. Но една е таа врата тоа е Исус. Затоа и Исус вели: широка е вратата и простран е патот што води во пропаст, но тесна е вратата и еден е патот кој води кон вечен живот. Кој поверува во ова ќе биде спасен. Кој не поверува во ова ќе го нема вечниот живот и ќе оди во пеколот.
,,Многумина се повикани, но малкумина се одбрани,,
,,Ќе гледате, а нема да видите. Ќе слушате, а нема да разберете,,
Точно така се додека не го прифатите Исус нема да го разберете. Се додека не го прифатите Исус ќе го немате спасението. Ѓаволот секогаш ќе ви наоѓа изговор, нови оправдувања, нови верувања, нови месии, нови научни докази- кои секојдневно се побиваат.
Затоа и има дел во Библијата каде Исус вели: ,,Проклет да е тој што ќе ви нуди ново Евангелие, па дури и ангел да е, ако е поразлично од она што ви го кажувам јас,,.
Вие постојано ќе наоѓате човечки филозофии, но прашање е дали тие мочат да платат за вашиот грев, дали тие нудат живот вечен. Одговорот е не! 
Една е вратата, еден е патот, едно е спасението- тоа е преку Бог, еден е Бог. Бог е Праведен и Свет.  И никој не доаѓа кај Бог преку Исус.
Ваше е да прифатите или одбиете. Колку и јас да ви докажувам, ако замижувате и понатаму нема да видите. Колку и јас да ве љубам ако вие не го прифатите Исус, залудно ви е се.
Ваше е да одберете по кој пат ќе чекорите. Или ќе одите во вечен живот и ќе поверувате во Исус и преку вера ќе му дозволите да плати и за вашите гревови или вие самите ќе платите за гревот. А казната за гревот е смрт. Со грев не може во вечен живот. Грешни луѓе не можат да влезат во Божјото царство.

Внеси реплика	страница <123 4 5 >
Tweet